MAHKHAPRÜ 8:26 - AMÜSÜH HÜM CL Bible (BSI)

²⁶ Gideonnü aleangkhikhi suna nüpübo ju khahngak 20 bande alakheah, tüsho ha ching zülubo, lakbo, Midia kiulongthsürübonü ayihkhi mürümmuchu khimbo, tüsho arü kemelbo hung kheak mükamkhi lakbo mübe.

MAHKHAPRÜ 8:26 Iomraidhean Croise

ESTER 8:15

Mordekainü kiulongthsü khim biyi le amüye, khimthünak yih tüsho suna kuthran thranbah kiulongthsü yam chingnü tsahmusu. Tüsho Susa kiuto ju asühkhi düsheaknü mide kam.

MÜCHITMUDU 31:22

Alibenü yapkiu khimbe keakchoh tüsho mürümmuchukhi athünak khimbo phuyuchoh.

ISAIA 3:18

Ju nimung Atungpuhnü atsübe lakbo, kutsümbe, tüsho khinulakbo lude atsobah;

JEREMIA 10:9

Akingkhi shotoyinchi Tarshish chingnü handarü, tüsho Uphaz chingnü suna handarü. Arübo ju sangrhimosorünü rhimokhi tüsho sunakingrü khahnü arhimokhi; arü khimmih ju biyi tüsho mürümmuchu; arü alala ayeanzo rhimorünü arhimokhitkhi lah.

EZEKIEL 27:7

Nü sangkung khim ju Ijip chingnü atsüdak yakkhokhi khim zhingzhing, nü yo amütsan riphin lakheah; nü yo ayinripit tüsho ripit phudobe ju Elisha keyean chingnü biyi tüsho amüwa lakheah.

LUKNÜ ATHRÜTKHI THIYUSHEAK-ATSÜ HUHTANYU 16:19

“Alarü mihtsürü khülang mürümmuchu khim tüsho atsüdak khimzhingzhing phuyubah nimung aban müthangmüsün ching lakheah.

JOHAN 19:2

Tüsho bonungrübonü ayang kuthran thsübah aku kheak thranjih, tüsho arünü api kheak mürümmuchu shulünkhim phuyujih.

JOHAN 19:5

Judüki Jisunü ayang kuthran tüsho mürümmuchu shulünkhim yihbah akhiuk. Tüsho Pilatnü arü ki tha, “Mihtsürü kheahang!”

AMIKHEAKAKHIUKKHI 17:4

Alibe ju mürümmuchu tüsho aneakrümnü züt thsü, suna tüsho shotolungbo le mürelungbonü lüpdo, anihbe khah ching athraneanbe tüsho anihbe müzammüram müneannü mide alakhi suna pung shuhde alakheah;

AMIKHEAKAKHIUKKHI 18:12

suna kukruk, shotoyinchi, mürezhingzhing tüsho shotolungbo, khimthünak atsü, mürümmuchu, azhingzhing tüsho aneakrüm khim, rhümthünea sang mungjibo, thsotorü kukrukbo alala, amo achak sang kukrukbo alala, müwayinchi tüsho lungmüye,

AMIKHEAKAKHIUKKHI 18:16

“Are, are, khimthünak atsü, mürümmuchu tüsho aneakrüm yihkhi, suna, mürezhingzhing, tüsho shotolungbo züt thsükhi ato kiuto!

MAHKHAPRÜ 8:21

Judüki Zeba tüsho Zalmunnanü tha, “ Arang, nünü ike laksahang; tümüde athrürü khülangnü nihbuh rhimo rhimochoh.” Jumonü Gideonnü wusu tüsho Zeba le Zalmunna büne laksah; tüsho apinü ane yo kemel hung kheaknü zülubo lu.

MAHKHAPRÜ 8:25

Tüsho arünü alo, “Isanü künsahde jurübo jihbah.” Arünü khim khima zo, tüsho mihtsürü abannü arünü ayankhikhi nüpübo ju ching yuk.

MAHKHAPRÜ 8:27

Gideonnü sunanü sangthsü khülang thsüa api lapung kiuto, Ophra ching zo. Israel alalanü Thrünpuh bahyuk tüsho yübah sangthsü kingaün. Gideon tüsho api yamkhün thsungkheaknü ju qimürip kamabah.