MALAKI 2:8 - AMÜSÜH HÜM CL Bible (BSI)

⁸ Tüshe nüsanü limro chingnü tsomuwuhdo; nüsanü nüsa yakzan hode ahihdo jing mükheshihdo; nüsanü Levi tangzüng thsümünimdo, Wuto Atungpuhnü thachoh,

MALAKI 2:8 Iomraidhean Croise

2 KIULONG THSÜRÜ 16:11

Amükeambuh Urianü kingaün sadam thsü; junangde amükeambuh Urianü kingaün sadam ju ruk thsü tüsho Damaska chingnü Ahaz malodarüyide thsükham.

NEHEMIA 13:29

O Thrünpuh, harü mihtsürübonü amükeamrübo rhimo yam müneankhi tüsho amükeamrübo le Levirü kheak nünü tangzüngkhi müneanjihkhi lümkhitjang.

MUNGSHIKHÜN 119:102

Inü nü mahkhapkhibo chingnü müchamachih, tümüde nünü I thsangyukheah.

MUNGSHIKHÜN 18:21

Tümüde inü Atungpuh yakzanbo ani, tüsho mihbukmuyukde Thrünpuh kheaknü müchamachih.

MÜCHITMUDU 12:8

Mihtsürü ju api lümlung ayannü shijihchoh, tüshe lüm amütsü mihtsürü a khenoabahchoh.

ISAIA 30:11

limro chingnü tsoang, limtsahpung chingnü tsahhuhang, isanü kheaküa Israel yo Amüsühbuh Khülang dünkheak musonü.”

ISAIA 59:13

thsümünimde, tüsho Atungpuh reanglode, tüsho isa Thrünpuh yankhi chingnü tsoabahde, junode tüsho azhihkhirhimo akeangyubo hankhi tüsho jurü mulong chingnü akhiukkhi lah.

ISAIA 9:16

tümüde sherünü ha mihtsürübo bekheanü arübo bephülapdo, tüsho sherübo arünü abekheanü yingyingde zojih.

JEREMIA 17:13

O Israel mulonglam! O Atungpuh ! Nü bahyukrü alala achih ngübah; sherü nü kheaknü rholode tsochonü alo ching thrütyukbah, tümüde arünü rhangdung ke-bukpung, Atungpuh bahyukdo.

JEREMIA 17:5

Atungpuhnü ha thachoh: Shepünü mihtsürü kheak kinchonü muthrumünean, shepünü nihbuh sühmüh thsungkheak shih kheak angükihcho tüsho shepü mulong Atungpuh kheaknü chamkhicho.

JEREMIA 18:15

Tüshe I mihtsürübonü I mihabahdo, arünü sangthsübo ki rhümthüneabe takchoh; arü jipü limrobo ching arü jing mükhedo, tüsho arübo limto ching yungde limkeanganu ching tsodo,

JEREMIA 2:8

“Atungpuh küching la?” de amükeamrübonü mütha. Yakzanshuhrübonü I mümükheah; Yakzanshuhrübonü I azhihde lakmih; wukihrübonü Baal hode müchit, tüsho alü mülakhi kukruk dunglim yü.

EZEKIEL 22:26

Amükeamrübonü I yakzan lakmihdo tüsho I yo amüsüh kukrukbo müneanjihdo; arünü amüsühkhitkhi tüsho mümüsühkhi dükeak müpüthsü, arünü amüsüh tüsho amümüsüh dükeak müthsangyu, tüsho arünü I amunibo akinashu müla, junangde arü bolung I müneanjih.

EZEKIEL 44:10

Tüshe Levirübo sherünü I kheaknü limshude chamkhibah Israelrü lung arü sangthsübo dunglim yüa lanü, arünü arü amülim hanbah.

EZEKIEL 44:12

Tüshe arünü Israelrü thsungkheak sangthsübo miki arüngako thsü tüsho arü yamkhün amülim ching jing mükheshih, jumonü arünü arü thsümüchi hanbah de arü dünkheak inü thiyuchihchimchoh, Atungpuh Thrünpuhnü thachoh.

EZEKIEL 44:7

Nüsanü athraneanbe rhimokhi lungnü nüsanü mulong tüsho shih tsütamübahkhi khiungkerü I arüngyam ching beyukde nüsanü tsühyungpü, amüdang tüsho athiyih jihchoki I arüngyam müneanjih tüsho nüsanü I ki tangzüngkhi thsümünim.

HOSEA 4:6

I mihtsürübo mükheahmudu mülakhinü dükheaka lah; tümütüsho nünü mükheahmudu bahyuk, inü nü I ki amükeamrü thsüpü chingnü bahyukchoh. Tüsho nünü nü Thrünpuh yakzan mihkhinü, inü she nü tsührübo mihbah.

LEVI 21:15

yungsho apinü api mihtsürü bolung nihbuh keoniorü mümüneanjihbeah; tümüde I Atungpuh , inü api müsühkhit.

ZEPHANIA 3:4

Wukihrübo mükümkangkhi, müthülünkhi mihtsürübo lah; amükeamrübonü tümü amüsüh lanü ju müneando, arünü yakzan thsümünimdo.

MALAKI 1:6

Tsührü khülangnü abuh, tüsho yamlarübonü arü putungrü wüntrechoh. Dale I abuh a sho, I ki wüntre jihkhi küching la? I aputungrü a sho, I akin jihkhi küching la? Wuto Atungpuhnü nüsa ki thachoh, O I mung mükhemürangkhi amükeamrübo. Nüsanü thachoh, “ Küde thsah isanü nü mung mükhemürangkhea?”

MALAKI 2:5

Api ki I tangzüng lakhi ju rhangdung tüsho mungtsü tangzüng lakheah; ha wüntre jihshihpü lakheah, tüsho apinü I ki wüntre tüsho I mung trekhi ching zhip.

WÜHKHE 25:12

Jumonü thaang, ‘Kheahang, inü api kilim mungtsü tangzüngkhi jihchoh;

WÜHKHE 25:13

tüsho ha api le anihbuh tsühsoniuso kheak akheam mülakhi amükeam trük thsüpü tangzüngkhi labah, tümütüsho apinü nihbuh Thrünpuh thsungkheak mulongkhit, tüsho Israel mihtsürü thsungkheaknü dünthsükhijih.’ ”

ROMRÜ KILIM PAULNÜ ATHRÜTKHI KIHÜM HUHTANYU 14:21

nü keoniorü jingmükhepü thsüde shih tsühpü, yukhu yungpü yungsho, tümükhüh rhimopü dükdü yung.

IBRI 3:12

Keoniorübo, kümkangang, jude yungsho nüsa bolung mükinkhi mulong khürünü nüsa arhang Thrünpuh kheaknü bekhide atsobah.

1 SAMUEL 2:17

Hanangde Eli tsührübo neak Atungpuh miki khide tode alakheah; tümüde arünü Atungpuh kilim kingaünkhi junode kheakrak.

1 SAMUEL 2:24

Yung, I tsührübo; Atungpuh mihtsürü bolung bekhi inü asokhi ha thiyusheak atsü yung.

1 SAMUEL 2:30

Jumonü Atungpuh Israel Thrünpuhnü thachoh: ‘Nü yamkhün tüsho nüsa jipürü yamkhün lünnü I miki yüzahbah tüsho awukhiukbah de inü thiyuchihchim thsü’; tüshe kheakü Atungpuhnü thachoh: ‘I kheaknü limshuabahang; tümüde shepünü I wüntrecho inü wüntrebah, tüsho shepünü I khenochonü junode arhimobah.