MALAKI 4:6 - AMÜSÜH HÜM CL Bible (BSI)

⁶ Apinü bebuhrü mulongbo arü tsührübo kilim rholoshihbah, jude yungsho I arübah tüsho ju muthrumüneannü lomi shikbah.

MALAKI 4:6 Iomraidhean Croise

ISAIA 11:4

tüshe thiyuro lungkinü apinü zhochihrü mahkhapbah tüsho alomi ching azhihayihrü thsungkheak alungkinü khikzhakbah; apinü api mün tsonü alomi shikbah, tüsho amün sheaknü apinü mihbukmuyuk laksahbah.

ISAIA 24:6

Jumonü muthrumünean khülangnü alomi tsühabahchoh, tüsho ju ching larü arü amülim dünkheak thsünüchoh; jumonü lomi ching larü nükde kamdo, tüsho mihtsürü anükbe aningdo.

ISAIA 40:3

Düsheak khülangnü zhichoh: “Sunglo ching Atungpuh limro thsakhamang, Loshelo ching Atungpuh isa Thrünpuh thsungkheak limto arihde thsakhamang!

ISAIA 43:28

jumonü inü arüngyam yakzanshuhrü ki mümüsühkhi khejih, inü Jakob muthrumüneanpü tüsho Israel luhmünepü jih.

ISAIA 61:2

Atungpuh mulongkhi kam zhiyukpü, tüsho isa Thrünpuh royimkhi nimung zhiyukpü; tüzhode alarü alala shukheampü;

ISAIA 65:15

Nüsa mung ju inü mokhitkhi kilim athruajipü zojihbah, tüsho Atungpuh Thrünpuhnü nüsa a asheshihbah; tüshe api yamlarübo ki apinü mung püpünü ajibah.

DANIEL 9:11

Israel alalanü nü ki anipü reanglode nü yakzan lakmihdo tüsho rholode tsodo. Jumonü Thrünpuh yamlarü Mosa yakzan ching thrütkhi muthrumünean tüsho thiyuchihchim isa kheak dungkih, tümütüsho isanü nü azhihde neak yihbeak.

ZEKARIA 11:6

Tümüde inü kheaküa alomi ching larü amuzho müla, Atungpuhnü thachoh. Inü arü mihbüm abannü yamhingrü tüsho kiulongthsürü khah ching jihbah; tüsho arünü alomi thsümünimbah, tüsho inü arü khah chingnü she mübekhit.

ZEKARIA 13:8

Lomi athrünkhi ching, Atungpuhnü thachoh, shihcham mahsam ching mahne shekhambah, tüsho shihchamkhüh labah.

ZEKARIA 14:12

Ha Jirusalem azhihde thirithsürü mihtsürü alala kheak Atungpuhnü ashikpü arüm-tukthsü lah: arü jing kihde alachoki arü yin shuhbah; arü mükbo tüsho arü mulobo shuhabahbah.

ZEKARIA 14:2

Tümüde inü trükshih alala Jirusalem azhihde keochihpü bemukhungbah, tüsho kiuto lubah tüsho thüyambo lubah tüsho aliberübo reangkihde thsümüchibah; mihtsürü niukshakkhüh ramtso ching yübah, tüshe aningkhi mihtsürü kiuto chingnü müdükheak.

ZEKARIA 5:3

Jushu apinü I ki tha, “Ha alomi athrünkhi kheak muthrumünean wukhiukkhi lah; tümüde sherünü ahühbanü thripkhüh lakhi yande adükheakshihbah tüsho sherünü akeangyu thiyuchihchimbanü püpü thrip lakhi yande adükheakshihbah.

MATHI 22:7

Ju sobah kiulongthsüpuhnü bukakhiuk; apinü anihbuh bonungrübo yüshihbah mihkhukrübo dükheakshih tüsho arü kiuto takabahshih.

MARK 11:21

Tüsho Peternü lümkhitde api ki tha, “Thsangyurü, kheahang! Nünü athrukhi khubasodung thsü yiuh-a lah.”

LUKNÜ ATHRÜTKHI THIYUSHEAK-ATSÜ HUHTANYU 1:76

Tüsho nü khungarü, Khide Achang yo wukihrü de ajibah; tümüde nünü api limrobo thsakhampü Atungpuh müngüh yübah,

IBRI 6:8

Tüshe ayangbo le thrümthrukbebo mukhuhsho, ju yihnüpü mülakhi tüsho muthrua bahpü thüninde lah; akheam ching a ju takabahpü lah.

AMIKHEAKAKHIUKKHI 19:15

Amün chingnü trükshihbo kiumülünpü nukshang ayuk khülang akhiukshihchoh, tüsho yinchi tsonü apinü arü yakzan shuhbah; apinü Wuto Thrünpuh bukakhiukkhi kurungaso nitpung ching nitchoh.

AMIKHEAKAKHIUKKHI 22:3

Ju ching kheaküa tümü she muthrumüneankhi müla tüshe Thrünpuh kiulongthsü-binkiu tüsho Namfimihnunu ju ching labah, tüsho anihbuh tankihrübonü api kingaünbah;