MAHKHAPRÜ 7:2 - AMÜSÜH HÜM CL Bible (BSI)

² Atungpuhnü Gideon ki tha, “I thsungkheaknü Midiarü arü khah ching jihpü thsüde nü mihtsürü khide hihlah. Junangde anihbe sühmühnü api khümkhitkheah de Israelnü I azhihde mükükheang,

MAHKHAPRÜ 7:2 Iomraidhean Croise

THRÜNTAN 46:2

Judüki Thrünpuhnü azhing michih ching Israel ki tha, “Jakob, Jakob!” Tüsho apinü alo, “I ha ching lah.”

2 KIUTHSÜYUKHEAN 14:11

Asanü Atungpuh , api Thrünpuh ki zhi, “O Atungpuh , nü thsungkheaknü amürang tüsho ayiuhyiuh dükeak büthsükhi müla. Isa rungang, O Atungpuh isa Thrünpuh, tümüde isanü nü kheak düthsün angülah, tüsho nü mung chingnü ha boto azhihde isa arüdo. O Atungpuh , nü isa Thrünpuh; mihtsürü shenü nü azhihde dükukshih.”

ISAIA 10:13

Tümüde apinü tha: “ I khah sühmüh tüsho I lümlungnü inü ha rhimodo, tümüde I anikhitkhi lah; inü mihtsürübo yo aredungbo lahakhindo, tüsho rahpungbo ludo; moshipung nangde inü kiulongthsübinkiu kheak binrü thokhido.

ISAIA 2:11

Mük müzhingrü mihtsürü thokheambah, tüsho kükheangküyangrü aban aninibe kamshihbah; tüsho ju nimung ching Atungpuh lang ashuhkihbah.

ISAIA 2:17

Changdealümrü mihtsürü aninibe kamshihbah, tüsho mihbüm aban kükheangkhi thokheambah; tüsho ju nimung Atungpuh lang ashuhkihbah.

JEREMIA 9:23

Atungpuhnü ha thachoh: Lümlung larü arü lümlung ching dükükheangshih, sühmüh larü arü sühmüh ching dükükheangshih, alarü arü lakhit ching dükükheangshih;

EZEKIEL 28:17

Nü jak tsümo nünü kükheang; nü mungthu hode nü lümlung thsümünim. Inü nü alo ching bah; inü nü kiulongthsürübo miki nü kheak arü mükbo mürüngshihpü lahkhita zojih.

EZEKIEL 28:2

Mihtsürü tsührü, Tair yakzanshuhrü ki thaang, Atungpuhnü ha thachoh: Tümütüsho nü kükheanglah tüsho nünü tha, “ I thrünpuh khülang ah, inü ketobo phulung ching thrünpuhbo binpung binchoh,” tütüshe nünü nü lümkhi thrünpuh lümkhi kheak akeke she nü a mihtsürü khülang ah tüsho thrünpuh yung.

DANIEL 4:30

tüsho kiulongthsüpuhnü tha, “ Kheahang Babilon küdükhüh ato a! Ha inü I wu tüsho sühmüh, I müretah tüsho mungthu huhpü I yo kiuying thsükheah.”

HABAKKUK 1:16

Jumonü apinü anihbuh yo keang ki laksah-a kingaünchoh tüsho keang-qiuqiu ki api kingaünbo jihchoh; tümüde jurü hode api müthangmüsün ching lachoh, tüsho api tsühyungpü lakhit lah.

ZEKARIA 12:7

Tüsho Atungpuhnü akhuhde Juda lapungbo kilim akukkhi jihbah, junangde David yamkhün müretah tüsho Jirusalem ching lakhi müretah ju Juda kumung kheak atobe müla.

ZEKARIA 4:6

Apinü I ki tha, “Ha Zerubbabel ki Atungpuh yu lah: ‘ Sühmühnü yung yungsho wunü yung, tüshe me hode lah,’ Wuto Atungpuhnü thachoh.

WÜHKHE 31:4

Israel trük aban chingnü 1000 keochihpü yüshang.”

ROMRÜ KILIM PAULNÜ ATHRÜTKHI KIHÜM HUHTANYU 11:18

Jumonü sangkhahbo nangde ayihshakrü nüsanü mükhemükim düthsü. Nüsanü lülüshishisho, nüsanü aying muduhlo tüshe ayingnü nüsa duhlolah de lümkhitang.

ROMRÜ KILIM PAULNÜ ATHRÜTKHI KIHÜM HUHTANYU 3:27

Dale tüsho isa lülüshishikhi tümü kamcho? Tümü müla! Ha thsungkheak amütsan tümü a? Isanü yakzan animonüa shi? Yung, tüshe isanü akinkhinü ah.

2 KORINT 4:7

Tüshe ato wu ju isa yungde Thrünpuh yo ah de ahuhpü ha rahpung alo phüh ching lah.

EFISIA 2:9

mihtsürü khürünü kükheangpü thsüde rhimobo hode yung.

YUZÜNGTHALO 32:27

tüshe inü arü riri mükükheangshihkhukde bahdo, jude thsükhülaa arü riribonü aniphülapbah athabah, “Isa khahnü kukdo; Atungpuhnü harü alala mürhimo.” @SP ACE=

YUZÜNGTHALO 8:17

Jumonü nüsanü nihbuh wu tüsho sühmüh hode lakhit ngüdo de küyimkishe mülümbeah.

YUZÜNGTHALO 8:18

Tüshe Atungpuh nüsa Thrünpuh lümkhitang, tümüde lakhit ngüpü apinü wu-sühmüh nüsa kilim jihchoh, junangde nüsa khihni lakhi nangde, apinü nüsa bebuhrü ki tangzüngkhi düküngloshihba.

JAKOB 4:6

Tüshe apinü amüthsüm alü jihchoh; jumonü apinü thachoh, “Thrünpuhnü akükheangrü yanlochoh, tüshe azhihayih kilim amüthsüm jihchoh.”

1 SAMUEL 14:6

Jonathannü api thsühnuk hanbuh athrününgtsüngbuh ki tha, “ Arang, ike harü tsütamübahkhi thiriri boto kilim wutuanü; khükia Atungpuhnü ike thsung thsüde arhimobah; tümüde hihang yungsho nükang Atungpuhnü akhümkhitpü ching tümünü she müzhipdokhuk.”