MALAKI 3:1 - AMÜSÜH HÜM CL Bible (BSI)

¹ Kheahang, inü I müngüh limro thsakhamshihpü I yunithsürü arüshihchoh, tüsho nüsanü yimde alakhi Atungpuh nahde api arüngyam ching arübah. Nüsanü asühde alakhi tangzüngkhi yunithsürü atsütsü arüchoh, Wuto Atungpuhnü thachoh.

MALAKI 3:1 Iomraidhean Croise

MUNGSHIKHÜN 110:1

Atungpuhnü I tungpuh ki tha, “Inü nü riribo nü jing-dubopung müthsüshihyi khiungde, I khah tsülim binang.”

ABEKHIT 23:20

“Kheahang, nüsa limro ching kümshihpü tüsho inü tsanglungkhi dangpung ching nüsa bede yüzahshihpü nüsa müngüh yunirü khülang thiyichoh.

ABEKHIT 23:21

Api ki kurhangang tüsho api düsheak aniang; api dazhih, tümütüsho nüsanü alakmihkhi apinü mübahjih, tümüde api kheak I mung lah.

ISAIA 40:10

Kheahang, Atungpuh nüsa Thrünpuh wulade arüchoh, tüsho api binnü api thsungkheak yakzan shuhchoh; api thsambah api lung lah tüsho apinü bekhitkhi api müngüh lah.

ISAIA 63:9

Arü lümthsünü alala ching api she lümthsünüde kam, yunirü khülangnü yung tüshe Atungpuhnü arü khümkhit; api muzho ching tüsho api khah-ching müyüzahkhinü arü bemusu tüsho awün nimungbo alala ching buh.

ISAIA 7:14

Jumonü Atungpuhnü nü kilim amütsan khülang jihbah. Kheahang, anünürü khülang mübünkeangde akambah tüsho tsührü khülang zübebah, tüsho api mung Immanuel de ajibah.

ISAIA 9:6

Tümüde isa thsungkheak tsührü khülang zübea lah, tsührü khülang isa kilim jih-a lah; kiulongthsü sühmüh api dubuh kheak kihlah tüsho api mung Amüyinsahbe Lümthiyan-jihrü, Wuto Thrünpuh, Akheam mülakhi Abuh, Mungtsü Kiulongthsürü de ajibah.

HAGGAI 1:13

Judüki Atungpuh yunithsürü Haggainü mihtsürübo ki Atungpuh yusheak asuk, I nüsa lung lah, Atungpuhnü thachoh.

MALAKI 2:4

Jumonü I tangzüngkhi Levi kheak mutuklode alapü ha yukhüm nüsa kilim arüshihdo de mükheahang, Wuto Atungpuhnü thachoh.

MALAKI 2:7

Tümüde amükeamrü münküpbonü mükheahmudu aheangbah, tüsho mihtsürübonü api mün chingnü yakzan yimbeah, tümüde api Wuto Atungpuh yunithsürü ah.

MALAKI 4:5

Kheahang, Atungpuh nimung ato tüsho atrebe arüpü müngüh inü nüsa kilim wukihbuh Elija arüshihbah.

MATHI 11:14

tüsho nüsanü arü yusheak leangkhipü mulongsho, arüpü müchita lakhi Elija ju Johan ah.

LUKNÜ ATHRÜTKHI THIYUSHEAK-ATSÜ HUHTANYU 1:76

Tüsho nü khungarü, Khide Achang yo wukihrü de ajibah; tümüde nünü api limrobo thsakhampü Atungpuh müngüh yübah,

LUKNÜ ATHRÜTKHI THIYUSHEAK-ATSÜ HUHTANYU 19:47

Tüsho apinü nimung aban arüngyam ching thsangyude alakheah. Tüshe amükeam putungrübo, yakzan thsangyurübo, tüsho mihtsürü limberübonü api laksahpü yim,

LUKNÜ ATHRÜTKHI THIYUSHEAK-ATSÜ HUHTANYU 2:11

tümüde khihni nüsa kilim David kiuto ching akhümkhitrü, Atungpuh Khrista zübea lah.

LUKNÜ ATHRÜTKHI THIYUSHEAK-ATSÜ HUHTANYU 2:38

Tüsho ju kim ching atubah alibenü Thrünpuh ki makshe jih, tüsho Jirusalem rhokhitpü kheahde alarü alala ki api dünkheak asuk.

LUKNÜ ATHRÜTKHI THIYUSHEAK-ATSÜ HUHTANYU 2:46

Nimung mahsam dunglim arünü api ju thsangyurü bolung binde, arü ki anide tüsho keokhide arüngyam ching ngü;

YUNIRÜBO RHIMO 19:4

Tüsho Paulnü tha, “Johannü api dunglim arükhi Jisu kheak kinpü mihtsürübo ki thade, mulong müthride baptijihkhi lakheah.”

YUNIRÜBO RHIMO 7:38

Api ju Sinai Müzüng ching api le isa jipürü ki asukbuh yunirü bede sunglo ching amukhungrü lung lakheah; tüsho apinü isa kilim jihpü rhangdung yubo leangkhi.