MAHKHAPRÜ 8:23 - AMÜSÜH HÜM CL Bible (BSI)

²³ Gideonnü arü ki tha, “I tüsho I tsührünü nüsa kurungkheak yakzan mushuh; Atungpuhnü nüsa kurungkheak yakzan shuhbah.”

MAHKHAPRÜ 8:23 Iomraidhean Croise

MUNGSHIKHÜN 10:16

Atungpuh ju lünnü lün kiulongthsürü; api lomi chingnü trükshihbo dükheakbah.

MUNGSHIKHÜN 149:2

Israelrü arü Thrünrü lung asühachihshang; Zion tsührübonü arü kiulongthsüpuh lung asühachihshang.

ISAIA 33:22

Tümüde Atungpuh ju isa mahkhapbuh, Atungpuh ju isa yakzanshuhrü, Atungpuh ju isa kiulongthsüpuh; apinü isa khümkhitbah.

ISAIA 63:19

Isa ashangkhüh nünü yakzan mushuhkhi nangde, nü mungnü müjirü nangde lado.

2 KORINT 1:24

Nüsa akin kurungkheak isanü thiyuzüng mahori, tüshe nüsa asühpü thsüde rukhüh rhimorübo ah; tümüde akin hode nüsa düküngde zhiplah.

1 PETER 5:3

nüsa bukkhüp zojihkhi junode yung, tüshe namfimihnu boto ki amütsan laang.

MAHKHAPRÜ 10:18

Tüsho mihtsürübo, Gilead limberübonü khülangnü khülang ki thaachih, “ Amon mihtsürü bede keochihpü shepü mihtsürünü atankihba? Api Gilead ching larü alala kurungkheak aku labah.”

MAHKHAPRÜ 2:18

Küyimki Atungpuhnü arü thsungkheaknü mahkhaprü arüshihkhea, Atungpuh ju mahkhaprü lung la, tüsho apinü arübo mahkhaprü nimungbo alala ching arü riri khah chingnü khümkhit; tümütüsho arü junode thsümüchirü dünkheaknü tüzhochoki Atungpuhnü mihmuzho huh.

MAHKHAPRÜ 8:22

Israel mihtsürübonü Gideon ki tha, “Nü le nü tsührü tüsho nü tsührü-tsührünü she isa kurungkheak yakzan shuhang; tümüde nünü isa Midiarü khah chingnü bekhitdo.”

1 SAMUEL 10:19

Tüshe khihni nüsanü nüsa Thrünpuh shepünü nüsa thsümütsü dünjikhi tüsho lümthsünübo chingnü khümkhitchonü api bahyuk; tüsho nüsanü tha, ‘Yung! tüshe kiulongthsürü khülang isa kurungkheak zojang.’ Jumonü kheakü nüsanü Atungpuh miki nüsa trükbo tüsho gukbo ayannü mukhungang.”

1 SAMUEL 12:12

Tüshe küyimki Amon kiulongthsüpuh Nahashnü nüsa azhihde arükhi nüsanü angükhea, Atungpuh nüsa Thrünpuh nüsa kurungkheak kiulongthsüpuh lalashe nüsanü I ki tha, ‘Yung, tüshe kiulongthsürü khülangnü isa kurungkheak kiulongthsübah.’