MALAKI 3:11 - AMÜSÜH HÜM CL Bible (BSI)

¹¹ Inü nüsa thsungkheak tangkhobo thürühbah, junangde nüsa lo chingnü amukhuhkhi müthsümünim; tüsho nüsa lu ching kurungaso aniungyüh müla, Wuto Atungpuhnü thachoh.

MALAKI 3:11 Iomraidhean Croise

JEREMIA 8:13

Atungpuhnü thachoh, inü arü bemukhungpü lümchoki, kurungasoliu kheak kurungaso müla, yungsho khubasodung kheak khubaso müla; ayübo she yiuh-a lah, tüsho inü tümü arü ki jihkheanü arü kheaknü luakhindo.

HOSEA 2:21

Ju nimung inü alobah, Atungpuhnü thachoh, inü thüningbo ki alobah tüsho arünü alo ki alobah;

JOEL 1:12

Kurungaso kungabahdo, khubasodung yiuhabahdo. Tsarümkiu, ashisang, tüsho mukhiuk– thulu sangdung alala yiuhabahchoh; tsükjide, mihtsürü bolung asühpü kungabahchoh.

JOEL 1:4

Tümü anguhshakbe tangkhonü aningshih-a la, tangkho botonü tsühdo. Tümü tangkho botonü aningshih-a la, ajukbe tangkhonü tsühdo, tüsho tümü ajukbe tangkhonü aningshih-a la, athsümünimbe tangkhonü tsühdo.

JOEL 1:7

Hanü I yo kurungaso thsümünimdo, tüsho I yo khubasodungbo müjakdo; akhahbo müyedo mükamyi khiungde aküp khuka bahdo.

JOEL 2:20

Inü dukulim bonungrü nüsa kheaknü limshude atsoshihbah, tüsho loshelo le tümü masürükhi lo ching yana yüshihbah, mikhuh larübo aniakhiuklim keto ching, tüsho dunglimrü aniyüzahlim keto ching tsoshihbah; ashemibo shuhrhüm münimbah. Tümütüsho arünü nüsa kheak tode rhimodo.

JOEL 2:22

Dütre, nüsa mütüm shiwühbo, tümüde sunglo rimbo phüyaklah; sangdungbonü aso asochoh, khubaso tüsho kurungaso suhdahde lah.

JOEL 2:25

I bonungrü ato, nüsa azhihde inü arüshihkhi, tangkho boto ajukbe, athsümünimrü tüsho ayihshakrünü atsühkhi kambo ching nüsa kukshahkhi inü ajihlobah.

AMOS 4:9

Inü sangrung-tukthsü tüsho mokrinü nüsa shik; inü nüsa wündo tüsho kurungasolubo thsümünimjih; tangkhonü nüsa khubasodung tüsho oliv sangdungbo tsühabah; tütüshe nüsanü I kilim murholo, Atungpuhnü thachoh.

HABAKKUK 3:17

Khubasodung mupungpung she, tüsho kurungasodungbo kheak aso mükihkih she; olivnü masoso she tüsho thulubonü jim makhiukkhiuk she; mihnu yam chingnü mihnu boto mülade kamkam she, tüsho moshi yam chingnü moshi boto mülade kamkam she,

HAGGAI 1:11

Tüsho lomi le müzüngbo kheak, hi kheak, yukhu aso, müdangke, alonü mukhuhshihkhi kheak, mihtsürü tüsho shiwühbo kheak, tüsho nüsa khah rhimo alala kheak kungshihpü inü ji.

HAGGAI 2:17

Inü nüsa le nüsa khah rhimo alala tukthsü-mü le mokri tüsho arunü shik; tütüshe nüsanü I kilim murholo, Atungpuhnü thachoh.

ZEKARIA 8:12

Tümütüsho judüki mungtsü yangkhi labah; kurungasonü aso asobah, alonü amukhuhshihbah, tüsho thüningbonü ayinke jihbah; tüsho inü ha mihtsürü aningkhi ki harü alala yamrüplurüp lushihbah.

YUZÜNGTHALO 11:14

nüsa lo thsungkheaknü inü akheahmünchi ching, akhuhbe tüsho ashube tsüng arüshihbah, junangde nüsanü hi, yukhu tüsho oliv müdangke hanmukhungbah.