MARK 10:1 - AMÜSÜH HÜM CL Bible (BSI)

¹ Judüki apinü ju chingnü tsahmusu tüsho Jordan thripkhühnü Judea lomi ching arü. Mihtsürübo api ki mukhungde arü, tüsho püpüki nangde apinü arü thsangyu.

MARK 10:1 Iomraidhean Croise

T H S AN GYU T H S AN GR ARÜ 12:9

Lümlung kheak khiode, Thsangyuthsangrarünü mihtsürü ki mükheahmudu, lümakheahkhi tüsho ayimkhitkhi tüsho müchityu ahihdo tsanglungkhi she thsangyu.

JEREMIA 32:33

Arünü arü düthsün I ki anguhdo, arü mirobo yung; inü arü ki alochode thsangyuyu she, arünü mani tüsho thsülangkhi mulu.

MATHI 26:55

Ju kim ching Jisunü boto ki tha, “Nüsanü jangkhijangrarü khülang azhihkhi nangde nukshangbo le shinukbo shuhbah I rampü arükhea de? Nimung aban arüngyam ching thsangyude I nüsa lung bindo, tüsho nüsanü I müram.

MATHI 4:23

Jisunü Galilee alala ching yübah, arü yo sinagogbo ching thsangyu, kiulongthsü thiyusheak atsü thsangyuthsangra, tüsho mihtsürü bolung tukthsü tüsho phüthsüphüram mungji aban thsüngujih.

MARK 1:21

Judüki arünü Kapernaum ching yü, tüsho zukleangnü apinü Amuni sinagog ching yüzah tüsho thsangyupü tankih.

MARK 10:2

Pharisirübo arü tüsho api rükakide keo, “Mihtsürü khülangnü nihbuh niuberü bahpü yakzan la de?”

MARK 12:35

Küyimki Jisunü arüngyam ching thsangyude alakheanü, apinü keokhi, “Küde thsah yakzan thsangyurübonü Khrista ju David tsührü ah de thacho?

MARK 14:49

I nüsa lung arüngyam ching thsangyude alakheah, tüsho nüsanü I müram. Tüshe amüsühyubo ju adünjibe ah.”

MARK 2:13

Judüki apinü kheaküshe keto yean wukhiuk; yimto ato api kilim arü, tüsho apinü arü thsangyu.

MARK 4:2

Judüki apinü shihdanglimyu chingnü ahihkhüh arü ki thsangyude tha:

MARK 6:2

Tüsho küyimki Amuni arükhea, apinü sinagog ching thsangyupü tankih. Tüsho ahihkhühnü api yu sobah müyinsah, “Ha mihtsürünü hadürü tümü chingnü angükhea? Tüsho apinü hadürü khinthiyinbe rhimopü thsüde api kilim lümlung jihkhi ha tümü a?

MARK 6:34

Tüsho küyimki Jisu akhiukkhea, yimto ato ngü tüsho muzhode lüm, tümütüsho arübo aneakrü mülakhi namfimihnubo nangde alakheah. Jumonü apinü arü ki ahihdo thsangyupü tankih.

MARK 6:6

Arü mükinkhi dünkheak apinü müyinsah. Jushu apinü kiulongbo ching thsangyude mükamde yü.

JOHAN 10:40

Tüsho apinü Jordan hobah Johannü akhuhde baptikhi dangpung ching yü tüsho ju ching bin.

JOHAN 11:7

Ju dunglim apinü ajingyanrübo ki tha, “Isanü Judea lim alode yüanü.”

JOHAN 18:20

Jisunü api ki alo, “Inü alomi ki khipkhitde thado. Inü Jihudarü mukhungpung sinagogbo le arüngyam ching kamruhroro thsangyudo, tüsho inü ramde tümü mütha.