MALAKI 2:4 - AMÜSÜH HÜM CL Bible (BSI)

⁴ Jumonü I tangzüngkhi Levi kheak mutuklode alapü ha yukhüm nüsa kilim arüshihdo de mükheahang, Wuto Atungpuhnü thachoh.

MALAKI 2:4 Iomraidhean Croise

1 KIULONG THSÜRÜ 22:25

Mikaianü alo, “ Küyimki nü alungbe khiungshak ching jikpü yübanü ju nimung nünü amükheahbah.”

NEHEMIA 13:29

O Thrünpuh, harü mihtsürübonü amükeamrübo rhimo yam müneankhi tüsho amükeamrübo le Levirü kheak nünü tangzüngkhi müneanjihkhi lümkhitjang.

ISAIA 26:11

O Atungpuh , nü khah shuhkihlah tüshe arünü ju müngü. Nünü nü mihtsürü thsungkheak mulong jihkhi arünü ngüshang tüsho achihshang. Nü azhihrü monü arü aniuabahshang.

ISAIA 27:9

Jumonü hanü Jakob amülim dün shaklobah tüsho ha api neak yihkhita bahkhi sangaso labah: Küyimki apinü lung kingaün sadambo alala athrütbe-lung nangde adütre kamde züthünakbanü, Ashera sangthsü yungsho rhümthüneabe kingaün sadambo tümü aninga müzhip.

JEREMIA 28:9

Wukihrü shepünü mungtsü müchitbah, wukihbuh yu dünjibanü, Atungpuhnü wukihbuh dükde thiyia lah de mükheahbah.”

EZEKIEL 33:33

Küyimki ha dükde adünjibanü, arü bolung wukihrü khülang lakheah de arünü mükheahbah.

EZEKIEL 38:23

Junangde inü I tokhi tüsho I müsühkhitkhi huhbah tüsho trükshih ahihdo miki I mükheahshihbah. Judüki I Atungpuh de arünü mükheahbah.

EZEKIEL 44:7

Nüsanü athraneanbe rhimokhi lungnü nüsanü mulong tüsho shih tsütamübahkhi khiungkerü I arüngyam ching beyukde nüsanü tsühyungpü, amüdang tüsho athiyih jihchoki I arüngyam müneanjih tüsho nüsanü I ki tangzüngkhi thsümünim.

MALAKI 3:1

Kheahang, inü I müngüh limro thsakhamshihpü I yunithsürü arüshihchoh, tüsho nüsanü yimde alakhi Atungpuh nahde api arüngyam ching arübah. Nüsanü asühde alakhi tangzüngkhi yunithsürü atsütsü arüchoh, Wuto Atungpuhnü thachoh.

WÜHKHE 18:2

Kheaküshe nü lung nü keoniorü Levirübo, nü buhtsüh chingnü bebah arang, junangde nü tüsho nü tsührübo tangzüng arüngyam ching tankihchoki arübo nüsa lung bebah.

WÜHKHE 18:21

Kheahang, Levirünü arüngkhimyam ching rhimokhi dün Israel ching hanmukhungkhi thürü shihcham arü kilim yamrüplurüp nangde jihdo.

WÜHKHE 25:12

Jumonü thaang, ‘Kheahang, inü api kilim mungtsü tangzüngkhi jihchoh;

WÜHKHE 3:11

Atungpuhnü Mosa ki tha:

WÜHKHE 3:12

Kheahang, Israelrü tsührü bolung ching akhuh zübekhi lupü dün inü Levirübo ludo. Levirübo I yo thsübah,

WÜHKHE 3:45

Israelrü tsührübo adüjirü tüsho arü akam-shiwühbo müthri Levirü tüsho arü akam-shiwühbo luang. Levirübo ju I yo thsübah: I Atungpuh ah.

MATHI 3:12

Api khah ching phürü shuhlah, tüsho apinü rhimopung tsüde amüsühbah tüsho api jakam ching hi hanmukhungbah; tüshe apinü atsütbo a amümütbe mo ching takbah.”

LUKNÜ ATHRÜTKHI THIYUSHEAK-ATSÜ HUHTANYU 10:11

‘Nüsa kiuto asungthulung isa kheak yükihkhi nüsa azhihde phütkhia bahchoh. Tütüshe ha mükheang, Thrünpuh kiulongthsü nüsa thüninde arüdo.’

JOHAN 15:2

I kheak aso masokhi khah aban apinü rhea bahchoh; tüsho aso asokhi khah aban hihde asoshihpü apinü mülakkhitchoh.