MARK 10:18 - AMÜSÜH HÜM CL Bible (BSI)

¹⁸ Jisunü api ki alo, “Tümü thsükhi nünü I ki atsü de jicho? Thrünpuh kheak hode sheshe atsü müla.

MARK 10:18 Iomraidhean Croise

MUNGSHIKHÜN 119:68

Nü a tsülah tüsho atsü thsüchoh; I ki nü yakzan thsükhibo thsangyuang.

MUNGSHIKHÜN 145:9

Atungpuhnü alala ki tsülah, tüsho api rhimobo alala kurungkheak api amüthsüm lah.

MUNGSHIKHÜN 86:5

Tümüde Atungpuh , nü tsülah tüsho neak bahjihpü thsakhamlah, tüsho nü ki jirü alala kilim mihmüthsüm ching suhdahlah.

MATHI 19:17

Jisunü alo, “Tümüde nünü I ki atsü dünkheak keokhicho? Atsü khülang lang lah. Nünü rhangdung lapung ching yüzahnesho, thiyukhümbo zoang.”

MARK 10:17

Jisu api limro ching yüde lachoki, mihtsürü khülang alihde arübah amiki khukning, tüsho keokhi, “Thsangyurü atsü, akheam müla rhangdung yamrüplurüp lupü inü tümü rhimobea?”

MARK 10:19

Nünü thiyuzüngbo mükheahlah: Müzammüram düyihbeak, dülaksah, dahüh, arükchih thiyumütsan düthsü, dümülapyuk, nü buh tüsho nü be wüntreang.”

LUKNÜ ATHRÜTKHI THIYUSHEAK-ATSÜ HUHTANYU 18:19

Jisunü api ki tha, “Tümü thsükhi nünü I ki atsü de jicho? Sheshe atsü müla tüshe Khülang lah, ju Thrünpuh ah.

ROMRÜ KILIM PAULNÜ ATHRÜTKHI KIHÜM HUHTANYU 3:12

Alala rholode tsodo, arü rukhühnü amülim thrip tsodo; Shenü she atsü mürhimo, sheshe müla.

JAKOB 1:17

Atsü tüsho khiukdahkhi thsambah aban akulimnü lah, mebo akhinkhi nangde mümüthrikhi yinmi ayinbo Abuh kilimnü akichoh.

1 JOHAN 4:16

Jumonü Thrünpuhnü isa thsungkheak amuzho lah de isanü mükheahlah tüsho kinchoh. Thrünpuh ju amuzho ah, tüsho shepü amuzho ching lanü Thrünpuh kheak lachoh, tüsho Thrünpuh api kheak lachoh.

1 JOHAN 4:8

Shepünü mümuzhonü Thrünpuh mümükheah; tümüde Thrünpuh ju amuzho ah.

1 SAMUEL 2:2

“Atungpuh nangde sheshe Amüsüh müla, nü hobah sheshe müla; isa Thrünpuh nangde sheshe Lung müla.