MAHKHAPRÜ 9:49 - AMÜSÜH HÜM CL Bible (BSI)

⁴⁹ Jumonü mihtsürü abannü sangkhah ngamkhia lu tüsho Abimelek yande yübah chipi kheak rhungkih, tüsho arü kumung mo thsahkih junangde Shekem aheangsadam mihtsürü athrürü tüsho aliberü 1000 bande sheabah.

MAHKHAPRÜ 9:49 Iomraidhean Croise

GALATIA 5:15

Tüshe nüsanü nguhachihde tüsho tsühachihsho, khülangnü khülang mütsühkhamachihpü thsüde kümkangang.

JAKOB 3:16

Tümüde küching mükthsü tüsho mükhütmüra lanü, ju ching neamneamruru tüsho amütsü rhimo labah.

MAHKHAPRÜ 9:15

Tüsho ayangrungnü sangdungbo ki tha, ‘Nüsanü atsütsünü I nüsa kurungkheak kiulongthsürü thsüshihbasho, arübah I khüp alamang; jude yungsho, I yang khahbo chingnü mo akhiukbah tüsho Lebanon cedarbo aniubah.’

MAHKHAPRÜ 9:20

tüshe jude yungsho, Abimelek kheaknü mo akhiukshang tüsho Shekem le Bethmillo mihtsürübo aniuabahshang; tüsho Shekem le Beth-millo mihtsürü kheaknü mo akhiukshang tüsho Abimelek aniuabahshang.”

MAHKHAPRÜ 9:48

Judüki Abimelek tüsho api lung mihtsürübo alala Zalmon Müzüng lim wutu. Tüsho Abimeleknü awü khülang akhah ching thrüa lubah sangdungbo chingnü akhah khülang ngamkhi, tüsho ju lua adubuh kheak yihkih; judüki apinü api lung larü ki tha, “Inü tümü thsüde nüsanü ngüdünü, niokheamang tüsho I ruk rhimoang.”

MAHKHAPRÜ 9:50

Judüki Abimeleknü Thebez lim yü tüsho ju zündobah yankhia lu.