MALAKI 3:4 - AMÜSÜH HÜM CL Bible (BSI)

⁴ Judüki Juda tüsho Jirusalem kingaün ju awün nimungbo tüsho khakhih kambo ching nangde Atungpuh ki asühpü labah.

MALAKI 3:4 Iomraidhean Croise

1 KIUTHSÜYUKHEAN 15:26

Tümütüsho Thrünpuhnü Atungpuh sangdan shuhrü Levirü rungmonü arünü moshi 7 tüsho namfimihnupung 7 laksah-a kingaün.

1 KIUTHSÜYUKHEAN 21:26

Davidnü ju ching Atungpuh kilim kingaün sadam khülang thsü tüsho taka kingaünkhi le mungtsü kingaünbo jih. Apinü Atungpuh ki ji, tüsho apinü taka kingaünkhi kingaün sadam kheak thüning chingnü mo akishihde api ki alojih.

2 KIUTHSÜYUKHEAN 1:6

Solomonnü ashorupung khimyam ki lakhi Atungpuh miki müwayinchi kingaün sadam lim wutu, tüsho taka kingaünbo 1000 jih.

MUNGSHIKHÜN 51:17

Thrünpuh kilim shuhmülanga jihpü ju azhihayih me lah; azhihayih tüsho arholokhi mulong, O Thrünpuh, nünü ju mübahyuk.

MUNGSHIKHÜN 51:19

Judüki thiyuro-lungki laksah-a kingaünkhi, nü asühshihpü abümnü taka kingaünkhi labah; tüsho moshipungbo nü kingaün sadambo kheak jihbah.

ISAIA 56:7

harü inü I yo amüsüh wung ching bedarübah, tüsho I tamkhüntamnü yam ching arü asühde kamshihbah; arünü taka kingaünkhi tüsho arünü shuhmülanga jihkhibo I kingaün sadam kheak leangkhibah; tümüde I yam ju trükshih mihtsürü alala thsungkheak tamkhüntamnü yam de ajibah.

ZEKARIA 8:3

Atungpuhnü ha thachoh: I Zion lim yübah, tüsho Jirusalem phulung ching labah; Jirusalem ju thiyuro kiuto tüsho Wuto Atungpuh müzüng ju amüsüh müzüng de ajibah.