MALAKI 1:3 - AMÜSÜH HÜM CL Bible (BSI)

³ tüshe inü Esau thranean; inü api müzüngbo lomi ju azhik tüsho api yamrüplurüp ju shirungbo thsungkheak loshelo kamshih.

MALAKI 1:3 Iomraidhean Croise

THRÜNTAN 25:23

Atungpuhnü alibe ki tha, “Nü nuyam ching trükshih mahne lah, tüsho nünü azübekhi mihtsürü mahne müzütbah; khülang ju püpü kheaknü amürangbe labah, azopünü akheambuh tankihbah.”

ISAIA 35:7

takde alakhi loyi ju muliuke kambah tüsho kethürikhi lo ju kenü kambah; Shirung lapung ching rimkiu, kiupungbo tüsho khiukbo mukhuhbah.

JEREMIA 49:10

Tüshe inü Esau khukkhitdo, inü api jikpung lahkhitdo, tüsho apinü müjikkhuk. Api tsührübo, api keoniorübo tüsho api yamhingrübo dükheakdo; tüsho api kheaküa müla.

JEREMIA 49:20

Jumonü Atungpuhnü Edom, Teman ching larü azhihde lümkhi thsükhi aniang: Tsükjide mihnu aninibo yanyuka bahbah; arübo dünkheaknü apinü arü rimlopung shahde thsümünimbah.

JEREMIA 49:33

Hazor ju shirung lapung akheam mülakhi abahkhi kambah; ju ching sheshe müla.

JEREMIA 49:7

Edom dünkheak Wuto Atungpuhnü ha thachoh: Teman ching kheaküa lümlung müla de? Lümlung larü kheaknü lümthiyan dükheaka la de? Arü lümlung dükheaka la de?

JEREMIA 49:8

Dedan ching larübo, alihang, rholoang, lungkhünbo ching jikang! Inü Esau tsühsoniusobo thsümüchipü lah, tümütüsho inü arü thsümüchipü kim arüdo.

JEREMIA 51:37

tüsho Babilon ju athsümünim mujung, shirungbo yam, mihtrebe kukruk tüsho ish thsübe, mihtsürü mülade akambah.

JEREMIA 9:11

Inü Jirusalem athsümünimkhi mujung, shirung lapungbo kamshihbah; tüsho inü Juda kiutobo she mülade zhikrangkhündo akamshihbah.

TÜZHOKHI 4:22

O Zion tsührübe, nü thsümüchi arün thsübah; apinü nü ramtso muruhshih. Tüshe, O Edom tsührübe, apinü nü thsümüchibah tüsho nü neak lahkhitbah.

EZEKIEL 36:7

jumonü Atungpuh Thrünpuhnü ha thachoh: Nüsa mükamde alakhi trükshihbo alala arü zangrünü thsünübah de inü nüsa ki I khah shuhkihde thiyuchihchimchoh.

EZEKIEL 36:9

Kheakü kheahang, I a nüsa thsungkheaknü lah; I nüsa kilim rholobah, tüsho nüsa wochakbah tüsho mükheanbah;

JOEL 3:19

Juda mihtsürü ki arü lomi ching arünü amülim-mülarü thiyih bukde amütsü rhimokhi hode Ijip ju azhikkhi kambah tüsho Edom a abahkhi sunglo kambah.

OBADIA 1:10

Nü niurü Jakob laksahkhi tüsho thiyih bukkhi dünkheak achihnü nü zhidobah, tüsho nü lünnü lipkhia bahbah.

LUKNÜ ATHRÜTKHI THIYUSHEAK-ATSÜ HUHTANYU 14:26

“Khürünü I dunglim arübah abuh, abe, aniube, atsührübo, khiungmungrü le chiniurü, tüsho nihbuh rhangdung she müthraneansho, api I jingyanrü thsüpü müthülün.