MAHKHAPRÜ 9:54 - AMÜSÜH HÜM CL Bible (BSI)

⁵⁴ Judüki apinü nahde api thsühnuk hanrü athrününgtsüng mihtsürü ki tha, “Nü nukshang dukkhitang tüsho I laksahang, jude yungsho mihtsürübonü athabah, ‘ Azoberü khülangnü api laksah-a lah.’” Jumonü api yo athrününgtsüngbuhnü api chinkhitde düchip tüsho sheabah.

MAHKHAPRÜ 9:54 Iomraidhean Croise

2 SAMUEL 1:10

Jumonü inü api kheak zhip tüsho api laksah, tümüde api lungabahshu rhangdung mülakhuk de inü mükheah. Inü aku kheak kihkhi kuthran tüsho abin kheak yo bingkhüm lubah ha ching I tungpuh ki lubah arükheah.”

2 SAMUEL 1:7

Küyimki apinü I rholoa kheahkhea, apinü I ngü, tüsho I ji. Inü alo, ‘I ha ching lah.’

2 SAMUEL 1:9

Apinü I ki tha, ‘ Arang, I kheak zhipang tüsho I laksahang; tümüde I yuria lah, tüshe I müsheyi.’

2 SAMUEL 23:37

Amonrü Zelek; Beerothrü Naharai (Zeruia tsührü Joab thsühnuk hanbuh);

1 KIUTHSÜYUKHEAN 10:4

Judüki Saulnü thsühnuk hanbuh ki tha, “Nü nukshang thokhitang, tüsho junü I düchipang, junangde harü tsütamübahrünü arübah I kheak mükhemükim müthsüshih.” Tüshe api thsühnuk hanbuhnü mümulong, tümüde api treabah. Jumonü Saulnü nihbuh nukshang lu tüsho ju kheak keam.

1 KIUTHSÜYUKHEAN 10:5

Küyimki api thsühnuk hanbuhnü Saul shekhi ngükhea, api she sheabah.

1 KIUTHSÜYUKHEAN 11:39

Amonrü Zelek, Zeruia tsührü Joab thsühnuk hanbuh Beerothrü Naharai,

MAHKHAPRÜ 4:9

Jumonü anihbenü tha, “ Tsükjide I nü lung yübah; tüshe nü yüpü lakhi ching nü müretah müla, tümüde Atungpuhnü Sisera ju alibe kilim jihbah. Jumonü Deboranü Barak lung Kadesh ching yü.”

MAHKHAPRÜ 9:55

Tüsho küyimki Israel mihtsürübonü Abimelek shea ngükhea, mihtsürü abannü müzütde nihbuh lapung ching yü.

1 SAMUEL 14:12

Thiriribonü Jonathan tüsho api thsühnuk hanbuh ane ki tha, “Isa kilim atung, tüsho isanü nüke ki tümükhüh huhbah.” Jonathannü thsühnuk hanbuh ki tha, “I dunglim arang; tümüde Atungpuhnü arübo Israel khah ching jihdo.”

1 SAMUEL 14:13

Judüki Jonathannü api thsühnuk hanbuh adunglim tsahshihbah akhah le ajingnü künde yükih. Filistiarü ju Jonathan müngüh ayokhi, tüsho thsühnuk hanbuh api dunglim arübuhnü arübo laksah.

1 SAMUEL 14:14

Akhuhbe laksahkhi ching Jonathan le thsühnuk hanbuh anenü thulu khinkhüh bankhi dükeak chingnü mihtsürü 20 bande laksah.

1 SAMUEL 14:17

Judüki Saulnü api lung lakhi bonungrübo ki tha, “ Mung jiang tüsho isa bolungnü shepü tsoa lanü kheahang.” Küyimki arünü mung jikhea, Jonathan le api thsühnuk hanbuh ane mülade alakheah.

1 SAMUEL 14:7

Api thsühnuk hanbuhnü tha, “Nü mulong ching lakhi alala rhimoang. Jumonü yüang; nünü amulongkhi nangde, I ha ching nü lung lah.”

1 SAMUEL 16:21

Tüsho Davidnü Saul kilim arübah api tankihpü ching yüzah. Saulnü api khide muzho, tüsho api ju anihbuh thsühnuk hanrü kam.

1 SAMUEL 31:6

Jumonü Saul tüsho atsührü mahsam le api thsühnuk hanbuh tüsho amihtsürübo alala nimung rukhüh ching sheabah.