MAHKHAPRÜ 8:27 - AMÜSÜH HÜM CL Bible (BSI)

²⁷ Gideonnü sunanü sangthsü khülang thsüa api lapung kiuto, Ophra ching zo. Israel alalanü Thrünpuh bahyuk tüsho yübah sangthsü kingaün. Gideon tüsho api yamkhün thsungkheaknü ju qimürip kamabah.

MAHKHAPRÜ 8:27 Iomraidhean Croise

MUNGSHIKHÜN 106:35

tüshe arünü khiungkerü lung yihluachih tüsho arü rhimobo anikhit;

MUNGSHIKHÜN 106:39

Hanangde arü nihbuh rhimobo hode arü müneanabah, tüsho arü nihbuh rhimobo hode müzammüram thsü.

MUNGSHIKHÜN 73:27

Atsütsü, sherü nü kheaknü limshude lanü adükheakbah; sherü müzammüram thsungkheaknü nü bahkhidünü nünü alala dükheakshihdo.

ABEKHIT 23:33

Arübo nüsa lo ching dülashih, jude yungsho arünü I azhihde nüsa neak yihbeakshihbah. Tümüde nüsanü arü thrünpuhbo tankihsho, tsükjide ju nüsa ki qimürip labah.”

ABEKHIT 32:4

Apinü arü khah chingnü suna leangkhi tüsho akheanbenü thsüde moshipung-nunu khülang zünkhitjih. Judüki arünü tha, “O Israel, ha nüsa Ijip lomi chingnü abekhitkhi nüsa thrünpuh ah!”

ABEKHIT 34:16

Tüsho küyimki nüsa tsührü niuberü thsüpü arü tsührübebo lujihbanü arü thrünpuhbo kheak müzammüramkhinü nüsa tsührübo junangde arhimoshihbah.

ISAIA 8:20

Yakzan tüsho rhangdung-yumütsan thsungkheaknü! Tsükjide, sherünü ha ruk thachonü yapsu müngü!

EZEKIEL 7:20

Arünü arü mürezhingzhing kheahtsübo hode kükheang tüsho ju athraneanbe sangthsübo le maphapkhi mejakbo thsüpü lu. Jumonü inü harü arü thsungkheak mümüsühkhi kukruk kamshihbah.

HOSEA 2:2

Nü be ki thürühang, thürühang, tümüde anihbe I niube yung tüsho I aniubuh yung. Anihbenü müzammüramkhi tüsho beyapkhi tukloshang.

HOSEA 3:4

Hanangde Israel mihtsürünü kim ashang kiulongthsürü yungsho limberü mülade, shuhmülanga kingaünkhi yungsho amüsüh lung dungjingbo mülade, sangthsübo yungsho müchitpü mejakbo mülade alabah.

YUZÜNGTHALO 12:5

Tüshe Atungpuh nüsa Thrünpuhnü api lapung thsungkheak api mung zopü nüsa trükbo lungnü amokhitkhi dangpung nüsanü yimang; tüsho ju ching nüsa yübah.

YUZÜNGTHALO 7:16

Tüsho Atungpuh nüsa Thrünpuhnü nüsa kilim jihkhi mihtsürübo nüsanü adükheakshihbah, nüsa müknü arü kheak mümuzho; yungsho nüsanü arü thrünpuhbo mütankih, tümüde nüsa thsungkheaknü ju qimürip labah.

YUZÜNGTHALO 7:25

Arü thrünpuhbo thsüa zokhi nüsanü monü atakbah; nüsanü arü kheak lakhi shotoyinchi yungsho suna dümürüh, yungsho nihbuh thsungkheak dulu, jude thsüsho junü nüsa mükhiplobah; tümüde ha Atungpuh nüsa Thrünpuh kilim athraneanbe lah.

MAHKHAPRÜ 17:5

Mika a arüngakopung khülang lakheah, tüsho arüngako kukruk tüsho yambuk sangthsübo thsüa lakheah; tüsho apinü atsührü khülang amükeamrü thsüshih.

MAHKHAPRÜ 18:14

Judüki mihtsürü phüngü Laish lomi zütakheahrünü arü keoniorübo ki tha, “ Ha yambo ching kingaünbe kukruk, yambuk sangthsübo, asümkhi tüsho anungkhi sangthsübo lah de nüsanü mükheahnah? Kheakü jumonü nüsanü tümü thsübanü lümakheahang.”

MAHKHAPRÜ 18:17

Judüki lomi zütakheahrü mihtsürü phüngünü wutu tüsho yüzahbah asümkhi sangthsü, kingaünbe kukruk, yambuk sangthsü, tüsho anungkhi sangthsübo lu. Amükeambuh ju mihtsürü 600 thirithsü thsühnuk hanrü lung ripit ki zhip.

MAHKHAPRÜ 2:2

Tüsho nüsanü ha lomi ching larü ki tangzüng müthsü; nüsanü arü kingaün sadam thsümünima keamshihbah.’ Tüshe nüsanü I yu mani. Tümüde nüsanü ha rhimokhea?

MAHKHAPRÜ 2:3

Jumonü inü she tha, inü nüsa mikinü arü yankhita mübah; tüshe arü ju nüsa rheang ki ayangbo kamshihbah, tüsho arü thrünpuhbo ju nüsa ki qimürip kamshihbah.”

MAHKHAPRÜ 6:11

Kheakü Atungpuh yunirü Ophra ching arü tüsho Abiezerrü Joash yo thülamdung khüp bin. Api tsührü Gideon yukhu-nitpung ching wheat hi nitde alakheah, junangde Midiarü kheaknü jik.

MAHKHAPRÜ 6:24

Jumonü Gideonnü ju ching Atungpuh kilim kingaün sadam khülang thsü, tüsho ju ki, “Atungpuh ju mungtsü” de ji. Khihni khiungde ha Abiezerrü yo Ophra ching lah.

MAHKHAPRÜ 8:26

Gideonnü aleangkhikhi suna nüpübo ju khahngak 20 bande alakheah, tüsho ha ching zülubo, lakbo, Midia kiulongthsürübonü ayihkhi mürümmuchu khimbo, tüsho arü kemelbo hung kheak mükamkhi lakbo mübe.

MAHKHAPRÜ 8:28

Hanangde Midiarü ju Israelrü miki junoa lakheah, tüsho arü ku mudukolokhuk. Gideon nimungbo ching kam yirü lomi ching mungtsü lakheah.