MAHKHAPRÜ 8:33 - AMÜSÜH HÜM CL Bible (BSI)

³³ Tüsho Gideon she yanalünde Israelrünü Baalbo kingaün, tüsho Baal-berith ju arü thrünpuh kamshih.

MAHKHAPRÜ 8:33 Iomraidhean Croise

2 KIULONG THSÜRÜ 12:2

Joashnü api nimungbo alala ching Atungpuh miki alungki rhimo, tümütüsho amükeambuh Jehoiadanü api ki thsangdan.

JEREMIA 23:27

Arü jipürünü I mihbah Baal kilim rholokhi nangde I mihtsürübonü arü milim kheankhinü I mung mihshihpü arünü lümchoh.

JEREMIA 3:9

Tümütüsho alibenü anihbe müzammüram machihde rhimo, alibenü alo müneanjih, lung tüsho sangdung kheak müzammüram thsü.

JIHUSUA 24:31

Jihusua rhangdung la khiungde Israel mihtsürübonü Atungpuh tankih, tüsho api sheshu she Atungpuhnü Israel mihtsürübo thsungkheak rhimokhi ngürü limberübo lakhi khiungde tankih.

MAHKHAPRÜ 10:6

Judüki Israelrünü kheaküshe Atungpuh miki amütsü rhimo, tüsho Baalbo, Astarbo, Siria thrünpuhbo, Sidon thrünpuhbo, Moab thrünpuhbo, Amon thrünpuhbo tüsho Filistia thrünpuhbo tankih; arünü Atungpuh bahyuk tüsho api mütankih.

MAHKHAPRÜ 2:12

tüsho arünü arü bebuhrü Atungpuh , Thrünpuh arü Ijip lomi chingnü bekhitbuh bahyuk; tüsho arünü arü mühi lakhi thrünpuhbo ki mükhümde kingaün; tüsho arünü Atungpuh bukakhiukshih.

MAHKHAPRÜ 2:17

Tütüshe arünü mahkhaprübo yu mani tüsho arünü püpürü thrünpuhbo kheak müzammüram thsü tüsho arü ki khukning. Arünü nahde arü bebuhrünü atsahkhi limro chingnü, Atungpuh yukhüm anikhi chingnü rholode tso; ju ruk arünü mürhimo.

MAHKHAPRÜ 2:19

Tüsho küyimki mahkhaprübo sheabahkhea, arünü rholobah püpürü thrünpuhbo yande, tankihde tüsho khukningde arü bebuhrü kheaknü amütsübe thsüde rhimo. Arünü arü nihbuh rhimokhi chingnü yungsho arü nihnihkhi limro chingnü arün müthsü.

MAHKHAPRÜ 3:7

Jumonü Israelrünü Atungpuh arü Thrünpuh mihabahbah, A TUN GPU H miki amütsü rhimo, tüsho Baal le Ashera sangthsü kingaün.

MAHKHAPRÜ 8:27

Gideonnü sunanü sangthsü khülang thsüa api lapung kiuto, Ophra ching zo. Israel alalanü Thrünpuh bahyuk tüsho yübah sangthsü kingaün. Gideon tüsho api yamkhün thsungkheaknü ju qimürip kamabah.

MAHKHAPRÜ 8:32

Kheakü Joash tsührü Gideon zobanbah she, tüsho Abiezerrü kiuto Ophra ching, abuh Joash kiuyuk ching bah.

MAHKHAPRÜ 9:27

Tüsho arünü thulu ching yübah kurungasolubo chingnü kurungasobo rho tüsho yukhu thsübah thünio la, tüsho arü thrünpuh yam ching yüzahbah tsühyungde Abimelek athruaji.

MAHKHAPRÜ 9:4

Arünü api kilim Baal-berith arüngyam chingnü shotoyinchi 70 jih, junü Abimeleknü api jingyanrü thsüshihpü mudukmükerübo muloa lu.

MAHKHAPRÜ 9:46

Kheakü küyimki Shekem aheangsadam mihtsürübonü ju sokhea, Berith thrünpuh arüngyam chipi ching yüzahabah.