MARK 1:5 - AMÜSÜH HÜM CL Bible (BSI)

⁵ Tüsho Judea lomi alala, tüsho Jirusalem chingnü api kilim wukhiuk tüsho arü neakbo alokhide Jordan ayung ching apinü alala baptijih.

MARK 1:5 Iomraidhean Croise

MUNGSHIKHÜN 32:5

Judüki inü nü ki I neak kheang; inü amülim rhimokhibo müram. Inü jurü nü ki thakhitpü pungkhi, tüsho nünü I neak alala bahjih.

MÜCHITMUDU 28:13

Shepünü nihbuh neakbo ramchonü akuk müngüchoh, tüshe shepünü jurü alokhiabahcho tüsho bahyukchonü mihmüthsüm labah.

MATHI 4:25

Galilee, Dekapoli, Jirusalem, Judea tüsho Jordan hobah püpü lomi chingnü yimto ato api dunglim yan.

MARK 1:4

Johannü sunglo ching baptijihde tüsho neak bahpü thsungkheak mulong rholode baptipü thsangyuthsangrade arü.

MARK 1:6

Johannü kemel nam khim phuyu tüsho achim yande shihküpnü rüm, tüsho apinü tangkhobo le mütüm mukhukebo tsüh.

JOHAN 1:28

Harübo Johannü baptide alapung Jordan hobah Bethani ching dünji.

JOHAN 3:23

Kheakü Johan she Salim phüni Aenon ching baptide alakheah, tümütüsho ju ching ke suhde alakheah.

JOHAN 5:35

Api ju takde tüsho yinde alakhi tsün lakheah, tüsho nüsanü api ayinatrüm ching asühachihpü mulongde alakheah.

YUNIRÜBO RHIMO 19:18

Akinrü ahihkhühnü arünü arhimokhi boto mikinü thakhitde arü.

YUNIRÜBO RHIMO 2:38

Tüsho Peternü arü ki tha, “Nüsa mihbüm abannü nüsa neak bahpü thsungkheak Jisu Khrista mung chingnü mulong müthriang tüsho baptiang; tüsho nüsanü Amüsüh Me thsambah leangkhibah.

JAKOB 5:16

Jumonü nüsa neakbo khülangnü khülang ki thakhitang, tüsho tamkhüntamnü ching rungachihang, junangde nüsa athsüngubah. Thiyuro-lungki mihtsürü tamkhüntamnükhi ching wu ato lah.

JIHUSUA 7:19

Jihusuanü api ki tha, “I tsah-a, Atungpuh Israel Thrünpuh kilim müretahshang, tüsho neak alokhiang. Nünü tümü rhimokheanü I ki kheakü thaang; ju I ki düram.”