MALAKI 1:4 - AMÜSÜH HÜM CL Bible (BSI)

⁴ Edomnü, “ Isa niukmüzüta lah tüshe isanü athsümünimkhi thsülobah” de thasho, Wuto Atungpuhnü thachoh: Arünü mihbukmuyuk lomi de müjiyi khiungde, Atungpuhnü lünnü abukakhiukkhi mihtsürü inü athokheambah.

MALAKI 1:4 Iomraidhean Croise

JOB HU H T ANYU 12:14

Apinü kukruk khülang thsümünimsho shenü müthsülokhuk; apinü mihtsürü khülang ramyuksho shenü müdükhekhuk.

JOB HU H T ANYU 34:29

Trükshih yungsho bümlangzü thsungkheak thsüthsü, küyimki apinü zhikde alabanü shepünü küpkhuk jihkhukba? Api miro ramchoki shepünü api ngükhukba?–

JOB HU H T ANYU 9:4

Api lümlung süklah, tüsho sühmüh tolah. Shepünü Api azhihkhukde, tüsho akuk ngüde?

MUNGSHIKHÜN 127:1

Atungpuhnü thüyam müthsüsho, ha thsürübo ju akeangkeang ching rhimochoh; Atungpuhnü kiuto maheangsho, aheangrü ju akeangkeang ching zhipchoh.

MUNGSHIKHÜN 137:7

O Atungpuh , Edomrünü Jirusalem lungkhi nimung tümü rhimokheanü lümkhitang, arünü zhi, “ Khimtan khiungde, thokheamang, thokheamang!”

MUNGSHIKHÜN 33:10

Atungpuhnü trükshih lümkhi zhomashihchoh; apinü arü lümkhi thsükhibo rhimopü zhipdochoh.

MÜCHITMUDU 21:30

Atungpuh azhihde lümlung yungsho anikhitkhi yungsho lümthiyan tümü müla.

ISAIA 10:4

Nüsa keochih ching laksahbah yungsho aramrü nangde thobah ayübah. Ha alala thsungkheak api bukakhiukkhi rholode mutso; api khah kheakü khiungde chungkih-a lah.

ISAIA 11:14

Tüshe anenü aniyüzahlim Filistiarü düthsün kheak phinde yükibah, anenü thsürubah aniakhiuklim mihtsürü yankhia lubah. Anenü ane khah Edom tüsho Moab azhihde achungbah, tüsho Amonrünü arü ki mihyu anibah.

ISAIA 34:10

Azhing tüsho animung kethürimüride alabah; lünnü mokhüh yükihbah. Lün chingnü lün thsümünima yapbah; shenü she lünnü mütsahho.

ISAIA 34:5

Yinmi ching I nukshang müsühbah, kheahang, ju Edom kheak inü mahkhappü akhukhi mihtsürü kheak akibah.

JEREMIA 31:17

Nü arübe-kuhi thsungkheak mulonglam lah, Atungpuhnü thachoh: nü tsührübo arü lomi ching belodarübah.

JEREMIA 49:20

Jumonü Atungpuhnü Edom, Teman ching larü azhihde lümkhi thsükhi aniang: Tsükjide mihnu aninibo yanyuka bahbah; arübo dünkheaknü apinü arü rimlopung shahde thsümünimbah.

JEREMIA 49:7

Edom dünkheak Wuto Atungpuhnü ha thachoh: Teman ching kheaküa lümlung müla de? Lümlung larü kheaknü lümthiyan dükheaka la de? Arü lümlung dükheaka la de?

JEREMIA 49:8

Dedan ching larübo, alihang, rholoang, lungkhünbo ching jikang! Inü Esau tsühsoniusobo thsümüchipü lah, tümütüsho inü arü thsümüchipü kim arüdo.

JEREMIA 5:17

Arünü nüsa yimlukhi tüsho tsühyungbe tsühabahbah; arünü nüsa tsührübo le tsührübebo tsühabahbah; arünü nüsa mihnu boto tüsho moshibo tsühabahbah; arünü nüsa kurungasobo le khubaso tsühabahbah; arü nukshangnü nüsanü mulonglamde chipi ayünkhi kiutobo thsümünimbah.

TÜZHOKHI 3:37

Atungpuhnü mümulongsho shepünü thiyukhüm jihpü tüsho ju rhimokhukpü?

EZEKIEL 11:10

Nukshangnü nü keambah, tüsho Israel aredung kheak inü nü kheak mahkhapbah. Judüki I Atungpuh de nünü mükheahbah.

EZEKIEL 25:13

jumonü Atungpuh Thrünpuhnü ha thachoh, Inü Edom azhihde I khah chungkihbah, tüsho mihtsürü le shiwüh kheaknü lipkhia bahbah, tüsho inü ha thsümünimbah; Teman kiuto chingnü Dedan kiuto khiungde arübo nukshangnü akeambah.

EZEKIEL 25:14

I mihtsürü Israel khah hode inü Edom kheak royimkhi labah; tüsho I bukakhiukkhi tüsho I mulong zhipzhip yande arünü Edom ching rhimobah; tüsho arünü I royimkhi ngübah, Atungpuh Thrünpuhnü thachoh.

EZEKIEL 26:14

Inü nü lung müthsün kamshihbah; nü ju keang chutreakpü dangpung thsübah. Nü küyimkishe müthsülo, tümüde I Atungpuhnü asukdo, Atungpuh Thrünpuhnü thachoh.

EZEKIEL 35:4

Inü I kiutobo athsümünim ching lashihlah; nü azhihkhi khülang kambah tüsho I Atungpuh de nünü mükheahbah.

EZEKIEL 35:9

Inü nü kiutobo lünnü azhikkhi kamshihbah, tüsho nü yo kiutobo ching küyimkishe mülaloshih. Judüki I Atungpuh de nünü mükheahbah.

AMOS 1:11

Atungpuhnü ha thachoh: Edomnü alochode neak yihbeakkhi dünkheak, inü thsümüchi mululo; tümütüsho apinü nukshang shuhbah nihbuh keoniorü müsham tüsho mihmuzho muhuh; apinü mutukzhakde bukakhiuk tüsho lünnü mulong zhipzhipdo.

AMOS 3:15

Inü tsüngkam yam tüsho muzhu yam lukkheambah; tüsho thsotorünü züt thsükhi yambo dükheakbah, tüsho thüyam atotobo akheam thsübah, Atungpuhnü thachoh.

AMOS 5:11

Jumonü nüsanü zhochihrü kheak thrüm tüsho arü kheaknü hi jangkhia lu, nüsanü lung phukkhinü thüyambo thsü, tüshe nüsa jurü ching müla; nüsanü kurungaso atsü yangdo tüshe nüsanü jurü yukhu muyung.

AMOS 6:11

Kheahang, Atungpuhnü thiyuchihchim jihchoh, tüsho thüyam ato ju ajipbo kambah tüsho thüyam anini ju adütre kambah.

AMOS 6:2

Kalne hode yüang, tüsho kheahang; ju chingnü Hamath ato ching yüang; jushu Filistia ching Gath lim yükiang. Nüsa kiulongthsü mahne kheaknü arü atsübea de? Yungsho arü lomi nüsa kheaknü atobea de?

OBADIA 1:1

Obadia michih. Atungpuh Thrünpuhnü Edom dünkheak ha thachoh: Isanü Atungpuh kilimnü thiyusheak khülang sodo, tüsho yunithsürü khülang trükshih bolung thiyido: “Asürang! Isanü Edom bede keochihpü yüanü!”

OBADIA 1:10

Nü niurü Jakob laksahkhi tüsho thiyih bukkhi dünkheak achihnü nü zhidobah, tüsho nü lünnü lipkhia bahbah.

MALAKI 1:3

tüshe inü Esau thranean; inü api müzüngbo lomi ju azhik tüsho api yamrüplurüp ju shirungbo thsungkheak loshelo kamshih.

MATHI 12:30

Shepü I lung mülanü I azhihde lah, tüsho shepü I lung mübenü hiumüzütshihchoh.