MALAKI 1:14 - AMÜSÜH HÜM CL Bible (BSI)

¹⁴ Shepü namfimihnu bolung pung la tüsho ju jihpü thiyuchihchimbah Atungpuh kilim lapha kihkhi laksah-a kingaünchonü, rük mütsükhi ju muthrumünean thsang; tümüde I ato kiulongthsürü ah, Wuto Atungpuhnü thachoh, tüsho trükshih bolung I mung wüntre jihchoh.

MALAKI 1:14 Iomraidhean Croise

THRÜNTAN 27:12

Khükia I buhnü I qiubah, tüsho I ju api mülapyukrü nangde alabah; tüsho inü müngühmühi yungde muthrumünean I kheak hande arübah.”

2 SAMUEL 24:24

Tüshe kiulongthsüpuhnü Arauna ki tha, “Yung, tüshe inü jurü adün jihbah nü kheaknü athulobah; adün tümü müjihde inü Atungpuh I Thrünpuh ki taka mükingaün.” Jumonü Davidnü hinitpung tüsho moshipung ju shotoyinchi 50nü thulo.

MUNGSHIKHÜN 102:16

Tümüde Atungpuhnü Zion thsülobah; anihbuh müretahkhi ching api akhiukbah.

MUNGSHIKHÜN 47:2

Tümüde Khide Achang Atungpuh ju atrebe lah; api ju alomi alala kurungkheak ato kiulongthsüpuh ah.

MUNGSHIKHÜN 47:3

Apinü mihtsürübo isa bukkhüp, tüsho trükshihbo isa jing khüp yüzahshihbah.

MUNGSHIKHÜN 47:8

Thrünpuhnü trükshihbo kurungkheak kiulongthsüchoh; Thrünpuhnü api amüsüh kiulongthsü-binkiu kheak binchoh.

MUNGSHIKHÜN 48:2

Thrünpuh wung Zion ju achang tüsho akheahakhamlah; ato kiulongthsüpuh kiutonü alomi alala ching asühpü hande arüchoh.

MUNGSHIKHÜN 68:35

O Thrünpuh, nü a nü amüsüh dangpungbo kheaknü alü atrebe ah. Israel Thrünpuh ju api mihtsürü kilim sühmüh tüsho wu jihbuh ah. Thrünpuh shiang!

MUNGSHIKHÜN 76:12

Apinü yakzanshuhrübo me thsümünimchoh; alomi kiulongthsürübonü api trechoh.

MUNGSHIKHÜN 95:3

Tümüde Atungpuh ju ato Thrünpuh, tüsho thrünpuhbo alala kurungkheak ato kiulongthsürü ah.

ISAIA 57:15

Tümüde Khide Achangbuhnü ha thachoh, shepü akheam mülade la, shepü mung Amüsüh la: mulong müthrirü tüsho me ching azhihayihrü lung, me ching azhihayihrü müthriloshihpü, tüsho mulong müthrirü müthriloshihpü I achang tüsho amüsüh dangpung ching lah.

JEREMIA 10:10

Tüshe Atungpuh ju thiyuro Thrünpuh; api arhang Thrünpuh akheam mülakhi kiulongthsüpuh. Api bukakhiukkhinü alomi ajanchoh, tüsho trükshihbonü api bukakhiukkhi marümkhuk.

JEREMIA 46:18

Atsütsü I lah, kiulongthsüpuhnü thachoh, shepü mung Wuto Atungpuh la, awungbo lung Tabor nangde tüsho keto yean Karmel nangde khülang arüchoh.

JEREMIA 48:10

Shepünü Atungpuh rhimo ching sühdukchonü muthrumünean; tüsho shepünü thiyih bukpü chingnü nukshang tuklochonü muthrumünean.

JEREMIA 48:15

Moab tüsho api kiutobo thsümünimrü atudo, tüsho api yo amokhitkhi athrününgtsüngbo alaksahpü ching yüdo, kiulongthsüpuhnü thachoh, shepü mung Wuto Atungpuh la.

DANIEL 4:37

Kheakü I, Nebukednezarnü yinmi kiulongthsüpuh shijih, wüntre jih tüsho müretahshih; tümüde api rhimobo alala alim tüsho api limrobo thiyuro; tüsho kükheangde atsahrü apinü thokheamkhuklah.

DANIEL 9:4

Inü Atungpuh I Thrünpuh ki tamkhüntamnü tüsho neak alokhide tha, “ O, Atungpuh , ato tüsho atrebe Thrünpuh, shepünü nü muzhorü kheak tangzüng tüsho mihmüthsüm zocho tüsho nü yukhüm zocho,

ZEPHANIA 2:11

Atungpuh mihtrebe thsüde arü azhihbah; apinü lomi thrünpuhbo alala thsümünimbah, tüsho keyeanlobo tüsho kekung-lo trükshihbo alalanü nihbuh dangpung chingnü api ki kingaünbah.

ZEKARIA 14:9

Tüsho Atungpuh ju lomi alala kurungkheak kiulongthsüpuh kambah; ju nimung Atungpuh khülang tüsho api mung khülang labah.

MALAKI 1:11

Tümüde ani akhiuknü ayüzah khiungde trükshih bolung I mung ato lah, tüsho dangpung aban ching I mung chingnü rhümthüneabe tüsho atsangkhit kingaün jihchoh; tümüde I mung ju trükshih bolung ato lah, Wuto Atungpuhnü thachoh.

MALAKI 1:8

Küyimki nüsanü amüktukkhi shiwüh laksah-a kingaünkhi ching jihbanü, ju amülim yung de? Tüsho küyimki nüsanü akikkhi yungsho tukthsükhi jihbanü, ju amülim yung de? Ju nü yo kovünor ki thsambah jih-a kheahang; apinü nü ki asühba de yungsho nü leangkhiba de? Wuto Atungpuhnü thachoh.

MALAKI 2:1

Tüsho kheakü, O amükeamrübo, ha yukhüm nüsa thsungkheak lah.

MALAKI 3:9

Nüsa muthrumüneannü muthrumüneana lah, tümüde nüsa trükshih athrünkhinü I rükakichoh!

MATHI 24:51

api adütre kamde akhapnakbah tüsho yiuhkhaprü lung chamyukjihbah. Ju ching atripkhi tüsho hü mütrütkhi labah.

MATHI 5:35

yungsho alomi dütam, tümüde ju api jing dubopung; yungsho Jirusalem dütam, tümüde ju ato kiulongthsürü kiuto ah.

MARK 14:8

Alibenü tümü kuklanü anihbenü rhimodo. Alibenü I mi bahpü thsungkheak müdangkenü I pang mujupü amüngühnü arüdo.

LUKNÜ ATHRÜTKHI THIYUSHEAK-ATSÜ HUHTANYU 12:46

ju yamlarü putungrü apinü kheahde mülachoki tüsho mümükheahkhi kim ching arübah, tüsho mahne thsüde khapbah amükinrü lung shihcham thsüjihbah.

2 KORINT 8:12

Tümüde thsakhama lasho, amülakhi yande yungde, mihtsürü ju tümü lanü ju yande aleangkhikhukbe lah.

YUZÜNGTHALO 28:58

“Nüsanü Atungpuh nüsa Thrünpuh müretahkhi tüsho api atrebe mung wüntrepü thsüde, ha hüm ching thrüta lakhi yakzan alala kümkangde müyansho,

1 TIMOTHI 6:15

tüsho ha kim dükdü ching, müngühmühi tüsho wuto ju lang, kiulongthsürübo kheaknü Kiulongthsürü tüsho atungrübo kheaknü Atungrü,

IBRI 12:29

tümüde isa Thrünpuh a aniuabahbe mo ah.

AMIKHEAKAKHIUKKHI 15:4

O Atungpuh, shepünü nü mütrepü tüsho nü mung müremütahpü? Tümüde nü lang amüsüh ah. Trükshih alalanü arübah tüsho nü kingaünbah, tümüde nü mahkhapkhibo amikheak akhiukdo.”

AMIKHEAKAKHIUKKHI 21:8

Tüshe mulong müzahrü, akin-mülarü amüneankhi, mihlaksahrü, müzammüramrü, wurük-huhrü, sangthsü kingaünrü tüsho akeangyu tharü thsungkheak a arü shihcham ju mahnekipü shekhi, mo tüsho yinchike bede atrukhi modüjim labah.”