MALAKI 3:18 - AMÜSÜH HÜM CL Bible (BSI)

¹⁸ Judüki nüsanü kheaküshe thiyuro-lungkirü tüsho mihbukmuyuk dükeak, Thrünpuh tankihrü tüsho api mütankihrü dükeak büthsükhi ngübah.

MALAKI 3:18 Iomraidhean Croise

THRÜNTAN 18:25

Thiyuro-lungkirü ju mihbukmuyukrü lungnü alaksahpü nü kheaknü limshuang, jude thsüsho thiyurolungkirü ju mihbukmuyukrü nangde akambah; ju nü kheaknü limshuang! Alomi alala mahkhaprünü alim mürhimobea de?”

JOB HU H T ANYU 17:10

Tüshe kheakü nüsa alala alode arang, tüsho nüsa bolung lümlung larü mihtsürü ngüpü yung.

JOB HU H T ANYU 6:29

Rholoang, inü tamkhüntamnüchoh, amülim dürhimo. Kheakü rholoang, I thiyuro alungki lah.

ABEKHIT 11:7

Tüshe Israel mihtsürü yungsho shiwüh azhihde khihnunü she müchi, junangde Ijiprü tüsho Israel dükeak Atungpuhnü büthsülah de nüsanü amükheahbah.

JEREMIA 12:15

Tüsho inü arü rukkhita bahshu kheaküshe inü arü ki mihmuzho labah, tüsho arü mihbüm abande arü lo tüsho arü yamrüplurüp lim belodarübah.

DANIEL 2:18

tüsho ha amüthakhukkhi aramyu dünkheaknü Daniel tüsho api müyamrübo Babilon lümlung larü mihtsürü lung müdükheakpü thsüde yinmi Thrünpuh kilimnü mihmuzho yimshihpü arü ki tha.

JOEL 2:14

Khükia Atungpuh nüsa Thrünpuhnü api lümkhi müthribah tüsho suhdahde nüsa ki hi müngühjihbah. Junangde nüsanü hi tüsho yukhu api ki jihbah.

AMOS 5:15

Amütsü thraneanang tüsho atsü muzhoang, tüsho chipimurung ching thiyuro lashang; khükijua Atungpuh , Wuto Thrünpuhnü ha trükshih mihtsürü aningkhi kheak müthsümbah.

ZEKARIA 1:6

Tüshe I yubo tüsho I yakzanbo, küpü inü I yamlarübo tüsho wukihrübo ki thiyukhüm jihkhea, jurünü nüsa jipürü müyanphuhkhea de? Jumonü arünü mulong müthri tüsho tha, “ Wuto Atungpuhnü apinü arhimopü lümkhi thsükhi nangde isa limrobo tüsho rhimobo yande isa ki rhimodo.”

MALAKI 1:4

Edomnü, “ Isa niukmüzüta lah tüshe isanü athsümünimkhi thsülobah” de thasho, Wuto Atungpuhnü thachoh: Arünü mihbukmuyuk lomi de müjiyi khiungde, Atungpuhnü lünnü abukakhiukkhi mihtsürü inü athokheambah.

MATHI 25:46

Judüki harü akheam müla thsümüchi ching yüshihbah, tüshe thiyuro-lungkirü a akheam müla rhangdung ching yübah.”

JOHAN 12:26

Khürünü I tankihsho, apinü I dunglim yanshang; tüsho I küching labanü I tankihrü she ju ching labah. Khürünü I tankihsho, I Buhnü api wüntre jihbah.

YUNIRÜBO RHIMO 16:17

Alibenü Paul dunglim zhide yü, “Harü mihtsürü ha nüsa ki akhümkhit limro zhiyukkhi Khide Achang Thrünpuh yamlarübo ah.”

YUNIRÜBO RHIMO 27:23

Tümütüsho shepü yo I la tüsho inü tankihkhi Thrünpuh yunirü yishih I ki zhip,

ROMRÜ KILIM PAULNÜ ATHRÜTKHI KIHÜM HUHTANYU 1:9

Api tsührü thiyusheak-atsü ching I menü atankihkhi Thrünpuh ju I thiyumütsan lah, junangde I tamkhüntamnü ching kamruhroro müdüchingde inü nüsa lümkhitchoh,

1 TESALONIKA 1:9

Künangde nüsanü isa leangkhikheanü, tüsho sangthsübo kilimnü arhang tüsho thiyuro Thrünpuh tankihpü rholokhi,

JIHUSUA 24:15

Kheakü nüsanü api mütankihnesho, nüsa lakhi lo ching nüsa jipürünü akingaünkhi kethripkhüh yungsho Amorrü thrünpuhbo tankihba shi shepü tankihbanü khihni mokhitang; tüshe I tüsho I yamkhün a Atungpuh tankihbah.”