MALAKI 4:3 - AMÜSÜH HÜM CL Bible (BSI)

³ Tüsho nüsanü mihbukmuyuk thrümyukbah, tümüde inü arhimopü nimung arübo ju nüsa jinglung khüp awahbo nangde alabah, Wuto Atungpuhnü thachoh.

MALAKI 4:3 Iomraidhean Croise

THRÜNTAN 3:15

Inü alibe le nüke dükeak tüsho nü müjih le alibe müjih dükeak lungkhangachih zojihbah; apinü nü ku thrümrüpbah tüsho nünü api lahzhi kheak mukiubah.”

2 SAMUEL 22:39

Inü arü muyuabah; inü arü kingmülün, junangde arü masürü; arübo I jing khüp keam.

2 SAMUEL 22:43

Inü arü kheak alo asungthulung atsü nangde king, inü arü züthünak tüsho kiudunglimrobo ching akhimniuhniuh nangde arübo jungnak.

JOB HU H T ANYU 40:12

Am, arü kheak kheahang tüsho arü thokheamjang; mihbukmuyukbo arü zhippung chingnü züthünakang.

MUNGSHIKHÜN 147:6

Atungpuhnü azhihayihrü bemusuchoh; apinü mihbukmuyukrü alo ching jipa bahchoh.

MUNGSHIKHÜN 49:14

Namfimihnu nangde ashepü arü akhua lah; ashekhinü arü aheangbah; alungkirünü arü kheak yapsu yakzan shuhbah; arü pangbo ju arü lapung chingnü limshude alakhi kiuyuk ching shuh-a bahbah.

MUNGSHIKHÜN 91:13

Nünü kekhüzü tüsho jingto kheak nitbah, kekhüzü nunu tüsho phuruto nü müphü khüp jungbah.

ISAIA 25:10

Tümüde Atungpuh khah ha wung kheak keambah. Moabrü ju arü lapung ching khih-shingkung ching müneang junakkhi nangde ajunakbah.

ISAIA 26:6

Jingnü judodo, junoa larü jingnü, zhochihrü jingdükünü.

TÜZHOKHI 1:15

Atungpuhnü I lung lakhi thirithsürübo alala bahyuk; apinü I azhihde I mihtsürü athunubo zünakpü kim khülang zhiyuk; Atungpuhnü yukhu nitpung nangde atsangkhit Juda tsührübe jungnakdo.

EZEKIEL 28:18

Nü amülim hihmonü, nü shothsümolo thiyuro mülakhi ching, nünü nü arüngakopungbo münean. Jumonü inü mo nü kheaknü yihkhit; junü nü aniuabah, tüsho nü ngürü alala miki inü nü alo kheak awahbo kamshih.

DANIEL 7:18

Tüshe Khide Achangbuh yo amüsührübonü kiulongthsü leangkhibah tüsho lünnü lün kiulongthsü labah.”

DANIEL 7:27

Kiulongthsü tüsho yakzan shuhpü tüsho alomi kheak kiulongthsü ato alala Khide Achangbuh yo amüsührü mihtsürü kilim jihbah; api kiulongthsü ju akheam mülakhi kiulongthsü labah tüsho yakzanshuhrü alalanü tankihbah tüsho api ki anibah.”

MIKA 5:8

Tüsho trükshih bolung ching aningkhi Jakob, mihtsürü ahihdonü zündoa lakhi ju, mütüm shiwüh bolung kekhüzü khülang nangde, namfimihnu boto lung hode yüchoki junakkhi, abekhitrü she mülade adütre kamde thonakkhi kekhüzü nunu khülang nangde alabah.

MIKA 7:10

Judüki I ririnü angübah, tüsho achihnü anihbe lüpdobah, shepünü I ki tha, “Atungpuh nü Thrünpuh küching la?” I mükbonü anihbe lungkhi ngübah; kheakü anihbe ju kiudunglimro akhimniuhniuh nangde athrümyukbah.

ZEKARIA 10:5

Arü thsürubah keochih ching thirithsürü nangde, kiudunglimrobo akhimniuhniuh ching thiriri thrümbah; arünü keochihbah, tümüde Atungpuh arü lung lah, tüsho arünü khora kheak binrübo achih ngüshihbah.

MALAKI 3:17

Arü I yo thsübah, Wuto Atungpuhnü thachoh, inü arhimopü nimung tsüde akhukhi I yamalo thsübah, tüsho bebuhrünü arü khinkih thsürü arü tsührübo müthsümkhi nangde inü arü müthsümbah.

ROMRÜ KILIM PAULNÜ ATHRÜTKHI KIHÜM HUHTANYU 16:20

junangde mungtsü Thrünpuhnü nahde nüsa jing khüp Arimri zünakbah. Isa Atungpuh Jisu Khrista amüthsüm nüsa lung laang.

AMIKHEAKAKHIUKKHI 11:15

Judüki athünepü yunirünü api hulipungpung müt, tüsho yinmi chingnü düsheak achangnü tha, “Alomi kiulongthsü ju isa Atungpuh tüsho api yo Khrista kiulongthsü kamdo, tüsho apinü lünnü lün kiulongthsübah,”

AMIKHEAKAKHIUKKHI 14:20

kurungasobo ju kiuto aleanglim kurungaso nitpung chingnü nit, tüsho kurungaso nitpung chingnü thiyih ju ketode ayunglim kilomitir 300 tüsho asüklim limthrip 2 bande akhiuk.