MAHKHAPRÜ 9:53 - AMÜSÜH HÜM CL Bible (BSI)

⁵³ Tüshe azoberü khürünü thsam khülang Abimelek ku kheak lah-a akishih tüsho akuro kingrüp.

MAHKHAPRÜ 9:53 Iomraidhean Croise

2 SAMUEL 11:21

Jerubbaal tsührü Abimelek shepünü alaksahkhea? Aliberü khülangnü achanglim hizübe-lung shuh-a chipi chingnü api kheak kingbah anihbuh Thebez ching shekhi yung de? Tümüde nüsa khide chipi phünide ayükhea?’ judüki nünü athabah, ‘Nü yamlarü Uria, Hitbuh thsü she shedo.’ ”

2 SAMUEL 20:21

Junangde yung! Tüshe Ephraim awung lomi mihtsürü Bikri tsührü Shebanü kiulongthsüpuh David azhihde akhah shuhkihdo; ha mihtsürü khülang jihabahang, tüsho I kiuto chingnü atsobah.” Alibenü Joab ki tha, “Api ku nü kilim chipi kumung jipa bahbah.”

JOB HU H T ANYU 31:3

Mihbukmuyuk thsungkheak athsümünim, amülim rhimorü thsungkheak thsümütsü yung de?

JEREMIA 49:20

Jumonü Atungpuhnü Edom, Teman ching larü azhihde lümkhi thsükhi aniang: Tsükjide mihnu aninibo yanyuka bahbah; arübo dünkheaknü apinü arü rimlopung shahde thsümünimbah.

JEREMIA 50:45

Jumonü Atungpuhnü Babilon tüsho Kaldearü lomi azhihde apinü lümkhi thsükhi aniang: Tsükjide mihnu nunubo yanyuka bahbah; apinü arü dünkheaknü arü rimlopung shahde thsümünimbah.

MAHKHAPRÜ 4:9

Jumonü anihbenü tha, “ Tsükjide I nü lung yübah; tüshe nü yüpü lakhi ching nü müretah müla, tümüde Atungpuhnü Sisera ju alibe kilim jihbah. Jumonü Deboranü Barak lung Kadesh ching yü.”

MAHKHAPRÜ 9:15

Tüsho ayangrungnü sangdungbo ki tha, ‘Nüsanü atsütsünü I nüsa kurungkheak kiulongthsürü thsüshihbasho, arübah I khüp alamang; jude yungsho, I yang khahbo chingnü mo akhiukbah tüsho Lebanon cedarbo aniubah.’

MAHKHAPRÜ 9:20

tüshe jude yungsho, Abimelek kheaknü mo akhiukshang tüsho Shekem le Bethmillo mihtsürübo aniuabahshang; tüsho Shekem le Beth-millo mihtsürü kheaknü mo akhiukshang tüsho Abimelek aniuabahshang.”

MAHKHAPRÜ 9:52

Jumonü Abimeleknü aheangsadam khiungde yübah keochih; tüsho apinü monü atakpü aheangsadam ripit ki yü.