MAHKHAPRÜ 8:30 - AMÜSÜH HÜM CL Bible (BSI)

³⁰ Gideon tsührü athrürü 70 lakheah, tümüde api niuberü ahihdo lakheah.

MAHKHAPRÜ 8:30 Iomraidhean Croise

THRÜNTAN 2:24

Jumonü athrürünü nihbuh abuh tüsho abe zojihbah niuberü lung thsürua labah, tüsho ane shihphü khülang kambah.

THRÜNTAN 46:26

Jakob lung yükhi mihtsürü alala, apang ching yo, Jakob tsührübo niuberübo thsürubah alalanü 66.

THRÜNTAN 7:7

Tüsho Noa le atsührübo tüsho aniube le atsührü niuberübo keking chingnü atsokhitpü sangkung ching yüzah.

1 KIULONG THSÜRÜ 11:3

Api niuberü 700 tüsho hanniuberü 300 lakheah; tüsho api niuberübonü api mulong bephülapjih.

2 KIULONG THSÜRÜ 10:1

Kheakü Samaria ching Ahab tsührü athrürü 70 lakheah. Jumonü Jehunü kihümbo thrüt tüsho Samaria lim, Jezreel yakzanshuhrübo, azothsürübo, tüsho Ahab tsührü kümrübo kilim yüshihde tha,

ABEKHIT 1:5

Jakob tsührübo alalanü arü 70 lakheah; Josep a Ijip ching lajunga lakheah.

MALAKI 2:15

Thrünpuh khülangnü anihbe thrünkhi yung de? Shih tüsho me chido api yo ah. Tüsho Thrünpuhnü tümü lunela? Apinü Thrünpuh mükheahkhi tsührü yimchoh. Jumonü nüsa me ching kümkangang, tüsho nü athunuchoki yamkhünbe kheak nünü alokhikhi düthsümünim.

YUZÜNGTHALO 17:17

Apinü niuberü ahihdo muzobeah, jude yungsho api mulong Atungpuh kheaknü chamkhide atsobah; yungsho apinü shotoyinchi le suna hihde muzobeah.

MAHKHAPRÜ 10:4

Kheakü api tsührü donki samrü kheak binrü samrü lakheah; arü kiuto samrü, “ Havoth Jair” de khihni khiungde ajihkhi, Gilead lo ching lakheah.

MAHKHAPRÜ 12:14

Atsührü 40 tüsho tsührü-tsührü 30, donki 70 kheak binrü lakheah. Apinü kam tizheah Israel mahkhap.

MAHKHAPRÜ 12:9

Atsührü athrürü 30 tüsho aliberü 30 lakheah, atsührü 30 rhangshih, tüsho atsührübo thsungkheak aliberü 30 bedarü. Apinü kam thüne Israel mahkhap.

MAHKHAPRÜ 8:31

Tüsho api hanniube Shekem ching labenü she api kilim tsührü 1 zübejih, amung Abimelek lakheah.

MAHKHAPRÜ 9:1

Kheakü Jerubbaal tsührü Abimelek ju abe keoniorü kilim yü tüsho abe guk yamkhün alala ki tha,

MAHKHAPRÜ 9:18

tüshe nüsanü khihni I buh yamkhün azhihde wusudo, tüsho atsührü 70 lung khülang kheaknü laksah, tüsho api yamlaberü tsührü Abimelek, api nüsa akeoniorü thsümonü Shekem mihtsürübo kurungkheak kiulongthsürü kamshih–

MAHKHAPRÜ 9:2

“Shekem mihtsürü alala ki keoang, ‘ Jerubbaal tsührü 70 alalanü nüsa kurungkheak yakzan shuhshihnela shi, dashi khülangnü lang nüsa kurungkheak yakzan shuhshihnela?’ Kheaküshe I nüsa shih tüsho thiyih de lümkhitang.”

MAHKHAPRÜ 9:5

Tüsho apinü Ophra ching abuh yam ching yü, tüsho Jerubbaal tsührü 70 api keoniorübo ju lung khülang kheaknü laksah; tüshe Jerubbaal tsührü akheambuh Jotham aning, tümüde apinü jikabah.