MAHKHAPRÜ 7:9 - AMÜSÜH HÜM CL Bible (BSI)

⁹ Ju tsüngre Atungpuhnü api ki tha, “ Asürang, binkheampung azhihde yükiang; tümüde inü ju nü khah ching jihdo.

MAHKHAPRÜ 7:9 Iomraidhean Croise

2 KIUTHSÜYUKHEAN 20:17

Ha keochihpü ju nüsanü akeochihbe yung; nüsa zhippung thsakhamang, zhikde zhipang, tüsho nüsa thsung thsüde Atungpuhnü akukkhi kheahang, O Juda tüsho Jirusalem.’ Dütre yungsho mulong dünini; shido arü azhihde wukhiukang, tüsho A TUN GPU H nüsa lung labah.”

JOB HU H T ANYU 4:13

Azhing ching milim mide mihtsürü yapshechoki,

MATHI 1:20

Tüshe api harü lümde alachoki, Atungpuh yunirü khülang milim ching api ki akhiukbah tha, “David tsührü Josep, nü niube thsüpü Mari lupü dütre, tümüde Amüsüh Me hode alibe mübünkeangde lah.

MATHI 2:13

Küyimki arü chamachihkhea, Atungpuh yunirü khülang milim ching Josep ki akhiukbah tha, “Asürang, azürü le abe büne bebah Ijip lim tsoang. Inü nü ki müthayi khiungde ju ching laang, tümüde Herodnü azübuh laksahpü yimbah.”

YUNIRÜBO RHIMO 27:23

Tümütüsho shepü yo I la tüsho inü tankihkhi Thrünpuh yunirü yishih I ki zhip,

JIHUSUA 10:8

Atungpuhnü Jihusua ki tha, “ Arübo dütre, tümüde inü arübo nü khah ching jihdo; arübo shenü she nü azhihde müzhipkhuk.”

JIHUSUA 11:6

Atungpuhnü Jihusua ki tha, “ Arübo ki dütre, tümüde shido hadüchokia Israelrü khilim inü arübo laksahbah; nüsanü khora jingbo lipshakbah tüsho lolungbebo takabahbah.”

JIHUSUA 2:24

Anenü tha, “Atungpuhnü lomi athrünkhi isa jihdo de tsükjide thakhuklah, tümüde ju lomi ching larübo alalanü isa khide trechoh.”

MAHKHAPRÜ 20:28

tüsho judüki Aron tsührü, Eleazar tsührü Phinehasnü Atungpuh miki tankihde alakheah,) “ Kheaküshe isanü wutuba shi, dashi arün thsüba?” Atungpuhnü tha, “Wutuang; tümüde inü shido arübo nüsa khah ching jihbah.”

MAHKHAPRÜ 3:10

Atungpuh me api kheak arü, tüsho apinü Israel mahkhap; api thirithsü ching yü, tüsho Atungpuhnü Mesopotamia kiulongthsüpuh Kushan-rishathaim api khah ching jihde akuk ngüshih.

MAHKHAPRÜ 3:28

Judüki apinü arü ki tha, “I dunglim yanang, tümüde Atungpuhnü nüsa riri Moabrü nüsa khah ching jihdo.” Jumonü arünü Moab lim yüpü Jordan dükihhopung zhipdo, tüsho sheshe muhoshih.

MAHKHAPRÜ 7:10

Tüshe nünü ayükipü tresho, nü yamlabuh Pura bebah yükiang;

MAHKHAPRÜ 7:8

Jumonü Gideonnü aningkhi Israelrü nihbuh khimyambo ching thiyia yüshih, tüshe ahiuhakhiprü tüsho hulipungpung shuhrü 300 zolo; tüsho Midiarü binkheampung ju abolim jindükhün ching lakheah.

1 SAMUEL 14:8

Judüki Jonathannü tha, “ Kheakü ike jurü mihtsürü hode ayübah tüsho arü ki ike huhbah.

1 SAMUEL 23:4

Kheaküshe Davidnü Atungpuh ki keokhi. Atungpuhnü api ki alo, “ He, Keilah lim yükiang; tümüde inü Filistiarü nü khah ching jihbah.”