MAHKHAPRÜ 9:24 - AMÜSÜH HÜM CL Bible (BSI)

²⁴ hanangde Abimelek tüsho api tuthsuka Gideon tsührü 70 laksahshihkhi Shekem mihtsürübo kheak royimpü lakheah.

MAHKHAPRÜ 9:24 Iomraidhean Croise

1 KIULONG THSÜRÜ 2:32

Apinü thiyih bukshihkhi Atungpuhnü anihbuh ku kheak hanlodarübah, tümütüsho I buh Davidnü mümükheahde, apinü anihbuh kheaknü atsübe thiyuro mihtsürü mahne, Ner tsührü Abner, Israel bonungrü limthobuh, tüsho Jether tsührü Amasa, Juda bonungrü limthobuh yande nukshangnü laksah.

1 KIULONG THSÜRÜ 2:33

Jumonü arü thiyih ju Joab ku kheak tüsho api tsühsoniusobo ku kheak lünnü arülobah; tüshe David, api tsühsoniusobo, api yamkhün, tüsho api kiulongthsü-binkiu kilim a Atungpuh kilimnü lünnü mungtsü labah.”

ESTER 9:25

Tüshe Esternü kiulongthsüpuh miki yü, tüsho Hamannü lümkhi akhüh Jihudarü sheshihpü thsükhi ju anihbuh sheloshihpü kiulongthsüpuhnü thiyukhüm thrüta ahiuh–api tüsho atsührübo süksahdung kheak zhinde sheshih.

MUNGSHIKHÜN 7:16

Api rhimo-amütsü anihbuh kheak arülochoh, tüsho apinü athsümünimkhi aku kheak akihchoh.

MUNGSHIKHÜN 7:17

Api thiyuro-lungki yande inü Atungpuh kilim makshe jihbah, tüsho Khide Achang Atungpuh shijihde inü khün thsübah.

WÜHKHE 35:33

Jumonü nüsanü nüsa lapung lomi dümünean; tümüde thiyihnü alo müneanchoh, tüsho ju lo ching bukkhi thiyih ju mümüsühkhitkhuk, tüshe mihtsürü laksahbah thiyihnü lang müsühkhitkhukbah.

YUZÜNGTHALO 27:25

“‘Shepünü amülim-mülarü laksahpü buknim lubanü api muthrumünean thsang.’ Tüsho mihtsürü alalanü athabah, “Amen!”

MAHKHAPRÜ 1:7

Tüsho Adonibezeknü tha, “ Kiulongthsürü 70 arü khahkutopü le jingkutopübo khapshakbah I dükhüm bukkhüp adütrebo moa lude lado; kheakü inü tümü rhimokheanü Thrünpuhnü I kilim jihlochoh.” Arünü api Jirusalem ching bebah arü, tüsho api ju ching sheabah.

MAHKHAPRÜ 9:25

Tüsho Shekem mihtsürübonü api azhihde awung mujuk kheak mihtsürübo jimde binshihbah limro ching hantsahrü alala kheak jangkhijangra; tüsho ju Abimelek ki tha.

1 SAMUEL 15:33

Tüshe Samuelnü tha, “Nü nukshangnü aliberübo aniungyüh kamshihdo, jumonü aliberü bolung nü be a aniungyüh labah.” Tüsho Samuelnü Agag ju Gilgal ching Atungpuh miki adütre kamde khapthünak.