MAHKHAPRÜ 9:13 - AMÜSÜH HÜM CL Bible (BSI)

¹³ Tüshe kurungasoliunü arü ki tha, ‘ Thrünpuhbo tüsho mihtsürübo asühshihkhi I yukhu bahbah inü sangdungbo kurungkheak yakzan shuhpü yüba shi?’

MAHKHAPRÜ 9:13 Iomraidhean Croise

MUNGSHIKHÜN 104:15

tüsho mihtsürü mulong asühshihpü yukhu, api miro zhingzhingshihpü müdangke, tüsho mihtsürü mulong düküngshihpü yikhap.

MÜCHITMUDU 31:6

Phapke ju adükheakpü larü tüsho yukhu ju thsünüde alarü thsungkheak ah.

T H S AN GYU T H S AN GR ARÜ 10:19

Aniojikhibo ju keangrümüne thsungkheak ah; yukhunü rhangdung asühshihchoh, tüsho nü yihnüpü lüpdükhi ngüchoh.

T H S AN GYU T H S AN GR ARÜ 2:3

Yukhunü I pang asühshihpü thsüde tüsho küde thsah makhakhi kheak ramloba, thüning bukkhüp mihtsürübonü arü rhangdung lakhi nimung anükhüh kim ching tümü atsü rhimobeanü inü müyimkhityi khiungde inü I lümlung bede I lümkhi yimdo.

WÜHKHE 15:10

tüsho ayungbe kingaün ching yukhu pungdüchi 2 monü taka kingaünde Atungpuh kilim arhümthüneashang.

WÜHKHE 15:5

tüsho yukhu pungdüchi 1 ju nünü taka kingaünkhi yungsho shuhmülanga kingaünkhi lung yukbah, namfimihnunu abande thsakhamang.

WÜHKHE 15:7

tüsho ayungbe kingaün ching nünü yukhu pungdüchi 1 kheak niukshakkhüh yukbah Atungpuh kilim arhümthüneade jihang.

MAHKHAPRÜ 9:12

Tüsho sangdungbonü kurungasoliu ki tha, ‘Nü arang, tüsho isa kurungkheak kiulongthsüang.’

MAHKHAPRÜ 9:14

Judüki sangdungbo alalanü ayangrung ki tha, ‘Nü arang, tüsho isa kurungkheak kiulongthsüang.’