MALAKI 2:14 - AMÜSÜH HÜM CL Bible (BSI)

¹⁴ Nüsanü keokhichoh, “Tümü thsükhi apinü muhdücho?” Tümütüsho Atungpuhnü le nü athunuchoki yamkhünbe dükeak thiyumütsan rhimochoh, tümütüsho anihbe ju nü atrurü, nü rhang lakhi tangzüng yamkhünbe thsüthsü she nünü alibe kheak nünü alokhikhi thsümünimdo.

MALAKI 2:14 Iomraidhean Croise

THRÜNTAN 2:18

Atungpuh Thrünpuhnü tha, “Mihtsürü ju zangrü lapü mütsü; inü api thsungkheak athülün arungrü khülang thrünjahnü.”

THRÜNTAN 31:50

Nünü I tsührübebo kheahmüchihsho yungsho I tsührübebo kheak atrüpde püpü niuberübo lusho, isa lung she mülalashe, ike dükeak Thrünpuh thiyumütsan lah de lümkhitang.”

MÜCHITMUDU 2:17

shepünü nihbe niubuhrü ki thiyuro müla tüsho amüsüh thiyuchihchimkhi mihabahcho.

MÜCHITMUDU 30:20

Müzammüram liberünü arhimokhi limro ha lah: alibenü tsühchoh tüsho amün nana bahchoh, tüsho thachoh, “ Inü amülim tümü mürhimo.”

MÜCHITMUDU 5:20

I tsah-a, tümü thsüde nü yüliyüra liberünü akapdoshihpü, tüsho müzammüramrü khüh kheak kapshihpü?

T H S AN GYU T H S AN GR ARÜ 9:9

Alomiküp ching Thrünpuhnü nü kilim jihkhi akeangkeang rhangdung nimungbo alala ching nünü muzhokhi nü yamkhünbe lung asühang, tümütüsho ju alomiküp ching nü rhimo tüsho rhangdung ching nü shihcham lah.

KHÜNBOLUNGKHÜN 1:15

Nü jak küdükhüh atsü, I tsübe; O, nü jak atsü ah; nü mükbo müthrithrümpü mükji ruk ah.

ISAIA 54:6

Tümüde Atungpuhnü nü abahyukkhi tüsho me ching tüzhokhi liberü nangde jikheah, athunu mihtsürü niuberü bahyukkhi nangde, nü Thrünpuhnü thachoh.

ISAIA 58:3

“Tümü thsükhi isanü khümkeak thsücho, tüshe nünü müngü? Tümü thsükhi isanü azhihayihcho, tüshe nünü mükheahkhit?” Kheahang, nü khümkeak nimung nü künkhi nünü rhimochoh, tüsho nü rhimobo alala junochoh.

JEREMIA 29:23

tümütüsho arünü Israel ching atrebe neak yihbeakkhi lah tüsho arü yamhingrü niuberü kheak müzammüram yihbeak tüsho arü ki thiyukhüm müjihkhi akeangyubo I mung chingnü asukdo; inü mükheahlah tüsho I thiyumütsan ah, Atungpuhnü thachoh.

JEREMIA 42:5

Arünü alode Jeremia ki tha, “Atungpuh nü Thrünpuhnü isa thsungkheak nü hode thiyukhüm jihkhi yande lüpdükhi isanü mürhimosho Atungpuh thiyuro lashang tüsho isa azhihde athülünkhi thiyumütsan thsüshang.

JEREMIA 8:12

Arünü machihde rhimodo, arünü athraneanbe yihbeak; tütüshe judü lang machih, arünü achihpüyak mümükheah. Jumonü sherü angakchonü ju lung arü angakbah; inü arü thsümüchichoki, arü akeamkhamshihbah, Atungpuhnü thachoh.

JEREMIA 9:2

O loshelo ching I lapung lakhülaa inü I mihtsürübo bahjihbah tüsho arü kheaknü tsoabahbah! Tümüde arü alala müzammüramrü, mülapyukrü boto lah.

EZEKIEL 16:8

Ju dunglim I hode yü, tüsho nü kheak kheah; nü ju muzhoachihpü kim lakheah. Inü I khim münkheam nü kheak züngkihjih tüsho nü bünkeang lakhi lüpdojih. Inü nü ki thiyuchihchim jih tüsho nü kheak tangzüngpü ching yüzah, Wuto Atungpuhnü thachoh, tüsho nü I yo kam.

MIKA 1:2

Soang, nüsa mihtsürü alala; aniang, O alomi, tüsho ju ching lakhi alala; tüsho Atungpuh Thrünpuh ju api amüsüh arüngyam chingnü nüsa azhihkhi thiyumütsan labah.

MALAKI 2:15

Thrünpuh khülangnü anihbe thrünkhi yung de? Shih tüsho me chido api yo ah. Tüsho Thrünpuhnü tümü lunela? Apinü Thrünpuh mükheahkhi tsührü yimchoh. Jumonü nüsa me ching kümkangang, tüsho nü athunuchoki yamkhünbe kheak nünü alokhikhi düthsümünim.

MALAKI 3:5

Judüki mahkhappü thsungkheak I nüsa ki thüninde arübah; inü wurükhuhrü azhihde, müzammüramrü, akeangyu thiyuchihchimrü, mülomüthsürü mihkhah, khimoberü tüsho mürerü junorü, khiungkerü nimmuwuh-a bahrü tüsho I mütrerü azhihde thiyumütsan jihpü atukathribah, Wuto Atungpuhnü thachoh.

MALAKI 3:8

Khürünü Thrünpuh rükakiba de? Tütüshe nüsanü I rükakichoh! Tüshe nüsanü thachoh, “ Künangde isanü nü rükakicho?” Nüsa thürü shihcham tüsho kingaün jihkhibo ching!

MAHKHAPRÜ 11:10

Tüsho Gilead limberübonü Jephtha ki tha, “Isanü nü yubo yande mürhimosho, isa dükeak Atungpuh thiyumütsan labah.”

1 SAMUEL 12:5

Apinü arü ki tha, “Nüsa azhihde Atungpuh thiyumütsan lah, tüsho mujude-mokhitbuh ha nimung thiyumütsan lah, junangde nüsanü I khah ching tümü she müngü.” Tüsho arünü tha, “ Am, Atungpuh thiyumütsan ah.”