MAHKHAPRÜ 9:15 - AMÜSÜH HÜM CL Bible (BSI)

¹⁵ Tüsho ayangrungnü sangdungbo ki tha, ‘Nüsanü atsütsünü I nüsa kurungkheak kiulongthsürü thsüshihbasho, arübah I khüp alamang; jude yungsho, I yang khahbo chingnü mo akhiukbah tüsho Lebanon cedarbo aniubah.’

MAHKHAPRÜ 9:15 Iomraidhean Croise

2 KIULONG THSÜRÜ 14:9

Israel kiulongthsüpuh Jehoashnü Juda kiulongthsüpuh Amazia kilim thiyusheak yüshih, “Lebanon ching lakhi ayangrungnü Lebanon ching lakhi cedar kilim thiyusheak yüshih, ‘I tsührü niube thsüpü nü tsührü alibe ju jihang’; tüshe Lebanon ching lakhi mütüm shiwühnü tsahho tüsho ayangrung ju jungnak.

MUNGSHIKHÜN 104:16

Atungpuh sangdungbo apinü akhimkhi Lebanon cedarbo tsüde ke duh-a lah.

MUNGSHIKHÜN 29:5

Atungpuh düsheaknü cedar yihshakchoh; Atungpuhnü Lebanon cedarbo yihthünakchoh.

ISAIA 1:31

Sühmüh larü ju mojim nangde akambah tüsho arü rhimo modübin nangde alabah; arü le arü rhimo rukhühnü shenü müyihmütde atakbah.

ISAIA 2:13

Lebanon cedarbo alala, changdealümrü tüsho shuhkih-a lakhi azhihde; tüsho Bashan thülamsang alala azhihde;

ISAIA 30:2

shepünü I ki mükeokhide Pharaonü akümkhi ching tsoyukpü, tüsho Ijip alamme ching kurampung yimde ayükipü tsahmusukhea;

ISAIA 37:24

Nü yamlarübo hode nünü I Atungpuh keangrüdo, tüsho nünü tha, ‘ I yo khora-lolungbe ahihdo bebah inü awung achangbo kheak, Lebanon wung achangbe khiungde yükihdo; inü cedar ashangbe, amokhitkhi saipress sangbo kiushakdo; inü achangdakkhi, murungto ching arü.

TÜZHOKHI 4:20

Atungpuhnü mujude-mokhitkhi, isa rhangdung sheak arü alokhünbo ching hande yü– shepü dünkheak isanü tha, “Api alamme khüpnü trükshih bolung isa labah.”

EZEKIEL 19:14

Akhah dungto khülang chingnü mo akhiuk tüsho aso aniuabah. Jumonü akhah adüküng yakzanshuhrü tso thsüpü khiukde ju kheak maning. Ha tüzhokhi khülang tüsho tüzhopü kamabah.

EZEKIEL 31:3

Asiria lümakheahang, Lebanon cedar khülang, akhahbo atsü tüsho alamdokhi murung, tüsho tode amo khiungde achangkhi.

DANIEL 4:12

Ayübo ju tsüde alakheah tüsho aso suhdahde alakheah, tüsho ju ching alala thsungkheak tsühyungbe lakheah. Mütüm shiwühbonü ju khüp alam, tüsho thüning wuhnubonü akhahbo ching la tüsho rhangdung lakhi lüpdükhinü ju sangaso tsüh.

HOSEA 14:7

Kheaküshe I alamme khüp arü labah, arübo hi nangde achinbah; kurungaso nangde arü apungbah, arü rhümthüneakhi ju Lebanon yukhu nangde alabah.

WÜHKHE 21:28

Tümüde Heshbon chingnü mo, motru khülang Sihon kiuto chingnü akhiuk; junü Moab ching lakhi Ar thsümünim tüsho Arnon mujukbo muliuabah.

MATHI 13:32

küpü müjih alala bolung aninibe la; küyimki tode asürübanü sangrungbo kheaknü ju atobe tüsho sangdung khülang kamchoh, junangde thüning wuhnubonü arübah akhahbo kheak arü sapbo shuchoh.”

MAHKHAPRÜ 9:14

Judüki sangdungbo alalanü ayangrung ki tha, ‘Nü arang, tüsho isa kurungkheak kiulongthsüang.’

MAHKHAPRÜ 9:16

“Kheakü jumonü, nüsanü thiyuronü tüsho kurhangde Abimelek kiulongthsürü kamshihdüsho, tüsho api thülünkhinü Jerubbaal tüsho ayamkhün kheak tsüde rhimodüsho–

MAHKHAPRÜ 9:20

tüshe jude yungsho, Abimelek kheaknü mo akhiukshang tüsho Shekem le Bethmillo mihtsürübo aniuabahshang; tüsho Shekem le Beth-millo mihtsürü kheaknü mo akhiukshang tüsho Abimelek aniuabahshang.”

MAHKHAPRÜ 9:44

Judüki Abimelek tüsho api lung khunung khülang nanachihde khuhto ching yü tüsho kiuto chipiripit yüzah limro kheak zhip; tüsho khunung mahnenü thulubo ching larü alala kilim nanachihde yü tüsho arübo laksah.

MAHKHAPRÜ 9:49

Jumonü mihtsürü abannü sangkhah ngamkhia lu tüsho Abimelek yande yübah chipi kheak rhungkih, tüsho arü kumung mo thsahkih junangde Shekem aheangsadam mihtsürü athrürü tüsho aliberü 1000 bande sheabah.