MAHKHAPRÜ 7:8 - AMÜSÜH HÜM CL Bible (BSI)

⁸ Jumonü Gideonnü aningkhi Israelrü nihbuh khimyambo ching thiyia yüshih, tüshe ahiuhakhiprü tüsho hulipungpung shuhrü 300 zolo; tüsho Midiarü binkheampung ju abolim jindükhün ching lakheah.

MAHKHAPRÜ 7:8 Iomraidhean Croise

ISAIA 27:13

Tüsho ju nimung Asiria tüsho Ijip ching larü Israelrü ramtsorü alala jilopü hulipungpung mütbah. Arünü arübah tüsho Jirusalem ching amüsüh wung kheak Atungpuh kingaünbah.

LEVI 23:24

Israelrübo ki thaang: Khinu thüne atan nimung nüsanü sühakhimkhi, lümrhihkhi amüsüh amukhung, khungpi khungde mungang.

LEVI 25:9

Tüsho nüsanü khinu thüne nimung thürü nipü ching Jubilee hulipungpung achangnü müta khiungke lim yüshang; neak dünthsükhipü nimung ching nüsanü hulipungpung müta nüsa lomi alala ching yüshang.

WÜHKHE 10:9

Tüsho küyimki nüsa lo chingnü thiriri kheak keochihpü yübanü nüsanü hulipungpung niuknimde mütang, ju ruk Atungpuh nüsa Thrünpuh miki nüsa lümkhitbah tüsho nüsa riri khah chingnü nüsa khümkhitbah.

1 KORINT 15:52

kim khülang ching, mükthrap khülang ching, akheam hulipungpung mütchoki labah. Tümüde hulipungpung mütbah, asherü müdükheakbe thsüde arhang kamlobah, tüsho isa alala amüthribah.

JIHUSUA 6:20

Jumonü amükeamrübonü hulipungpung mütkhi soakede mihtsürübonü achangnü aho, tüsho chipi keamabah. Jushu bonungrü alala buh mikhuhnü kiuto ching yüzah tüsho yanabah.

JIHUSUA 6:4

Amükeamrü thünenü namfimihnupung juhnü athsükhi hulipungpung shuhbah tangzüng sangdan müngüh yüshang. Nimung athüne nipü amükeamrübonü hulipungpung mütde, nüsanü kiuto thüne ki mükamde tsahang.

MAHKHAPRÜ 3:27

Küyimki api akhiungkhea, apinü Ephraim awung lomi chingnü hulipungpung khung, tüsho Israel tsührübo awung chingnü api lung yüki; tüsho apinü arü be.

MAHKHAPRÜ 6:33

Judüki Midiarü tüsho Amalekrü, aniakhiuklim mihtsürü alala trüngmukhung; tüsho arünü Jordan hode yübah Jezreel jindükhün ching binkheam.

MAHKHAPRÜ 7:7

Atungpuhnü Gideon ki tha, “ Khahnü khipa yungrü mihtsürü 300 hode inü nü khümkhitbah tüsho nü khah ching Midiarü jihbah. Mihtsürü püpürü alala nihbuh lapung lim tsoshang.”

MAHKHAPRÜ 7:9

Ju tsüngre Atungpuhnü api ki tha, “ Asürang, binkheampung azhihde yükiang; tümüde inü ju nü khah ching jihdo.