MALAKI 3:10 - AMÜSÜH HÜM CL Bible (BSI)

¹⁰ Thürü shihcham alala zowupung ching hande arang, junangde I yam ching tsühyungbe labah, tüsho hanü I rükakiang, Wuto Atungpuhnü thachoh; inü nüsa thsungkheak thüning ripitbo khimshuhbah müngühmühi mikhiukde bukkhishihnahnü kheahang.

MALAKI 3:10 Iomraidhean Croise

THRÜNTAN 28:22

Tüsho inü ha mümih-lung khima zokhi ju Thrünpuh yam thsübah, tüsho nünü I kilim jihkhi alala chingnü inü nü kilim thürü shihcham jihbah.”

THRÜNTAN 7:11

Noa kam 600 lachoki, khinu mahnepü, thürükheak thüne nipü kenü asükbo alala jukphuk tüsho thüning ayinripitbo khimshuh.

2 KIULONG THSÜRÜ 7:19

wühkenobuhnü Thrünpuh mihtsürü ki tha, “Atungpuhnü thüning ching ayinripit thsüthsü she, hadürü dünjiba de?” Tüsho apinü alo, “Nünü ju nü mükbonü angübah, tüshe nünü jurü mütsüh.”

2 KIULONG THSÜRÜ 7:2

Judüki kiulongthsüpuh miki arüde alakhi wühkenobuhnü Thrünpuh mihtsürü ki tha, “Atungpuhnü yinmi ching ayinripit thsüthsü she, hadürü dünjikhukba de?” Tüshe apinü tha, “Nünü ju nü müknü angübah, tüshe nünü jurü mütsüh.”

1 KIUTHSÜYUKHEAN 26:20

Tüsho Levirü bolung, Ahija a Thrünpuh rahpung-yam tüsho amüsühkhitkhi thsambahbo rahpung neakrü lakheah.

NEHEMIA 12:44

Judüki arüngyam thsungkheak jihchungkhibo, thürü shihcham, hi akhuh yimlukhi tüsho sangaso akhuh asokhibo zopung thüyam khiungshak aban kheahshihpü, tüsho amükeamrü le Levirü kilim jihpü yakzannü mülükhi nangde kiutobo lu chingnü athremukhungpü mihtsürübo rhimo ching yüzahshih. Judarünü amükeamrü le Levirü kheak asüh,

NEHEMIA 12:47

Zerubbabel le Nehemia ane kim ching, Israelrü alalanü arüngyam khün thsürü tüsho arüngyam aheangrü kilim arung jihshihpü thsüde nimung aban thsambah jih. Mihtsürübonü Levirü kilim amüsüh kingaün jih, tüsho Levirünü Aron kheaknü arükhi amükeamrübo kilim shihcham jih.

NEHEMIA 13:5

Apinü Tobia ki thüyam khiungshak ato ahorishih, ju hi kingaün tüsho arhümthüneabe shoto kukruk lang azopung, arüngyam ching ahoribe kukrukbo, amükeamrübo thsungkheak jihchungkhibo, tüsho Levirü, arüngyam khün thsürü, tüsho arüngyam aheangrübo kilim jihpü hi, yukhu, tüsho oliv müdangkebo zopung lakheah.

MUNGSHIKHÜN 37:3

Atungpuh kheak kinang, tüsho atsü rhimoang; lomi ching khümkhita laang.

MUNGSHIKHÜN 78:23

Tütüshe apinü akulim amobo ki thiyukhüm jih, tüsho thüning ripitbo khimshuh,

T H S AN GYU T H S AN GR ARÜ 11:3

Amo ju kenü misho, alomi kheak tsüng arüshihchoh; sangdung khülang düjinglim yungsho dukulim keamsho, sangdung kükheak keamkheanü, ju kheak yapbah.

EZEKIEL 34:26

Inü arü le I wung mükamde müngühjihbah. Inü akheahmünchi ching tsüng akishihbah; ju ching müngühmühi tsüng labah.

EZEKIEL 44:30

Sangaso bolung akhuh asokhi, tüsho nüsanü amungji aban kingaünkhi alala amükeamrübo yo thsübah; nüsanü akhuhde anungkhi yikhap amükeamrübo kilim jihbah, junangde nüsa yambukbo kheak müngühmühi labah.

HOSEA 2:21

Ju nimung inü alobah, Atungpuhnü thachoh, inü thüningbo ki alobah tüsho arünü alo ki alobah;

JOEL 2:19

Api mihtsürü ki alojihde Atungpuhnü tha: Inü nüsa kilim hi, yukhu tüsho müdangke arüshihchoh, tüsho nüsa reangkeambah; tüsho kheaküa inü nüsa trükshih bolung mükhemükim mükamshih.

JOEL 2:24

Rhimopung ju hinü mide alabah, pangjiphühbo yukhu tüsho müdangkenü zhikhiukbah.

LEVI 26:10

Nüsanü shangde azokhi hi wün tsühbah tüsho hi aso yukpü thsungkheaknü wukhita bahbah.

LEVI 26:3

Nüsanü I yakzan thsükhibo yansho tüsho I yuzüngbo thiyuronü leangkhisho,

LEVI 27:30

Alo chingnü akhiukkhi thürü shihcham alala, hi yungsho sangaso thsüthsü, Atungpuh yo ah. Ha Atungpuh kilim amüsüh lah.

HAGGAI 2:19

Jakam ching müjih khürü aninga la shi? Kurungaso, khubasodung, tsarümkiu tüsho oliv-dungnü kheaküshe tümü maso de? Khihninü ründe inü nüsa müngühjihbah.

WÜHKHE 18:21

Kheahang, Levirünü arüngkhimyam ching rhimokhi dün Israel ching hanmukhungkhi thürü shihcham arü kilim yamrüplurüp nangde jihdo.

MATHI 6:33

Tüshe nünü akhuhde api kiulongthsü tüsho api thiyuro-lungki yimang, tüsho harü alala nü kilim jihbah.

YUZÜNGTHALO 12:6

Ju ching nüsanü taka kingaünbe, shuhmülanga kingaünbe, thürü shihchambo, büthsüde kingaünbe, thiyuchihchimkhi kingaün, amulongkhi kingaün tüsho moshi le mihnu bolungnü akhuh adrekhibo hanbah arang;

YUZÜNGTHALO 14:22

“Kam abande thulu chingnü akhiukkhi hi thürü shihcham nünü dükde jihang.

YUZÜNGTHALO 14:29

junangde nüsa lung shihcham yungsho yamrüplurüp mülarü Levirü, müshihyih-larü, mürerü, khimoberübo nüsa kiutobo ching larübo arübah reangkeamde atsühbah; junangde Atungpuh nüsa Thrünpuhnü nüsa khahnü arhimokhi alala ching müngühjihbah.

YUZÜNGTHALO 28:12

Kim dükdü ching nüsa lo ching tsüng arüshihpü tüsho nüsa rhimo ching müngühjihpü thsüde Atungpuhnü nüsa kilim api lakhit atsü, thüning khimshuhjihbah. Nüsanü trükshih ahihdo kilim nipjihbah, tüshe nüsanü a anip mulu.