MALAKI 1:6 - AMÜSÜH HÜM CL Bible (BSI)

⁶ Tsührü khülangnü abuh, tüsho yamlarübonü arü putungrü wüntrechoh. Dale I abuh a sho, I ki wüntre jihkhi küching la? I aputungrü a sho, I akin jihkhi küching la? Wuto Atungpuhnü nüsa ki thachoh, O I mung mükhemürangkhi amükeamrübo. Nüsanü thachoh, “ Küde thsah isanü nü mung mükhemürangkhea?”

MALAKI 1:6 Iomraidhean Croise

MUNGSHIKHÜN 123:2

Kheahang, yamlarünü arü putungrü khah kheahkhi nangde, yamlaberünü nihbe putungbe khah kheahkhi nangde, api amüthsüm isa kheak mülayi khiungde Atungpuh isa Thrünpuh kheak isa mükbonü kheahchoh.

ABEKHIT 20:12

“Nü buh tüsho nü be wüntreang, junangde Atungpuh nü Thrünpuhnü nü kilim jihkhi lo ching nü kutsüp ashang labah.

MÜCHITMUDU 17:6

Tsührü tsührübo ju ashinbuhrü kuthran ah, tüsho tsührübo müretahkhi ju arü abuhbo ah.

MÜCHITMUDU 30:11

Mihtsürü khürü arü buhrü athruajirü tüsho arü berü mümüngühjihrü lah.

MÜCHITMUDU 30:17

Shepünü nihbuh abuh luhmünechonü yungsho shina lachoki abe mükhemükimbanü müleangtopübo yungsho khüyakbonü api mükjibo mukiukhita tsühabahbah.

ISAIA 1:2

Aniang, O yinmibo, tüsho aniang O alomi; tümüde Atungpuhnü asukdo: Inü tsührübo mütrükhit tüsho arübo zübemusu, tüshe arünü I azhihdo.

ISAIA 43:23

Nünü taka kingaünpü thsungkheak nü yo namfimihnu I kilim hande marü, yungsho nü yo laksah-a kingaünkhinü I wüntre müjih. Inü hi kingaün kheangde nü ki hahmülang müjih, yungsho rhümthüneabe kheangde nü mükhishih.

ISAIA 45:10

Shenü buhrü ki ha thachonü are, “ Nü tümü ngükhea?” yungsho berü ki, “ Nü tümü zübekhea?”

ISAIA 64:7

Nü mung jirü she müla, yungsho nü ramlopü mürangrü müla; tümüde nünü nü miro isa kheaknü jikabah, tüsho isa neak dünkheaknü isa bahyuk.

ISAIA 64:8

Tütüshe, O Atungpuh , nü a isa Abuh; isa ju alo, tüsho nü isa phühdamrü; isa alala nü khah rhimo ah.

JEREMIA 23:11

Wukihrü tüsho amükeamrü chido Thrünpuh manikhit; I yam ching she inü arü mihbukmuyuk ngüdo, Atungpuhnü thachoh.

JEREMIA 3:4

Nünü kheakü, “Abuh, nü a I athunu müyambuh de I ki müji de,

JEREMIA 31:9

Tripde arübo arübah tüsho shukheamde inü arü belodarübah, inü arübo yungzü ke yeande atsahshihbah, limro mukhiungkhi ching arü jing mümükhe; tümüde I Israel abuh kamdo tüsho Ephraim ju I tsührü adüjibuh.

JEREMIA 35:16

Rekab tsührü Jonadab tsühsoniusobonü arü jipürünü thiyukhüm jihkhi arünü anido tüshe ha mihtsürübonü I yu mani.

EZEKIEL 22:26

Amükeamrübonü I yakzan lakmihdo tüsho I yo amüsüh kukrukbo müneanjihdo; arünü amüsühkhitkhi tüsho mümüsühkhi dükeak müpüthsü, arünü amüsüh tüsho amümüsüh dükeak müthsangyu, tüsho arünü I amunibo akinashu müla, junangde arü bolung I müneanjih.

HOSEA 12:8

Ephraimnü tha, “Ah, I alarü ah, I alarü kamdo; I lakhit alala ching arünü amülim neak müyimkhit.”

HOSEA 4:6

I mihtsürübo mükheahmudu mülakhinü dükheaka lah; tümütüsho nünü mükheahmudu bahyuk, inü nü I ki amükeamrü thsüpü chingnü bahyukchoh. Tüsho nünü nü Thrünpuh yakzan mihkhinü, inü she nü tsührübo mihbah.

HOSEA 5:1

Ha soang, O amükeamrübo! Aniang, O Israel yamkhün! Aniang, O kiulongthsüpuh yamkhün! Tümüde mahkhappü ju nü yo lah; tümüde nü ju Mizpa ching qimürip khülang lakheah, tüsho Tabor kheak jipkihkhi keang khülang lakheah,

LEVI 19:3

Nüsa mihbüm abannü berü tüsho buhrü wüntreang, tüsho I yukhüm yande amuni mungbeah. I Atungpuh nüsa Thrünpuh.

ZEPHANIA 3:4

Wukihrübo mükümkangkhi, müthülünkhi mihtsürübo lah; amükeamrübonü tümü amüsüh lanü ju müneando, arünü yakzan thsümünimdo.

MALAKI 2:1

Tüsho kheakü, O amükeamrübo, ha yukhüm nüsa thsungkheak lah.

MALAKI 2:10

Isa alala abuh khülang lah yung de? Thrünpuh khülangnü isa thrünkhi yung de? Dale tümüde isanü isa jipürü tangzüng müneande khülangnü khülang ki akin mülaachih le?

MALAKI 2:8

Tüshe nüsanü limro chingnü tsomuwuhdo; nüsanü nüsa yakzan hode ahihdo jing mükheshihdo; nüsanü Levi tangzüng thsümünimdo, Wuto Atungpuhnü thachoh,

MALAKI 3:5

Judüki mahkhappü thsungkheak I nüsa ki thüninde arübah; inü wurükhuhrü azhihde, müzammüramrü, akeangyu thiyuchihchimrü, mülomüthsürü mihkhah, khimoberü tüsho mürerü junorü, khiungkerü nimmuwuh-a bahrü tüsho I mütrerü azhihde thiyumütsan jihpü atukathribah, Wuto Atungpuhnü thachoh.

MATHI 15:4

Tümütüsho Thrünpuhnü tha, ‘Nü buh tüsho nü be wüntreang’; tüsho, ‘Shepünü abuh yungsho abe athruajibanü api sheshang.’

MATHI 15:6

abuh yungsho abe wüntrepü yihnüpü müla.’ Junangde nüsa jipü yakli dünkheaknü nüsanü Thrünpuh yu akeangkeang kamshihchoh.

MATHI 19:19

nü buh tüsho nü be wüntreang, tüsho nünü nü yamhingrü ki nihbuh nangde muzhoang.”

MATHI 6:9

Jumonü nüsanü hanangde tamkhüntamnüang: Yinmi ching labuh isa Abuh, nü mung amüsüh thsang.

MATHI 7:21

“Yinmi ching labuh I Buh lümkhi rhimorü kheak hode I ki, ‘Atungpuh, Atungpuh,’ de ajirü abannü yinmi kiulongthsü ching müyüzah.

MARK 10:19

Nünü thiyuzüngbo mükheahlah: Müzammüram düyihbeak, dülaksah, dahüh, arükchih thiyumütsan düthsü, dümülapyuk, nü buh tüsho nü be wüntreang.”

MARK 7:10

Tümüde Mosanü tha, ‘Nü buh tüsho nü be wüntreang; tüsho shepünü abuh yungsho abe athrubanü, api sheshang.’

LUKNÜ ATHRÜTKHI THIYUSHEAK-ATSÜ HUHTANYU 10:29

Tüshe apinü anihbuh mütsanmükhia lunede Jisu ki tha, “Tüsho I yamhingrü ju she a?”

LUKNÜ ATHRÜTKHI THIYUSHEAK-ATSÜ HUHTANYU 18:20

Nünü thiyuzüngbo mükheahlah: ‘Müzammüram düyihbeak, dülaksah, dahüh, arükchih thiyumütsan düthsü, nü buh tüsho nü be wüntreang.’ ”

LUKNÜ ATHRÜTKHI THIYUSHEAK-ATSÜ HUHTANYU 6:36

Nü Buhnü amüthsüm lakhi nangde amüthsüm laang.

LUKNÜ ATHRÜTKHI THIYUSHEAK-ATSÜ HUHTANYU 6:46

“Tümüde nüsanü I ki Atungpuh, Atungpuh de jichoh, tüshe inü nüsa ki thakhi mürhimocho?

EFISIA 6:2

“Nü buh tüsho nü be wüntreang,” ha alokhikhi thiyuzüng akhuhbe lah:

YUZÜNGTHALO 1:31

tüsho mihtsürünü nihbuh tsührü buhkhi ruk sunglo tüsho ha khiungde arükhi lomi ching Atungpuhnü künangde nüsa buhde arükheanü nüsanü ngüdo.

YUZÜNGTHALO 32:6

Nüsanü Atungpuh kheak hade rhimocho de, nüsa abünrü tüsho azhazha mihtsürü? Api ju nü thrünrü nü buh yung de, shepünü nü thrün tüsho trük kamshih?

YUZÜNGTHALO 5:16

“Atungpuh nü Thrünpuhnü thiyukhüm jihkhi nangde nü be tüsho nü buh wüntreang, junangde Atungpuh nü Thrünpuhnü ajihkhi lo ching nü kutsüpde alabah.

1 PETER 1:17

Jakmükheahde mihtsürü aban rhimo mahkhapbuh Abuh ki nüsanü jicho le, wüntre jihde ha ching mihsobo nangde nüsa rhangdungbo laang.