MALAKI 2:15 - AMÜSÜH HÜM CL Bible (BSI)

¹⁵ Thrünpuh khülangnü anihbe thrünkhi yung de? Shih tüsho me chido api yo ah. Tüsho Thrünpuhnü tümü lunela? Apinü Thrünpuh mükheahkhi tsührü yimchoh. Jumonü nüsa me ching kümkangang, tüsho nü athunuchoki yamkhünbe kheak nünü alokhikhi düthsümünim.

MALAKI 2:15 Iomraidhean Croise

THRÜNTAN 1:27

Jumonü Thrünpuhnü api kiphahkhi ching mihtsürü thrün; apinü athrürü tüsho aliberü thrün.

THRÜNTAN 2:7

Tüsho Atungpuh Thrünpuhnü alo asungthulungnü mihtsürü kamshih, tüsho api nupung ching rhangdung sheak mütyukjih, tüsho mihtsürü ju rhangdung lakhi khülang kam.

THRÜNTAN 24:44

tüsho alibenü I ki, “Yungang, tüsho inü nü yo kemelbo thsungkheak she akhipbah,” de thasho–alibe ju I putungrü tsührü thsungkheak Atungpuhnü amokhitkhi lashang.’

THRÜNTAN 27:46

Judüki Rebekanü Isak ki tha, “Esau khiungkerü niuberü dünkheaknü I kipathsükdü lang lah. Jakobnü she harü Hit liberü lukhülaa, I ashekhi atsübe labah.”

THRÜNTAN 6:2

Thrünpuh tsührübonü mihtsürü tsührü liberübo jaktsüde ngü; tüsho arünü amürühkhi yamkhün thsü.

EZRA 9:4

Judüki Israel Thrünpuh yu ajande atrerü abannü ramtsorünü neak yihbeakkhi dünkheak I mükamdoa bin. Tüsho inü ju ching arelim kingaün kim khiungde tüzhode bin.

NEHEMIA 13:24

Arü tsührübo aphulungachihnü Ashdod yungsho püpürü yutha thakhuk tüshe Jihudarü yu müthakhuk.

JOB HU H T ANYU 27:3

I sheak I kheak lakhi khiungde tüsho Thrünpuh sheak I nupung ching lasho,

ABEKHIT 20:14

“Nünü müzammüram düyihbeak.

MÜCHITMUDU 2:17

shepünü nihbe niubuhrü ki thiyuro müla tüsho amüsüh thiyuchihchimkhi mihabahcho.

MÜCHITMUDU 4:23

Nü lümzülümdokhi kümkangang; tümütüsho ju kenü ah.

MÜCHITMUDU 6:25

Anihbe jaktsükhi nü mulong chingnü dümürüh, yungsho anihbe mükküpnü nü düphuhshih,

MÜCHITMUDU 7:25

nü mulongnü anihbe limro lim dübephülapshih; anihbe tsahpungbo ching düyü;

T H S AN GYU T H S AN GR ARÜ 12:7

tüsho atan nangde pang ju alo asungthulung kamlobah, tüsho sheak ju ajihbuh Thrünpuh kilim alode ayübah.

JEREMIA 2:21

Tütüshe amokhitkhi kurungaso nangde inü mokhita zokhi chingnü nü khimkheah. Dale küde thsah nünü thsümünimkhea tüsho mütüm kurungaso kamkhea?

HOSEA 1:10

Tütüshe Israel mihtsürü khekhi ju madünkhuk yungsho mükhekhukkhi keto loyi nangde alabah; tüsho arü ki, “ Nüsa I mihtsürü yung,” de athakhi müthri arü ki thabah, “Arhang Thrünpuh tsührü.”

LEVI 20:10

Athrürü shepünü nihbuh yamhingrü niuberü kheak müzammürambanü, müzammürambuh tüsho müzammürambe ane chido dükde asheshihbah.

MALAKI 2:14

Nüsanü keokhichoh, “Tümü thsükhi apinü muhdücho?” Tümütüsho Atungpuhnü le nü athunuchoki yamkhünbe dükeak thiyumütsan rhimochoh, tümütüsho anihbe ju nü atrurü, nü rhang lakhi tangzüng yamkhünbe thsüthsü she nünü alibe kheak nünü alokhikhi thsümünimdo.

MATHI 15:19

Tümüde mulong chingnü amütsü lümkhibo, mihkhukpü, müzammüram, yüliyüra, ahühkhi, arükchih thiyumütsan, mükhemükimbo akhiukchoh.

JOHAN 20:22

Küyimki apinü ha thakheanü arü kheak sheak mütkih tüsho tha, “Amüsüh Me leangkhiang.

YUNIRÜBO RHIMO 3:25

Nüsa ju wukihrübo tüsho Thrünpuhnü isa jipürü Abraham ki, ‘Nü müjih ching alomi yamkhün alala müngühmühibah,’ de tangzüngkhi tsührübo ah.

1 KORINT 7:14

Tümütüsho amükinrü niubuhrü ju aniube hode müsühkhitchoh, tüsho amükinrü niuberü ju aniubuh hode müsühkhitchoh. Jude yungsho, nüsa tsührübo mümüsühde alabah, tüshe ha hode arü amüsüh ah.

1 KORINT 7:2

Tüshe müzammüram rükaki lakhi hode athrürü abannü nihbuh niuberü tüsho aliberü abannü nihbe niubuhrü labeah.

2 KORINT 6:18

I nüsa abuh thsübah, tüsho nüsa I tsührübo le tsührübebo thsübah, Wuto Atungpuhnü thachoh.”

EFISIA 6:4

Buhrübo, nüsa tsührübo bukakhiukpü thsüde düthürüh, tüshe adanyukkhi tüsho Atungpuh thsangdankhi ching arü mütrükhitang.

YUZÜNGTHALO 7:4

Tümüde jurü liberübonü nüsa tsührübo püpü thrünpuhbo tankihshihpü I kheaknü beakhinde atsobah; junangde nüsa azhihde Atungpuh bukakhiukbah tüsho nüsa nahde adükheakbah.

TITA 1:6

Mihtsürü khülang ju areak mükihkhi, niuberü khülang lang alakhi, api tsührübo ju akinrü tüsho bukmüke le mihyumanikhi mülabeah.

RUTH 4:12

Ha liberü hode Atungpuhnü müngühjihpü lakhi zürü ju Juda le Tamar ane tsührü Perez yamkhün nangde kamshang.”

1 SAMUEL 2:20

Judüki Elinü Elkana tüsho aniube müngühjihde tha, “ Alibenü Atungpuh kilim thsambah jihkhi dünkheak ha liberü hode nü kilim tsührü jihshang”; tüsho arübo thüyam lim alode arü.