MALAKI 3:5 - AMÜSÜH HÜM CL Bible (BSI)

⁵ Judüki mahkhappü thsungkheak I nüsa ki thüninde arübah; inü wurükhuhrü azhihde, müzammüramrü, akeangyu thiyuchihchimrü, mülomüthsürü mihkhah, khimoberü tüsho mürerü junorü, khiungkerü nimmuwuh-a bahrü tüsho I mütrerü azhihde thiyumütsan jihpü atukathribah, Wuto Atungpuhnü thachoh.

MALAKI 3:5 Iomraidhean Croise

THRÜNTAN 20:11

Tüsho Abrahamnü alo, “Tümütüsho atsütsünü ha dangpung ching Thrünpuh trekhi müla, tüsho arünü I niube dünkheaknü I laksahbah de inü lüm.

THRÜNTAN 42:18

Judüki Josepnü mahsam nipü arü ki tha, “Ha rhimoang tüsho nüsa rhangdung labah, tümüde inü Thrünpuh trelah:

NEHEMIA 5:15

I müngüh kovünorübonü a mihtsürübo ki jim tüsho yukhu thsungkheak nimung aban shotoyinchi 40 lude hahmülang jih. Arü yamlarübonü she mihtsürübo juno. Tüshe inü a büthsüde rhimodo, tümüde inü Thrünpuh ki wüntre jihchoh.

JOB HU H T ANYU 31:12

Ha taka thsümünimshihbe mo khülang ah; I yimlukhi alala aniua lapü lakheah.

JOB HU H T ANYU 7:2

Azhorü khülangnü alamme mürheangkhi nangde, tüsho mulomüthsürübonü arü mihkhah dün mulong dukde akheahkhi nangde,

MUNGSHIKHÜN 36:1

Neak yihbeakkhinü mihbukmuyuk ki api mulong ching sükde asukchoh; api mük ki Thrünpuh trekhi müla.

MUNGSHIKHÜN 81:8

O I mihtsürü, inü athakhi aniang; Israel, nünü I ki anishihnelah!

MUNGSHIKHÜN 96:13

Tümüde api arüchoh, tümüde api alomi mahkhappü arüchoh. Apinü alomiküp thiyuro-lungkinü, tüsho mihtsürü api thiyuronü mahkhapbah.

MUNGSHIKHÜN 98:9

tümüde api alomi mahkhappü arüchoh. Hiyuro-lungkinü apinü alomiküp, tüsho alungkinü mihtsürübo mahkhapbah.

ABEKHIT 1:17

Tüshe anenü Thrünpuh trekhinü kiulongthsüpuhnü athakhi ju manide khungarü athrürü zübekhibo ju rhangdung lashih.

ABEKHIT 18:21

Kheaküshe nünü mihtsürü alala lungnü athsükhuk mihtsürü–Thrünpüh trerü, thiyuro mihtsürü, yihnelune mülarü mokhitang; tüsho arübo ju chithürübo, chibo, thünimbo tüsho thürübo kurungkheak yakzanshuhrübo thsüshang.

ABEKHIT 20:7

“Nünü Atungpuh nü Thrünpuh mung akeangkeang ching dütam, tümüde Atungpuhnü api mung akeangkeang ching tamrü thsümüchibah.

ABEKHIT 22:20

“Atungpuh kheak hode shepünü püpü thrünpuh ki laksah-a kingaünbanü shahde adükheakshihbah.

MÜCHITMUDU 16:6

Mihmüthsüm tüsho thiyuro ching amülimkhi dünkheak dünthsükhido; tüsho Atungpuh trekhi hode khürünü amütsü chingnü chamkhichoh.

MÜCHITMUDU 8:13

Atungpuh trekhi ju amütsü thraneanpü ah; lülüshishi le akükheang tüsho amütsü limro le mülapmüji mün inü thraneanlah.

ISAIA 57:3

Tüshe nüsa thsungkheaknü a, nüsa thümüthiyirü tsührübo, nüsa müzammüram tüsho pang yinrü tsührübo ha ching arang.

JEREMIA 23:10

Tümüde alomi ju müzammüramnü milah; muthrumüneankhi hode lomi tüzhochoh tüsho sunglo ching shiwüh yimtsühpung kungabahdo. Arü rhangdung limro amütsü lah tüsho arü wu-sühmüh alungki yung.

JEREMIA 27:10

Tümüde arünü nüsa ki akeangyu müchitchoh, ju hode nüsa lomi chingnü nüsa limshude atsoshihbah; inü nüsa yankhitbah, tüsho nüsa dükheakbah.

JEREMIA 27:9

Jumonü nüsanü nüsa wukihrübo, müchitrübo, milim yihnakrübo, müchityu tharübo, yungsho wurük-huhrü ki dani, sherünü nüsa ki thacho, “ Nüsanü Babilon kiulongthsüpuh mütankih.”

JEREMIA 29:23

tümütüsho arünü Israel ching atrebe neak yihbeakkhi lah tüsho arü yamhingrü niuberü kheak müzammüram yihbeak tüsho arü ki thiyukhüm müjihkhi akeangyubo I mung chingnü asukdo; inü mükheahlah tüsho I thiyumütsan ah, Atungpuhnü thachoh.

JEREMIA 42:5

Arünü alode Jeremia ki tha, “Atungpuh nü Thrünpuhnü isa thsungkheak nü hode thiyukhüm jihkhi yande lüpdükhi isanü mürhimosho Atungpuh thiyuro lashang tüsho isa azhihde athülünkhi thiyumütsan thsüshang.

JEREMIA 5:2

Arünü, “Atungpuh lale,” de thatha she, arünü amülim thiyuchihchimchoh.

JEREMIA 5:29

Hadürü thsungkheak inü arü müthsümüchibea de? Atungpuhnü thachoh, tüsho hadürü trükshih kheak inü romüyimbea de?

LEVI 19:13

Nü yamhingrü düjuno; nünü düjangkhijangra; tüsho rhimorü mihkhahmo nü thsungkheaknü yapsu khiungde düzo.

LEVI 20:10

Athrürü shepünü nihbuh yamhingrü niuberü kheak müzammürambanü, müzammürambuh tüsho müzammürambe ane chido dükde asheshihbah.

LEVI 20:27

Athrürü yungsho aliberü shepü mesherü yungsho thümürü thsübanü, dükde arübo lungnü arusahbah. Arü thiyih ju arü kheak kihbah.

LEVI 20:6

Shepünü mesherü tüsho thümürü kilim yübah arü kheak yüliyürabanü, inü arü azhihbah tüsho arübo mihtsürü bolungnü khekhita bahbah.

MIKA 1:2

Soang, nüsa mihtsürü alala; aniang, O alomi, tüsho ju ching lakhi alala; tüsho Atungpuh Thrünpuh ju api amüsüh arüngyam chingnü nüsa azhihkhi thiyumütsan labah.

HABAKKUK 1:12

Nü adüsonü lah yung de, O Atungpuh I Thrünpuh, I yo Amüsüh Khülang? Nü müshe. O Atungpuh , mahkhapshihpü nünü arü mokhit; tüsho O Lung, nünü thsünüshihpü arü lashih.

ZEKARIA 11:12

Judüki inü arü ki tha, “Ha nüsa ki alungki nangde lasho, I mihkhah dün jihang; tüshe jude yungsho, arübo zoang.” Jumonü arünü I mihkhah dün shotoyinchi 30 jih.

MALAKI 1:6

Tsührü khülangnü abuh, tüsho yamlarübonü arü putungrü wüntrechoh. Dale I abuh a sho, I ki wüntre jihkhi küching la? I aputungrü a sho, I akin jihkhi küching la? Wuto Atungpuhnü nüsa ki thachoh, O I mung mükhemürangkhi amükeamrübo. Nüsanü thachoh, “ Küde thsah isanü nü mung mükhemürangkhea?”

MALAKI 2:14

Nüsanü keokhichoh, “Tümü thsükhi apinü muhdücho?” Tümütüsho Atungpuhnü le nü athunuchoki yamkhünbe dükeak thiyumütsan rhimochoh, tümütüsho anihbe ju nü atrurü, nü rhang lakhi tangzüng yamkhünbe thsüthsü she nünü alibe kheak nünü alokhikhi thsümünimdo.

MALAKI 2:17

Nüsanü nüsa yubonü A TU N GPU H khishihdo. Tütüshe nüsanü, “ Küde thsah isanü api khishihkhi? Isanü amütsü rhimokhi alala Atungpuh miki atsü lah, tüsho apinü jurü ching asühchoh. Yungsho thiyuro Thrünpuh küching la?” de thachoh.

LUKNÜ ATHRÜTKHI THIYUSHEAK-ATSÜ HUHTANYU 23:40

Tüshe püpü junü api thürühde alode tha, “Nü rukhüh ashepü ching lah de ngübah, nünü Thrünpuh mütre de?

ROMRÜ KILIM PAULNÜ ATHRÜTKHI KIHÜM HUHTANYU 3:8

Dale tüsho, “Atsü arüpü thsungkheak isanü amütsü rhimoanü” de isanü tümüde müthapü? Mihtsürü khürünü hadürü thade I mükhemükimdo! Arü thülünde abahyukbah.

YUZÜNGTHALO 15:13

Tüsho küyimki nünü api dükhea zuzu thsüde atsoshihbanü nünü api khahkeang dütsoshih;

YUZÜNGTHALO 18:10

Nüsa bolung ching shenü she nihbuh tsührü athrürü yungsho aliberü mo ching mütakbeah, yungsho rük-thümü, müchitrü, khinzungrü, akeangrük huhrü,

YUZÜNGTHALO 24:17

“Nünü khiungkerü yungsho mürerü dünkheaknü alim düthsümünim, yungsho thiyuchihchimkhi ching khimoberü khimmih dulu.

YUZÜNGTHALO 27:19

“‘Shepünü khiungkerü, mürerü, tüsho khimoberü thiyuro thsungphülapbanü api muthrumünean thsang.’ Tüsho mihtsürü alalanü athabah, “Amen!”

YUZÜNGTHALO 5:11

“Nünü Atungpuh nü Thrünpuh mung akeangkeang ching dütha, tümüde Atungpuhnü api mung akeangkeang ching tharü amülim müjihde müla.

1 TESALONIKA 4:6

junangde mihtsürü shenü she hadürü ching nihbuh keoniorü ki müthsümünim, tüsho amülim müthsü, tümütüsho isanü nüsa ki amüngühnü düh de athakhi nangde harü alala ching Atungpuh ju royimrü lah.

IBRI 13:4

Alalanü yamkhün thsükhi wüntre labeah, tüsho yamkhün thsükhi yappung amümüsüh dükamshih; tümüde Thrünpuhnü yüliyüra tüsho müzammüram mahkhapbah.

JAKOB 5:12

Tüshe keoniorübo, alala kheaknü alü thsüde, yinmi tamde yungsho alomi tamde yungsho püpü thiyuchihchim düthsü, tüshe nüsa Thrünpuh mahkhap khüp müyüzahpü thsüde, nüsanü am a-sho am dang yung a-sho yung dang.

JAKOB 5:4

Kheahang, nüsanü nüsa lubo ching rhimorübo ki mihkhah dün müjihrünü nüsa azhihde zhichoh; tüsho yimlurübonü azhikhi Wuto Atungpuh nükhünbo khiungdo.

AMIKHEAKAKHIUKKHI 21:8

Tüshe mulong müzahrü, akin-mülarü amüneankhi, mihlaksahrü, müzammüramrü, wurük-huhrü, sangthsü kingaünrü tüsho akeangyu tharü thsungkheak a arü shihcham ju mahnekipü shekhi, mo tüsho yinchike bede atrukhi modüjim labah.”

AMIKHEAKAKHIUKKHI 22:15

Aleangkheak a khihnubo, wurük-huhrü, müzammüramrü, mihlaksahrü, sangthsü kingaünrübo, tüsho arükchih rhimobo muzhorü lah.