MAHKHAPRÜ 6:39 - AMÜSÜH HÜM CL Bible (BSI)

³⁹ Judüki Gideonnü Thrünpuh ki tha, “I kheak bukdakhiuk, tüsho inü khülang ki thaanü: Inü tamkhüntamnüchoh, khülang ki shihnam khim kheak inü rükakheahanü; kheakü shihnam khim kheak lang kungshang, tüshe alo kheak ayinke lashang.”

MAHKHAPRÜ 6:39 Iomraidhean Croise

THRÜNTAN 18:30

Tüsho apinü tha, “Atungpuh bukdakhiuk shi, tüsho inü asukanü: Mürangkhüh ju ching samrü ngükhülaa?” Tüsho Apinü alo, “Inü ju ching samrü ngüsho ju mürhimo.”

THRÜNTAN 18:32

Apinü tha, “Atungpuh bukdakhiuk, tüsho inü khülang ki asukbah: Mürangkhüh ju ching thürü ngükhülaa küde?” Tüsho apinü alo, “Thürü thsülimnü inü ju müdükheakshih.”

ISAIA 50:2

Tümüde I arüchoki she mülakhea? Tümüde inü ajichoki shenü malokhea? Mürhokhitkhukpü thsüde I khah kihla de? Yungsho abekhitpü I wu müla de? Inü thürühbah keto ngahshih, inü ayungbo loshelo kamshih; ke mülakhinü thüngühbo shuhabah tüsho kethürikhinü sheabah.

MATHI 21:43

“Jumonü inü nüsa ki thachoh, yinmi kiulongthsü ju nüsa kheaknü luakhinbah tüsho aso asoshihpü mihtsürübo kilim jihabahbah.

MATHI 8:12

Tüshe kiulongthsü ching larübo a amiting ching yankhita bahbah. Ju ching atripkhi tüsho hü mütrütkhi labah.”

YUNIRÜBO RHIMO 13:46

Tüsho Paul le Barnaba anenü mulong tode tha, “Isanü nüsa ki akhuhde Thrünpuh yu thapü yihnüpü lakheah. Tüshe nüsanü ju bahyuk tüsho nüsa küdah thsüde lün rhangdung müthülünkhi khea lu, kheakü isanü khiungkerü kilim rholochoh.

YUNIRÜBO RHIMO 22:21

Tüsho apinü I ki tha, ‘Chamachihang; tümüde inü nü hurü khiungkerü kilim yüshihbah.’ ”

YUNIRÜBO RHIMO 28:28

“Junangde ha Thrünpuh akhümkhit khiungkerü kilim yüshihdo de nüsanü mükheahang.”

MAHKHAPRÜ 6:38

Tüsho junangde alakheah. Küyimki api ashido yapsu mükikde asürükhea tüsho shihnam khim rukhühnü thsüna kheahkhea, apinü shihnam khim chingnü phurusük 1 mide ke thsünkhit.

MAHKHAPRÜ 6:40

Tüsho junangde Thrünpuhnü ju tsüngre rhimo. Shihnam khim kheak lang akung lakheah, tüshe alo alala kheak ayinke lakheah.