MALAKI 3:7 - AMÜSÜH HÜM CL Bible (BSI)

⁷ Nüsa jipürü nimungbo chingnü nüsanü I yakzanbo chingnü anguh tüsho jurü muzo. I kilim rholoang, tüsho inü nüsa kilim rholobah, Wuto Atungpuhnü thachoh. Tüshe nüsanü thachoh, “ Küde thsah isanü arholopü?”

MALAKI 3:7 Iomraidhean Croise

NEHEMIA 9:26

Tüshe nü mihtsürübonü nü azhihde mihyu mani; nü yakzan arü dunglim bah. Wukihrübo sherünü nü kilim rholoang de arü müzünde azhikheanü laksah. Arünü khide nü mükhemürang thsü,

ISAIA 65:2

Inü nimung amuyung mihtsürü azhihrü kilim I khah chungkih, shepü limro amütsü ching nihbuh lümkhi yande tsahcho;

JEREMIA 16:11

Judüki nünü arü ki thabah: ha tümütüsho nüsa jipürünü I bahyuk, Atungpuhnü thachoh, tüsho püpürü thrünpuhbo dunglim yübah tankih tüsho kingaün, tüsho I bahyuk tüsho I yakzan muzo;

JEREMIA 16:12

tüsho nüsanü jipürü kheaknü amütsübe yakli huh, tümüde nüsa mihbüm abannü I ki anipü thsunglode, nihbuh lümkhi anihnih amütsü yanchoh.

JEREMIA 3:22

Rholoang, O akin mülakhi tsührübo, inü nüsa akin mülakhi chingnü thsüngujihbah. “He, isa nü kilim arüchoh; tümüde nü a Atungpuh isa Thrünpuh.

JEREMIA 7:25

Nüsa jipürü Ijip lomi chingnü bekhit nimungnü khihni khiungde, inü I yamlarübo wukihrü alala, nimung abande, alochode arü kilim yüshih;

JEREMIA 7:26

tütüshe arünü I ki mani yungsho manguh, tüshe arü hungbo chungthülangde la. Arünü arü jipürü kheaknü amütsübe rhimodo.

EZEKIEL 2:3

Apinü tha: “Mihtsürü tsührü, inü nü Israel, I azhih trükshih kilim yüshihchoh; arü le arü bebuhrünü khihni khiungde I azhihde arüdo.

EZEKIEL 20:13

Tütüshe Israel mihtsürünü sunglo ching I azhih. Mihtsürünü mihyuanibah rhangdung lapü lalashe, arünü I yakzan thsükhibo müyan tüshe I yakzanbo bahyuk tüsho arünü shahde I amunibo müneanjih. Jumonü inü arü kheak I bukakhiuk dungkihbah tüsho sunglo ching arü dükheakshihbah de inü tha.

EZEKIEL 20:21

Tüshe tsührübonü I azhih: Arünü I yakzan thsükhibo müyan, mihtsürünü mihyu anibah rhangdung lapü lalashe arünü I yakzanbo zopü mükümkang, tüsho I amunibo müneanjih. Jumonü sunglo ching arü kheak I bukakhiuk dungkihpü tüsho arü azhihde bukakhiukpü inü tha.

EZEKIEL 20:28

Küyimki inü arü kilim jihpü alokhikhi lomi ching arü bedarükhea tüsho arünü awung achang yungsho ayüniuniu sangdung ngükhea, ju ching arünü laksah-a kingaün, I bukakhiukpü thsüde kingaün jih, arü yo arhümthüneabebo jih tüsho arü yo ayungbe kingaünbo dungabah.

EZEKIEL 20:8

Tüshe arünü I azhih tüsho I ki mani; arü mük ki lakhi athraneanbe mejakbo arünü yihkhita mübah, yungsho arünü Ijip sangthsübo mübahyuk. Jumonü I mulong zhipzhip arü kheak dungkihpü tüsho Ijip ching arü kheak I bukakhiukpü inü tha.

HOSEA 14:1

O Israel, Atungpuh nü Thrünpuh kilim rholoang, tümütüsho nü mülimkhinü nü angakdo.

ZEKARIA 1:3

Jumonü arü ki thaang, Wuto Atungpuhnü ha thachoh: I kilim rholoang, Wuto Atungpuhnü thachoh, tüsho inü nü kilim rholobah, Wuto Atungpuhnü thachoh.

MALAKI 1:6

Tsührü khülangnü abuh, tüsho yamlarübonü arü putungrü wüntrechoh. Dale I abuh a sho, I ki wüntre jihkhi küching la? I aputungrü a sho, I akin jihkhi küching la? Wuto Atungpuhnü nüsa ki thachoh, O I mung mükhemürangkhi amükeamrübo. Nüsanü thachoh, “ Küde thsah isanü nü mung mükhemürangkhea?”

MALAKI 3:13

Nüsanü I azhihde thiyu amüküp asukdo, Atungpuhnü thachoh. Tütüshe nüsanü thachoh, “ Küde thsah isanü nü azhihde asukkhea?”

MATHI 23:27

“Nüsa yakzan thsangyurübo tüsho Pharisirü, yiuhkhaprübo are! Nüsa ju aleanglim akheahakhamkhi tüshe alunglim a asherü roreang tüsho amümüsüh lüpdükhinü mide alakhi amüye kiuyukbo nangde lah.

LUKNÜ ATHRÜTKHI THIYUSHEAK-ATSÜ HUHTANYU 15:16

Apinü kheaknunü tsühde alakhi bineangbo tsühnede lüm, tüshe shenü she api kilim tümü müjih.

ROMRÜ KILIM PAULNÜ ATHRÜTKHI KIHÜM HUHTANYU 10:21

Tüshe Israel dünkheak apinü thachoh, “Mihyumanirü tüsho azhih mihtsürü kilim inü nimung amuyung I khah chungkih.”

ROMRÜ KILIM PAULNÜ ATHRÜTKHI KIHÜM HUHTANYU 10:3

Tümütüsho arünü Thrünpuh kilimnü arükhi thiyuro-lungki mümükheahde arü küdahnü arhimopü yim, jumonü arünü Thrünpuh thiyuro-lungki lim mümükhüm.

ROMRÜ KILIM PAULNÜ ATHRÜTKHI KIHÜM HUHTANYU 7:9

Khülangki I yakzan chingnü chamkhibah rhangdung lakheah, tüshe küyimki thiyuzüng arükhea, neak ju arhang kamlo tüsho I sheabah;

YUZÜNGTHALO 31:20

Küyimki arübo inü arü jipürü kheak thiyuchihchimkhi, niuhke tüsho mukhuke bukkhi lo ching bede ayübanü, tüsho arünü bukthsüde tsühbah shih kihbanü; judüki arünü püpürü thrünpuhbo kilim anguhde yübah atankihbah; tüsho arünü I bahyukbah tüsho tangzüngkhi thsümünimbah.

JAKOB 4:8

Thrünpuh thüninang tüsho apinü nü thüninbah. Aneakrübo, nüsa khahbo tüsho mulongbo müsühang, nüsa lümtrüp mihtsürübo.