MALAKI 2:7 - AMÜSÜH HÜM CL Bible (BSI)

⁷ Tümüde amükeamrü münküpbonü mükheahmudu aheangbah, tüsho mihtsürübonü api mün chingnü yakzan yimbeah, tümüde api Wuto Atungpuh yunithsürü ah.

MALAKI 2:7 Iomraidhean Croise

2 KIULONG THSÜRÜ 16:11

Amükeambuh Urianü kingaün sadam thsü; junangde amükeambuh Urianü kingaün sadam ju ruk thsü tüsho Damaska chingnü Ahaz malodarüyide thsükham.

2 KIULONG THSÜRÜ 16:16

Amükeambuh Urianü kiulongthsüpuh Ahaznü thiyukhüm jihkhi nangde lüpdükhi rhimo.

2 KIUTHSÜYUKHEAN 30:22

Hezekianü Atungpuh tankihkhi ju anikhitkhi atsü huhrü Levirü alala ki mulong toshihde asuk. Jumonü mihtsürübonü Atungpuh arü jipürü Thrünpuh kilim mungtsü kingaün tüsho makshe jihde nimung thüne thünio jimpung tsüh.

2 KIUTHSÜYUKHEAN 31:4

Amükeamrü tüsho Levirü kilim jihpü shihcham jihshihpü apinü Jirusalem ching larü mihtsürübo ki thiyukhüm jih, junangde arünü Atungpuh yakzan ching mulong jihkhukpü lakheah.

EZRA 7:10

Tümüde Ezranü Atungpuh yakzan yimde arhimopü tüsho api yakzan le thiyuzüngbo Israelrü ki thsangyupü mulongkhit.

EZRA 7:25

“Nü Ezra, nü Thrünpuhnü ajihkhi lümlung yande, yakzanshuhrü tüsho mahkhaprübo sherünü Aniyüzahlim Euphrarü mihtsürü limbekhukbanü, nünü arü rhimo ching yüzahshang. Amükeamrü aban hoju yakzan nünü thsangyuang.

MÜCHITMUDU 5:2

junangde nünü adüngakhi lashihbah tüsho nü münküpbonü mükheahmudu zobah.

T H S AN GYU T H S AN GR ARÜ 5:5

Nünü thiyuchihchimbah akuk ngüde mürhimokhi kheaknü a nünü thiyuchihchim mulukhi atsübe ah.

ISAIA 42:19

Shepü mük tuka la tüshe I yamlarü, yungsho nükhün peanga inü athiyikhi yunithsürü nangde la? Shepü inü müsükhitkhi khülang nangde müktuk a, yungsho Atungpuh yamlarü nangde müktuk a?

ISAIA 44:26

shepünü api yamlarü yu mütsanmükhishih, tüsho api yunithsürünü müchitkhi dünjishih; shepünü Jirusalem dünkheak tha, “Ha ching mihtsürü labah,” tüsho Juda kiutobo dünkheak, “Arübo athsülobah, tüsho inü arü athsümünimkhi yihmusubah;”

JEREMIA 15:19

Jumonü Atungpuhnü ha thachoh: Nünü rholosho, inü nü beloa lubah, tüsho nü I miki zhipbah. Shoto küpüanü nünü thasho tüsho müthülünkhi müthasho, nü I yu tharü thsübah. Arünü nü kilim rholode arübah, nünü arü kilim rholode müyü.

JEREMIA 18:18

Judüki arünü tha, “Arang, isanü Jeremia azhihde rhimoanü tümüde amükeamrü kilimnü thsangdan yungsho lümlung larü kilimnü lümthiyan, yungsho wukihrü kilimnü thiyu müdükheak. Arang, isanü api azhihde athabebo handaranü, tüsho isanü api yu tümü she maninü.”

JEREMIA 2:8

“Atungpuh küching la?” de amükeamrübonü mütha. Yakzanshuhrübonü I mümükheah; Yakzanshuhrübonü I azhihde lakmih; wukihrübonü Baal hode müchit, tüsho alü mülakhi kukruk dunglim yü.

EZEKIEL 22:26

Amükeamrübonü I yakzan lakmihdo tüsho I yo amüsüh kukrukbo müneanjihdo; arünü amüsühkhitkhi tüsho mümüsühkhi dükeak müpüthsü, arünü amüsüh tüsho amümüsüh dükeak müthsangyu, tüsho arünü I amunibo akinashu müla, junangde arü bolung I müneanjih.

EZEKIEL 7:26

Thsümütsünü thsümütsü kheak yankihbah, tüsho alanajinü alanaji labah. Arünü wukihrü kheaknü michih ngüpü mürangbah; amükeamrünü yakzan thsangyukhi, azothsürübonü lümthiyan jihpü dükheakbah.

DANIEL 11:33

Mihtsürü bolung lümlung larünü ahihdo kilim anikhitkhi jihbah; judüalalashe nimung anükhüh arübo nukshang tüsho motrunü tüsho yande aramkhinü akeambah.

HOSEA 4:6

I mihtsürübo mükheahmudu mülakhinü dükheaka lah; tümütüsho nünü mükheahmudu bahyuk, inü nü I ki amükeamrü thsüpü chingnü bahyukchoh. Tüsho nünü nü Thrünpuh yakzan mihkhinü, inü she nü tsührübo mihbah.

LEVI 10:11

tüsho Mosa hode Atungpuhnü arü kilim yakzanbo jihkhi nüsanü Israelrü ki huhang.”

ZEPHANIA 3:4

Wukihrübo mükümkangkhi, müthülünkhi mihtsürübo lah; amükeamrübonü tümü amüsüh lanü ju müneando, arünü yakzan thsümünimdo.

HAGGAI 1:13

Judüki Atungpuh yunithsürü Haggainü mihtsürübo ki Atungpuh yusheak asuk, I nüsa lung lah, Atungpuhnü thachoh.

ZEKARIA 7:3

tüsho Wuto Atungpuh yam amükeamrü tüsho wukihrübo ki keokhipü, “ Inü kam ahihdo thsükhi nangde khinu phüngü ching tüzhode khümkeak thsüba shi?”

MALAKI 3:1

Kheahang, inü I müngüh limro thsakhamshihpü I yunithsürü arüshihchoh, tüsho nüsanü yimde alakhi Atungpuh nahde api arüngyam ching arübah. Nüsanü asühde alakhi tangzüngkhi yunithsürü atsütsü arüchoh, Wuto Atungpuhnü thachoh.

WÜHKHE 27:21

Api amükeambuh Eleazar miki zhipbah anihbuh thsungkheak Urim mahkhapkhi yande Atungpuh ki keokhishihbah; Eleazar yukhüm hode api tüsho Israel mihtsürü boto wukhiukbah tüsho azahbah.”

JOHAN 13:20

Atsütsü inü nüsa ki thachoh, shepünü inü athiyikhi leangkhichonü I leangkhichoh; tüsho shepünü I leangkhichonü I thiyibuh leangkhichoh.”

JOHAN 20:21

Judüki Jisunü arü ki thalo, “Nüsa lung mungtsü laang! I Buhnü I thiyikhi nangde, inü nüsa thiyichoh.”

YUNIRÜBO RHIMO 16:17

Alibenü Paul dunglim zhide yü, “Harü mihtsürü ha nüsa ki akhümkhit limro zhiyukkhi Khide Achang Thrünpuh yamlarübo ah.”

2 KORINT 5:20

Jumonü Thrünpuhnü isa hode tuthsukkhi nangde, isa ju Khrista yo limburü ah. Khrista thsung thsüde isanü nüsa ki mushuchoh: Thrünpuh kheak tsüarihang.

GALATIA 4:14

tüsho I lalim ju nüsa ki rükaki khülang nangde lalashe, nüsanü mükheahmüchih yungsho mübahyuk, tüshe Thrünpuh yunirü khülang, Jisu khrista nangde I leangkhi.

YUZÜNGTHALO 21:5

Judüki Levi tsührü amükeamrübo ju phünide arübah, tümüde Atungpuh nüsa Thrünpuhnü api tankihshihpü tüsho Atungpuh mung ching müngühshihpü arü mokhit; arü yu hode neamneamruru tüsho laksahachihkhi dünkheakbo khikzhakbah.

YUZÜNGTHALO 24:8

“Apham akhiukchoki kümkangang, junangde düshihde kheahyukang tüsho amükeamrü Levirünü nüsa ki thsangyukhi yande rhimoang; inü arübo kilim thiyukhüm jihkhi nangde, nüsanü kümkangde rhimoang.

1 TESALONIKA 4:8

Jumonü sherünü ha bahyukchonü mihtsürü yungde nüsa kilim Amüsüh Me jihbuh Thrünpuh bahyukchoh.

1 SAMUEL 2:17

Hanangde Eli tsührübo neak Atungpuh miki khide tode alakheah; tümüde arünü Atungpuh kilim kingaünkhi junode kheakrak.