MALAKI 1:10 - AMÜSÜH HÜM CL Bible (BSI)

¹⁰ O, nüsa khürünü arüngyam ripitbo rihkhülaa, junangde nüsanü akeangkeang ching I kingaün sadam kheak mo mütakkih! Inü nüsa kheak asühkhi müla, Wuto Atungpuhnü thachoh, tüsho inü nüsa khah chingnü kingaün müleangkhi.

MALAKI 1:10 Iomraidhean Croise

2 KIULONG THSÜRÜ 12:6

Tüshe kiulongthsüpuh Joash kam mukukheak mahsam thsüde amükeamrübonü thüyam masuhlo.

MÜCHITMUDU 15:8

Mihbukmuyuknü laksah-a kingaünkhi ju Atungpuh kilim athraneanbe lah, tüshe alungkirü tamkhüntamnü ju api asühpü lah.

JEREMIA 14:10

Ha mihtsürü dünkheaknü Atungpuhnü ha thachoh: Tsükjide arünü rümde atsahpü muzhodo, arünü arü jing mutuklo; jumonü Atungpuhnü arü müleangkhi, kheakü apinü arü mülimkhibo lümkhitbah tüsho arü neakbo dünkheak thsümüchibah.

JEREMIA 14:12

Arünü khümkeak thsüthsü she, arünü azhikhi inü muso, tüsho arünü taka kingaünkhi tüsho hi kingaün jihjih she, inü arü müleangkhi; tüshe nukshangnü, khümzungnü, tüsho arüm-tukthsünü arü sheshihbah.

JEREMIA 6:13

Tümüde anikhühnü atobe khiungde, thiyuro mülakhi alü thsüpü bukmükhütlah; tüsho wukihrünü amükeamrü khiungde, alalanü mülimde rhimochoh.

JEREMIA 6:20

Sheba chingnü jinjinlak arükhi yungsho limshu lomi ching niungyidung I ki tümü yihnüpü la? Nüsanü taka kingaünkhibo müleangkhi, yungsho nüsanü shuhmülanga jihkhibonü I asühbe yung.

JEREMIA 8:10

Jumonü inü arü niuberübo püpürü kilim jihbah tüsho arü lubo akukrü kilim jihbah, tümütüsho aninikhühnü atobe khiungde mihbüm abannü thiyuro mülakhi alü thsüpü bukmükhütlah; wukihrünü amükeamrü khiungde thiyuro mihbüm abannü mülimde rhimochoh.

HOSEA 5:6

Arü mihnu tüsho moshi boto lung arünü arü Thrünpuh yimde ayübah, tüshe arünü api müyimkhit; arü kheaknü api tsoabahdo.

MIKA 3:11

Yakzanshuhrübonü buknim dün mahkhapchoh, amükeamrübonü adün mo thsangyuchoh, wukihrübonü sho mo müchitchoh; tütüshe arünü Atungpuh kheak angükihchoh tüsho thachoh, “Tsükjide Atungpuh isa lung lah! Isa kheak athsümünim marü.”

MALAKI 1:13

Nüsanü thachoh, “Ha küdükhüh she akhikhi la,” tüsho nüsanü I ki nupung kokihchoh, Wuto Atungpuhnü thachoh. Nüsanü ahühkhi yungsho akikkhi yungsho tukthsükhi shiwüh kingaün hande arüchoh! Inü ju nüsa khah chingnü leangkhiba shi? Atungpuhnü thachoh.

MALAKI 2:12

Khürünü ha Jakob khimyambo ching rhimosho, yungsho Wuto Atungpuh kilim kingaün hande arürü she Atungpuhnü dükheakshang.

MALAKI 2:13

Tüsho nüsanü ha she rhimochoh: Nüsanü tripde tüsho ashede chikebonü Atungpuh kingaün sadam lüpdochoh, tümütüsho apinü kheaküa nüsa khah kheaknü kingaün mükheahne yungsho nüsa khah kheaknü lunede müleangkhi.

JOHAN 10:12

Shepü namfimihnu neakrü yungde amulokhi la, shepü namfimihnu putungrü yungnü, rimre arükhi ngübah namfimihnubo bahjihbah alihde tsochoh; rimrenü namfimihnubo tholochoh tüsho yanmüzütchoh.

1 KORINT 9:13

Arüngyam ching rhimorübo arüngyam chingnü arü tsühyungbe ngüchoh tüsho kingaün sadam kheak tankihrü shuhmülanga kingaünkhi chingnü shihcham ngüchoh de nüsanü mümükheah de?

FILIPI 2:21

Arü alalanü Jisu Khrista thsungkheak yungde arü nihbuh künkhi yimchoh.

IBRI 10:38

tüshe I yo thiyuro-lungkirü akin hode alabah, tüsho apinü tuklode tsosho I menü api kheak masüh.”

1 PETER 5:2

Nüsanü akümpü lakhi Thrünpuh namfimihnu boto neakang, mükünde yung tüshe künsahde, thiyuro mülakhi alü thsüpü yung tüshe mulongsahde,