MAHKHAPRÜ 7:19 - AMÜSÜH HÜM CL Bible (BSI)

¹⁹ Jumonü Gideon tüsho api lung mihtsürü 100 ju arü aheangrü müthriachih yanalünde, tsüngphulung müngüh binkheampung khiungde arü. Arünü hulipungpungbo müt tüsho arü khah ching shuhkhi pangjiphühbo yihrüp.

MAHKHAPRÜ 7:19 Iomraidhean Croise

MUNGSHIKHÜN 2:9

Nünü arübo yinchi tsonü yurijihbah, tüsho alophüh nangde adütre kamshihbah.”

MUNGSHIKHÜN 90:4

Tümüde nü miki chithürü kambo ju hoabahkhi yini nangde, yungsho azhing ching kim akhihkhüh nangde lah.

ABEKHIT 14:24

Ayinkhipü müngüh Atungpuhnü mo dungto tüsho amo chingnü Ijip bonungrü kheak abinkhia kheah tüsho arübo yingyingde kamshih.

MATHI 25:6

Tsüngphulung ching azhikhi khülang so: Kheahang, yamkhün-kamrü arüchoh; api leangpü wukhiukang!

1 TESALONIKA 5:2

Tümüde Atungpuh nimung ju azhing ching ahührü khülang nangde arübah de nüsanü mükheahlah.

AMIKHEAKAKHIUKKHI 16:15

(“Kheahang, I ahührü nangde arüchoh! Shepü kurhangde la tüsho achih ngüde bünkeang mutsopü nihbuh khimmih zolanü müngühmühi!”)

MAHKHAPRÜ 7:16

Tüsho apinü mihtsürü 300 ju khunung mahsam thsüde chamjih tüsho arü khah ching hulipungpung le pangjiphüh akeangkeangbo ching tsünthsahbebo zahde yukjih.

MAHKHAPRÜ 7:18

Küyimki I tüsho I lung lakhi alalanü hulipungpung mütbanü, binkheampung thrip aban chingnü mütang, tüsho ahoang, ‘Atungpuh thsungkheak tüsho Gideon thsungkheak.’ ”

MAHKHAPRÜ 7:20

Judüki khunung mahsamnü hulipungpung müt tüsho pangjiphüh ju yihrüp. Arü khah huzulimnü tsünthsahbe shuh tüsho tsülimnü hulipungpung shuhbah arünü aho, “Atungpuh tüsho Gideon thsungkheak nukshang!”