MAHKHAPRÜ 7:22 - AMÜSÜH HÜM CL Bible (BSI)

²² Küyimki 300nü hulipungpung mütkhea, Atungpuhnü mihtsürübo nukshang ju nihbuh müyamrü kheak dünkihachihshih. Arünü Tabbath phüni Abel kiuto Mehola khiungde, Beth-shitta khiungde Zarethan lim alihde tso.

MAHKHAPRÜ 7:22 Iomraidhean Croise

1 KIULONG THSÜRÜ 19:16

Kheaküshe nünü Israel kurungkheak kiulongthsürü thsüpü Nimshi tsührü Jehu mujudemokhitang; tüsho Abelmeholarü Shaphat tsührü Elisha nü müthri wukihrü thsüpü mujude-mokhitang.

1 KIULONG THSÜRÜ 4:12

Ahilud tsührü Baana, Taanak, Megiddo, tüsho Jezreel khüp lakhi Zarethan yean Beth-shan alala, tüsho Bethshan chingnü Abelmehola, Jokmeam thripkhüh khiungde;

2 KIUTHSÜYUKHEAN 20:23

Tümüde Amon le Moab mihtsürünü Seir awung shahde dükheakshihde yan; tüsho küyimki arünü Seir ching larü akheam thsüshihkhea, arünü adükheakshihpü rungachih.

MUNGSHIKHÜN 83:9

Nünü Kishon Ayung ching Midiarü, Sisera tüsho Jabin kheak rhimokhi nangde arü kheak rhimoang.

ISAIA 19:2

Inü Ijiprü azhihde Ijiprü thsurangmusubah, tüsho arü khülangnü püpürü azhihde, yamhingrünü yamhingrü azhihde, kiutonü kiuto azhihde, kiulongthsünü kiulongthsü azhihde keochihbah;

ISAIA 9:3

Nünü trükshih wüh bushih, nünü asühpü alü kamshih; yimluchoki asühkhi nangde arünü nü miki asühachihchoh, mihtsürübonü ayankhikhi kukruk chamchoki asühkhi nangde lah.

ISAIA 9:4

Tümüde arü nolokhi sangkaplak tüsho arü dubuh ajapkhi sangdüdam, arü junokhi tso, Midiarü kukkhi nimung nangde nünü yihshak.

EZEKIEL 38:21

Inü I wungbo alala kheak Gog azhihde nukshang jihbah, Atungpuh Thrünpuhnü thachoh; mihbüm aban thsühnuknü khülangnü khülang azhihbah.

HABAKKUK 3:14

Nünü isa hiumüzütshihpü chinthrüm nangde, jikde alakhi zhochihrü muyupü nangde arükhi, api thirithsürübo limthobuh anihbuh hühzonü chinkhitshih.

HAGGAI 2:22

tüsho kiulongthsübinkiubo lah-a bahpü lah; inü trükshih kiulongthsübo sühmüh thsümünimbah tüsho khoralolungbe le aberübo lah-a bahpü thsüchoh; tüsho khorabo le aberübo nihbuh zangzang mihbüm aban keoniorü nukshangnü akeambah.

ZEKARIA 14:13

Ju nimung thsünü ato Atungpuh kilimnü arü kheak yükihbah, junangde mihbüm abannü nihbuh yamhingrü khah kheak tholobah, tüsho khülang khahnü püpürü kheak azhihachihde wusubah;

2 KORINT 4:7

Tüshe ato wu ju isa yungde Thrünpuh yo ah de ahuhpü ha rahpung alo phüh ching lah.

JIHUSUA 3:16

tüsho achanglimnü bukde akikhi ju tuklo tüsho kingmukhungde Zarethan kiuto yean Adam kiuto khiungde kingmukhung, junangde Araba keto lim bukde ayükhi yung ju tukloabah tüsho mihtsürübo Jirikho phünide ju hokhukde yü.

JIHUSUA 6:16

Tüsho thüne nipü, küyimki amükeamrübonü hulipungpung mütkhea, Jihusuanü mihtsürübo ki tha, “ Ahoang! Tümüde Atungpuhnü kiuto nüsa kilim jihdo.

JIHUSUA 6:20

Jumonü amükeamrübonü hulipungpung mütkhi soakede mihtsürübonü achangnü aho, tüsho chipi keamabah. Jushu bonungrü alala buh mikhuhnü kiuto ching yüzah tüsho yanabah.

JIHUSUA 6:4

Amükeamrü thünenü namfimihnupung juhnü athsükhi hulipungpung shuhbah tangzüng sangdan müngüh yüshang. Nimung athüne nipü amükeamrübonü hulipungpung mütde, nüsanü kiuto thüne ki mükamde tsahang.

1 SAMUEL 18:19

Tüshe Saul tsührü Merab ju David kilim jihpü lakhi kim ching, anihbe Meholarü Adriel kilim aniube thsüpü jih.