MAHKHAPRÜ 6:6 - AMÜSÜH HÜM CL Bible (BSI)

⁶ Tüsho Midiarü hode Israel khide akheamkhibe kamshih; tüsho Israel mihtsürünü Atungpuh ki arung thsungkheak zhi.

MAHKHAPRÜ 6:6 Iomraidhean Croise

MUNGSHIKHÜN 50:15

tüsho küpkhuk nimung I jiang; inü nü bekhitbah, tüsho nünü I müretahbah.

MUNGSHIKHÜN 78:34

Küyimki apinü arü khürü laksahkheanü, aninga larünü api yim; arünü mulong müthri tüsho azhihayihde Thrünpuh yim.

ISAIA 26:16

O Atungpuh , lümthsünü ching arünü nü yim, nünü arü thsümüchichoki arünü nü ki tamkhüntamnü.

JEREMIA 5:17

Arünü nüsa yimlukhi tüsho tsühyungbe tsühabahbah; arünü nüsa tsührübo le tsührübebo tsühabahbah; arünü nüsa mihnu boto tüsho moshibo tsühabahbah; arünü nüsa kurungasobo le khubaso tsühabahbah; arü nukshangnü nüsanü mulonglamde chipi ayünkhi kiutobo thsümünimbah.

HOSEA 5:15

Arünü arü mülimkhi muhuhyi khiungde, inü I mihtsürü bahyukbah. Tüsho arünü I miro yimbah; arü thsünükhi ching arünü mushude I yimbah.

MALAKI 1:4

Edomnü, “ Isa niukmüzüta lah tüshe isanü athsümünimkhi thsülobah” de thasho, Wuto Atungpuhnü thachoh: Arünü mihbukmuyuk lomi de müjiyi khiungde, Atungpuhnü lünnü abukakhiukkhi mihtsürü inü athokheambah.

YUZÜNGTHALO 28:43

“Khiungkerü nü lung lakhi nü kheaknü achangbe achangbe yükihbah, tüshe nü a abolim abolim akibah.

MAHKHAPRÜ 10:10

Tüsho Israelrünü Atungpuh ki zhide tha, “Isanü nü azhihde neak yihbeakdo, tümütüsho isanü isa Thrünpuh bahyuk tüsho Baalbo tankih!”

MAHKHAPRÜ 3:15

Tüsho küyimki Israelrü tsührübonü Atungpuh ki zhikhea, Atungpuhnü bekhitshihpü Benjamin trük chingnü Gera tsührü Ehud, huzulimnü arhimobuh asürüshih. Israelrünü Moab kiulongthsüpuh Eglon kilim api kheaknü ruk mühah-a yüshih.

MAHKHAPRÜ 3:9

Küyimki Israelrünü Atungpuh ki zhikhea, Israelrü tsührübo bekhitpü thsungkheaknü Kenaz tsührü Kaleb niurü Othniel yüshih.

MAHKHAPRÜ 4:3

Tüsho Israelrünü Atungpuh ki zhi; tümüde Jabin a yinchi khoralolungbe 900 lakheah, tüsho apinü Israelrü kam muku juno.

MAHKHAPRÜ 6:7

Küyimki Israel mihtsürünü Midiarü dünkheaknü Atungpuh ki zhikhea,