MALAKI 3:14 - AMÜSÜH HÜM CL Bible (BSI)

¹⁴ Nüsanü thado, “Thrünpuh tankihpü akeangkeang ah. Api yukhüm zokhinü yungsho Wuto Atungpuh müngüh mitriprü nangde ayükhinü isa tümü alü thsücho?

MALAKI 3:14 Iomraidhean Croise

JOB HU H T ANYU 22:17

Arünü Thrünpuh ki tha, “Isa zangrü zojang,” tüsho “Wutobuhnü isa ki tümü thsükhukpü?”

JOB HU H T ANYU 34:9

Tümüde apinü tha, “Thrünpuh lung asühkhinü tümü alü müla.”

JOB HU H T ANYU 35:3

Nünü keokhichoh, “I tümü alü la? Neak müyihbeakkhi I tümü alü thsüba?”

ISAIA 43:22

Tütüshe nünü I ki müji, O Jakob; tüshe nünü I khia lakheah, O Israel!

ISAIA 58:3

“Tümü thsükhi isanü khümkeak thsücho, tüshe nünü müngü? Tümü thsükhi isanü azhihayihcho, tüshe nünü mükheahkhit?” Kheahang, nü khümkeak nimung nü künkhi nünü rhimochoh, tüsho nü rhimobo alala junochoh.

JEREMIA 18:12

Tüshe arünü tha, “Ju rhimo müla! Isanü isa nihbuh lümkhi yanbah, tüsho isa mihbüm abannü isa lümkhi amütsü yande arhimobah.”

JEREMIA 2:25

Püpürü thrünpuhbo müshamkhinü nü jing düthrokheam yungsho nü thru dükungshih. Tüshe nünü tha, “Ha lümkhi akeangkeang, tümüde inü jaksorü muzhodo tüsho arü dunglim I yübah.”

JEREMIA 44:18

Tüshe isanü yinmi kiulongthsübe ki kingaünpü tüsho yukhu dungpü tuklokhi kimnü rünbah, isa tümü müla tüsho nukshang le khümzungnü dükheakdo.”

HOSEA 7:16

Arünü alü mülakhi lim rholochoh; arübo ju müdüküngkhi sanglüh nangde kamdo; arü torübo arü mulo mütsükhi hode nukshangnü akeambah. Tüsho Ijiprünü arü ki münejihbah.

JOEL 2:12

Kheaküshe, Atungpuhnü thachoh, khümkeak thsüde, tripde tüsho tüzhode, nüsa mulong alalanü I kilim rholoang.

ZEPHANIA 1:12

Ju kim ching inü tsünpungbo shuhbah Jirusalem yimbah, tüsho nihbuh kheak reangkeamrü tüsho mulongramrü mihtsürü thsümüchibah, sherünü arü mulong ching thacho, “Atungpuhnü atsü yungsho amütsü she mürhimo.”

MALAKI 3:13

Nüsanü I azhihde thiyu amüküp asukdo, Atungpuhnü thachoh. Tütüshe nüsanü thachoh, “ Küde thsah isanü nü azhihde asukkhea?”

JAKOB 4:9

Mulong tukthsüang, tripang tüsho tüzhoang. Nüsa münekhi mulong rozhak tüsho nüsa asühkhi miro mitingkhi kamshang.