MAHKHAPRÜ 7:15 - AMÜSÜH HÜM CL Bible (BSI)

¹⁵ Küyimki Gideonnü milim kheankhi tüsho thanakkhi sokhea, apinü kingaün; tüsho apinü Israel binkheampung ching rholode yü, tüsho tha, “ Asürang; tümüde Atungpuhnü Midia bonungrü nüsa khah ching jihdo.”

MAHKHAPRÜ 7:15 Iomraidhean Croise

THRÜNTAN 24:48

Inü I ku mükhüm tüsho Atungpuh kingaün, tüsho I putungrü tsührü thsungkheak aniurü tsührübe lupü I thiyuro limro ching bebuh Atungpuh I putungrü Abraham Thrünpuh shijih.

THRÜNTAN 40:8

Anenü api ki alo, “Ike chidonü milim mido, tüsho ju athanakrü she müla.” Tüsho Josepnü ane ki tha, “Athanakkhi ju Thrünpuh yo yung de? Nüke milimbo I ki thaang.”

THRÜNTAN 41:11

tsüngre khülang chingnü ike abande milim mi. Ike milim aban athanakkhi büthsüthsü lakheah.

MAHKHAPRÜ 3:28

Judüki apinü arü ki tha, “I dunglim yanang, tümüde Atungpuhnü nüsa riri Moabrü nüsa khah ching jihdo.” Jumonü arünü Moab lim yüpü Jordan dükihhopung zhipdo, tüsho sheshe muhoshih.

MAHKHAPRÜ 4:14

Judüki Deboranü Barak ki tha, “ Asürang, tümüde khihni Atungpuhnü Sisera nü khah ching jihdo. Atungpuh nü müngüh müyü de?” Jumonü Baraknü mihtsürü 10,000 api lung yande Tabor müzüng kheaknü aki.

MAHKHAPRÜ 7:11

tüsho arünü tümü thabanü nünü asobah, tüsho ju dunglim binkheampung azhihde yükipü nü khahbo düküngbah.” Jumonü apinü ayamlabuh Pura ane binkheampung ching lakhi bonungrü mühümpung ching yü.

MAHKHAPRÜ 7:14

Tüsho amüyambuhnü alo, “ Ha Joash tsührü, Israel mihtsürü Gideon nukshang labah; Thrünpuhnü api khah ching Midiarü tüsho bonungrü alala jihdo.”

MAHKHAPRÜ 7:16

Tüsho apinü mihtsürü 300 ju khunung mahsam thsüde chamjih tüsho arü khah ching hulipungpung le pangjiphüh akeangkeangbo ching tsünthsahbebo zahde yukjih.

MAHKHAPRÜ 8:7

Jumonü Gideonnü tha, “ Ha dünkheaknü, küyimki Atungpuhnü Zeba tüsho Zalmunna I khah ching jihbanü, sunglo yangbo tüsho khingphubonü nüsa shihtsü wuhkhitbah!”

1 SAMUEL 1:28

Jumonü inü api Atungpuh kilim arüngde jih; api rhangdung la khiungde, api Atungpuh kilim jihdo.” Tüsho arünü ju ching Atungpuh kingaün.

1 SAMUEL 14:12

Thiriribonü Jonathan tüsho api thsühnuk hanbuh ane ki tha, “Isa kilim atung, tüsho isanü nüke ki tümükhüh huhbah.” Jonathannü thsühnuk hanbuh ki tha, “I dunglim arang; tümüde Atungpuhnü arübo Israel khah ching jihdo.”