MARK 1:41 - AMÜSÜH HÜM CL Bible (BSI)

⁴¹ Tüsho Jisunü muzhode akhah chungkhitbah api qiu, tüsho tha, “Inü mulonglah, müsühde kamang.”

MARK 1:41 Iomraidhean Croise

THRÜNTAN 1:3

Judüki Thrünpuhnü tha, “Ayin akhiukang,” tüsho ayin akhiuk.

MUNGSHIKHÜN 33:9

Tümüde apinü asuk, tüsho ju rhimo; apinü thiyukhüm jih, tüsho ju düküngde zhip.

MATHI 9:36

Küyimki apinü botobo ngükhea, apinü arü muzhode lüm, tümütüsho arübo aneakrü mülakhi namfimihnubo nangde thsümütsüde tüsho arungrü mülade alakheah.

MARK 1:40

Judüki aphamrü khülang api ki mushude, khukningde arübah tha, “Nünü mulonga lasho, I müsühkhitjang.”

MARK 1:42

Apinü atha akede, anihbuh kheaknü apham ju dükheakabah tüsho api müsühde kam.

MARK 4:39

Judüki api asürü tüsho apung ki thürüh, tüsho keto ki tha, “Keamloang, zhikde laang!” Apung ju kheamabah tüsho akhimahe ato lakheah.

MARK 5:41

Judüki apinü azürü ju akhahnü shuh-a lubah anihbe ki tha, “Talitha, kumi,” amütsan, “Azübe, inü nü ki thachoh, asürang.”

MARK 6:34

Tüsho küyimki Jisu akhiukkhea, yimto ato ngü tüsho muzhode lüm, tümütüsho arübo aneakrü mülakhi namfimihnubo nangde alakheah. Jumonü apinü arü ki ahihdo thsangyupü tankih.

IBRI 1:3

Atsührü ju Thrünpuh müretah tahkihlokhi tüsho wulakhi api yu hode lüpdükhi lashihde, dükde api mihtsürüpang huhkhi lah. Apinü neak tsangkhitpü jih dunglim yinmi ching wüntremüretah khah tsülim bin.

IBRI 2:17

Jumonü mihtsürübo neak dün shaklopü thsüde, api ju mihmüthsüm tüsho Thrünpuh tankihpü ching thiyuro achangbe amükeamrü kampü lüpdükhi ching keoniorübo nangde apinü kam.

IBRI 4:15

Tümüde isa achangbe amükeamrü lakhi ju isa reangmüzahkhi ching mümuzhokhukbe yung, tüshe lüpdükhi ching isa nangde rükakikhi, tüshe neak mülakhi lah.