MALAKI 4:1 - AMÜSÜH HÜM CL Bible (BSI)

¹ Kheahang, tak-phuru takkhi nangde nimung arüchoh, bukakhiukrü tüsho amütsü rhimorü alala hineang nangde alabah; ju nimung arükhinü arü takabahbah, Wuto Atungpuhnü thachoh, junangde arü ying yungsho khah tümü she maning.

MALAKI 4:1 Iomraidhean Croise

JOB HU H T ANYU 18:16

Api ying alunglim kunga lah, tüsho kumung lim api sangkhahbo yiuh-a lah.

MUNGSHIKHÜN 119:119

Nünü lomi ching mihbukmuyuk alala müneang nangde tsoshihchoh; jumonü inü nü yukhümbo muzholah.

MUNGSHIKHÜN 37:9

Tümüde amütsü rhimorü yankhita bahbah, tüshe sherünü Atungpuh aleangchonü alomi yamrüplurüp lubah.

ABEKHIT 15:7

Nü wüntre-müretah ato ching nünü nü azhihrübo lahyuka bah; nü bukakhiukkhi yüshihbah müneang nangde arü aniuabah.

ISAIA 40:24

Nükde arübo khimdo, nükde yangdo, nükde adungbonü alo ching aying chinyuk, küyimki apinü arü kheak yünkhea, arübo yiuhabah, tüsho chinthrümnü arübo lungjinim nangde hanbah tso.

ISAIA 41:2

Shepünü aniakhiuklimnü khülang asürüshihkhea, api tankihpü thiyuro ching jikhea? Apinü trükshihbo api kilim jih tüsho kiulongthsübo müphü khüp thrüm; apinü arübo api nukshangnü asungthulung nangde, api sanglühnü yüna tsoshihkhi müneang nangde kamshih.

ISAIA 47:14

Kheahang, arübo sünit nangde lah, monü arübo aniuchoh; arünü motru wu chingnü arü nihbuh mükhümkhitkhuk. Ha arü thüyüpbe mokhih yung, amiki binbe mo yung!

ISAIA 5:24

Jumonü mo mulonü müneang muliukhi nangde, tüsho sangrung akung motru ching keamyukkhi nangde, arü ying shuhabahbah tüsho apungkhi asungthulung nangde keamkhia bahbah; tümüde arünü Wuto Atungpuhnü thsangdankhi bahyukdo, tüsho Israel Amüsühbuh Khülang yu mükhemükimdo.

ISAIA 9:18

Tümüde mihbukmuyuknü mo nangde takchoh, khingphu tüsho ayangbo aniuabahchoh; hanü murung achak takkihchoh, tüsho mokhüh nangde yükihchoh.

ISAIA 9:19

Wuto A TU N GPU H bukakhiukkhi hode, alomi takkheah, tüsho mihtsürübo mokhih nangde kam. Khülangnü khülang maningshih.

EZEKIEL 20:38

Nüsa I azhihrü inü müsühkhitbah. Arü lakhi chingnü inü arübo bekhitkhit she, arübo Israel lomi ching müyüzah. Judüki I Atungpuh de nüsanü mükheahbah.

EZEKIEL 21:32

Nüsa monü thsümünimbah, nüsa thiyih nüsa lomi ching bukbah, nüsa kheaküa mülümkhitlo; tümüde I Atungpuhnü asukdo.

EZEKIEL 24:11

Mokhih kheak ju akeangkeang phüh duboang, junangde ha takde akambah, shotolung lamlam kamchoh, ju ching aneak niuchoh, thrungbo tsühabahchoh.

EZEKIEL 34:17

I yo namfimihnu boto, nüsa thsungkheak Atungpuh Thrünpuhnü ha thachoh: Inü namfimihnu le namfimihnu, tüsho namfimihnupung le mihnupung dükeak mahkhapbah:

EZEKIEL 7:10

Israel thsungkheak thsümütsü nimung arüchoh. Laksahachihkhi alü kamchoh, kükheangküyang kumung lim lah.

JOEL 2:1

Zion ching hulipungpung mütang; I amüsüh müzüng kheak alanang! Lomi mihtsürü alala ajanshang, tümüde Atungpuh nimung arüchoh, ha thüninde lah–

JOEL 2:31

Atungpuh nimung ato tüsho atrebe müngüh ani ju mitingdo akambah, tüsho khinu ju thiyih kambah.

AMOS 2:9

Tütüshe inü arü müngühnü cedar sang nangde achang tüsho thülamsang nangde amüküp lakhi Amorrü dükheakshih; inü api kumung aso, tüsho alunglim ayingbo thsümünimjih.

OBADIA 1:18

Jakob yamkhün ju mo nangde, Josep yamkhün ju motru nangde alabah, tüsho Esau yamkhün a hitsüt nangde alabah; arünü jurü takbah tüsho aniuabahbah, tüsho Esau yamkhün chingnü she mülade alabah; tümüde Atungpuhnü asukdo.

NAHUM 1:10

Arübo ayangbo nangde thrukrama lah, amüshangrü nangde arübo müshanga lah; arübo amukuh sünit nangde aniua lah.

ZEPHANIA 1:14

Atungpuh nimung ato thüninde lah, thüninde tüsho niokheamde arado; Atungpuh nimung düsheak ju akhüh lah, ju ching thirithsürünü tode zhichoh.

ZEPHANIA 1:18

Atungpuh bukakhiuk nimung ching arü shotoyinchi yungsho sunanü arü mükhümkhitkhuk; api mükthsü mo ching alomiküp athrünkhi aniuabahbah, tümüde apinü alomi ching larü alala zukleangnü akheamshihbah.

ZEKARIA 14:1

Kheahang, nüsa kheaknü yankhia lukhi nüsa bolung chama lupü Atungpuh nimung arüchoh.

MALAKI 3:15

Kheakü isanü kükheangküyangrü ju müngühmühi de jichoh; mihbukmuyukrü ju lalim tsükhi lang yung, tüshe küyimki arünü Thrünpuh rükakibanü arü tsokhitchoh.”

MALAKI 3:18

Judüki nüsanü kheaküshe thiyuro-lungkirü tüsho mihbukmuyuk dükeak, Thrünpuh tankihrü tüsho api mütankihrü dükeak büthsükhi ngübah.

MALAKI 3:2

Tüshe api arükhi nimung shenü arümkhukba, tüsho api akhiukchoki shenü azhipkhukba? Api ju atsangkhitbe mo tüsho dükhüh-throbe nangde lah;

MALAKI 3:3

api ju atsangkhitbe tüsho shotoyinchi tsangkhitbe nangde abinbah tüsho apinü suna le shotoyinchi tsangkhitkhi nangde Levi tsühsoniusobo tsangkhitbah, junangde arünü thiyuro-lungki ching Atungpuh kilim kingaünbo hande arübah.

MALAKI 4:5

Kheahang, Atungpuh nimung ato tüsho atrebe arüpü müngüh inü nüsa kilim wukihbuh Elija arüshihbah.

MATHI 3:12

Api khah ching phürü shuhlah, tüsho apinü rhimopung tsüde amüsühbah tüsho api jakam ching hi hanmukhungbah; tüshe apinü atsütbo a amümütbe mo ching takbah.”

LUKNÜ ATHRÜTKHI THIYUSHEAK-ATSÜ HUHTANYU 19:43

Nü riribonü nü mükamde chipi ayünde tüsho thrip aban zündopü nimungbo arübah,

LUKNÜ ATHRÜTKHI THIYUSHEAK-ATSÜ HUHTANYU 21:20

“Tüshe küyimki Jirusalem ju bonungrünü zündoa nüsanü angübanü athsümünim thünindo de mükheahang.

LUKNÜ ATHRÜTKHI THIYUSHEAK-ATSÜ HUHTANYU 6:23

Ju nimung asühachihang tüsho asühde jukang, tümütüsho kheahang, yinmi ching nüsa thsambah tode lah; tümüde arü bebuhrünü wukihrübo ki jude rhimodo.

2 TESALONIKA 1:8

Thrünpuh mümükheahrü tüsho isa Atungpuh Jisu thiyusheak-atsü mihyumanirü apinü thsümüchibah.

2 PETER 3:7

Ju yunü kheakü lakhi thüningbo tüsho alomi, mahkhap nimung tüsho amükinrü mihtsürü dükheakshihpü khiungde mo thsungkheak akhua zolah.