MAHKHAPRÜ 8:24 - AMÜSÜH HÜM CL Bible (BSI)

²⁴ Tüsho Gideonnü arü ki tha, “Inü nüsa ki khülang mushuanü; nüsanü ayankhikhi shihcham chingnü I kilim mihbüm abannü suna nüpü jihang.” (Arübo suna nüpübo lakheah, tümütüsho arübo Ishmaelrü lakheah.)

MAHKHAPRÜ 8:24 Iomraidhean Croise

THRÜNTAN 24:22

Küyimki kemelbo ayungkhamkhea, mihtsürü junü suna nupungnüpü düpüt 6 tüsho suna bingkhüm düpüt 115 dün yo lubah yukjih.

THRÜNTAN 24:53

Judüki yamlabuhnü suna le shotoyinchi mürezhingzhing tüsho khimmihbo lude akhiukbah Rebeka kilim jih; apinü akhiung le abe büne kilim she amo-achak thsambahbo jih.

THRÜNTAN 25:12

Kheakü ha Sara yamlabe Ijiprü Hagarnü Abraham kilim zübejihkhi Ishmael lünkhe ah.

THRÜNTAN 25:13

Arü zübekhi ayannü atsührü mungbo: Nebaioth, Kedar, Adbeel, Mibsam,

THRÜNTAN 35:4

Jumonü arünü arü khah ching lakhi khiungkerü thrünpuhbo alala tüsho arü nuku ching lakhi nüpübo alala Jakob kilim jih; tüsho Jakobnü jurü Shekem ching thülamdung khüp ramabah.

THRÜNTAN 37:25

Arü yimtsühpü binde alachoki, arünü abinkih-a kheah tüsho Ishmaelrü hantsahrü bo khülang Gilead limnü arüde ngü. Arü yo kemelbo ju thüneathürabebo, molike tüsho jinjinlaknü hah thsüa lakheah, tüsho arü jurü hanbah Ijip lim yükide alakheah.

THRÜNTAN 37:28

Küyimki Midiarü shothsümolorü arüde alakheanü, akhiung pürünü Josep ju shingkung chingnü thokhit tüsho shotoyinchi nak 20 mo Ishmaelrü ki yin. Tüsho arünü api Ijip lim bede yüki.

1 KIULONG THSÜRÜ 20:11

Israel kiulongthsüpuhnü alo, “Api ki thaang: Atsütsü thirithsürünü a amüngüh yungde keochih dunglim kükheangchoh.”

ABEKHIT 12:35

Kheakü Israelrünü Mosa yu yande rhimo, tüsho arünü Ijiprü ki shotoyinchi le suna kukrukbo tüsho khimmihbo kheang.

ABEKHIT 32:3

Jumonü mihtsürü alalanü arü nüpübo yihkhita Aron kilim lubah arü.

ABEKHIT 32:4

Apinü arü khah chingnü suna leangkhi tüsho akheanbenü thsüde moshipung-nunu khülang zünkhitjih. Judüki arünü tha, “O Israel, ha nüsa Ijip lomi chingnü abekhitkhi nüsa thrünpuh ah!”

ABEKHIT 32:8

Inü arü ki thiyukhüm jihkhi chingnü nahde rholode tsodo tüsho arü thsungkheak moshipungnunu mejak khülang thsüa lah. Arünü ju miki mükhümde laksah-a kingaün tüsho tha, ‘O Israel, harü ha nüsa Ijip lomi chingnü bekhitkhi nüsa thrünpuhbo ah.’”

EZEKIEL 7:20

Arünü arü mürezhingzhing kheahtsübo hode kükheang tüsho ju athraneanbe sangthsübo le maphapkhi mejakbo thsüpü lu. Jumonü inü harü arü thsungkheak mümüsühkhi kukruk kamshihbah.

MAHKHAPRÜ 8:25

Tüsho arünü alo, “Isanü künsahde jurübo jihbah.” Arünü khim khima zo, tüsho mihtsürü abannü arünü ayankhikhi nüpübo ju ching yuk.

1 SAMUEL 25:11

Inü yikhap le ke tüsho I mihnu nam niprü thsungkheak laksahkhi shih inü mümükheahkhi chingnü arürü mihtsürü kilim jihba shi?”