MAHKHAPRÜ 6:33 - AMÜSÜH HÜM CL Bible (BSI)

³³ Judüki Midiarü tüsho Amalekrü, aniakhiuklim mihtsürü alala trüngmukhung; tüsho arünü Jordan hode yübah Jezreel jindükhün ching binkheam.

MAHKHAPRÜ 6:33 Iomraidhean Croise

THRÜNTAN 29:1

Jumonü Jakobnü hantsahde yü tüsho aniakhiuklim mihtsürü lomi ching arü.

1 KIULONG THSÜRÜ 18:45

Anikhüh kim chingnü amobo tüsho apung bede thüning mitingabah; tsüng ju sopunglipkhiuk thsüde arü. Ahabnü Jezreel lim yü.

1 KIULONG THSÜRÜ 21:1

Harü dünji dunglim: Jezreelrü Naboth kurungasolu khülang, Samaria kiulongthsüpuh Ahab yam rheang ki lakheah.

1 KIULONG THSÜRÜ 4:30

junangde Solomon lümlungnü aniakhiuklim mihtsürü alala lümlung, tüsho Ijip lümlung alala zhidoabah.

1 KIUTHSÜYUKHEAN 5:19

Arünü Hagrü, Jetur, Naphish, tüsho Nodab kheak thirithsü;

JOB HU H T ANYU 1:3

Api namfimihnu 7000, kemel 3000, sangkaplak kihkhi moshipung dudu 500, donki 500, tüsho yamlarü ahihdo lakheah; junangde ha mihtsürü aniakhiuklim mihtsürü alala lung aladreto lakheah.

MUNGSHIKHÜN 3:1

O Atungpuh , I riri küdükhüh she la! Ahihkhühnü I azhihde wusuchoh;

EZEKIEL 25:4

jumonü inü nüsa aniakhiuklim mihtsürü kilim yamalo thsüpü jihchoh. Arünü nüsa bolung binkheampung thsübah tüsho nüsa phulung ching arü khimyambo thsübah; arünü nüsa sangaso tsühbah, tüsho arünü nüsa niuhke yungbah.

HOSEA 1:5

Ju nimung inü Jezreel jindükhün ching Israel sanglüh yihshakbah.”

JIHUSUA 17:16

Arünü alo, “ Awung lominü isa musuhdah, tüsho adükhün ching larü Kananrü Beth-shan tüsho ju mühi kiulongbo le Jezreel jindükhün ane chido ching larübo yinchi lolungbe lah.”

JIHUSUA 19:18

Ju ching bekhi ju Jezreel, Kesulloth, Shunem,

JIHUSUA 3:16

tüsho achanglimnü bukde akikhi ju tuklo tüsho kingmukhungde Zarethan kiuto yean Adam kiuto khiungde kingmukhung, junangde Araba keto lim bukde ayükhi yung ju tukloabah tüsho mihtsürübo Jirikho phünide ju hokhukde yü.

MAHKHAPRÜ 6:3

Küyimki Israelrü mükheande alakhea, Midiarü le Amalekrü tüsho aniakhiuklim mihtsürünü atubah arü yan;

MAHKHAPRÜ 7:1

Judüki Jerubbaal (ju Gideon) tüsho api lung lakhi mihtsürü alala mükikde asürü tüsho Harod kenü ki binkheam. Midiarü binkheampung ju dukulim jindükhün ching More wung phünide alakheah.

MAHKHAPRÜ 7:24

Judüki Gideonnü Ephraim awung lomi alala ching yunithsürü thiyia yüshih, “ Midiarü azhihde akiang tüsho Beth-bara le Jordan kebo khiungde kapdoang.” Jumonü Ephraim mihtsürü alala jikhit, tüsho Beth-bara le Jordan khiungde kebo kapdo.

MAHKHAPRÜ 7:8

Jumonü Gideonnü aningkhi Israelrü nihbuh khimyambo ching thiyia yüshih, tüshe ahiuhakhiprü tüsho hulipungpung shuhrü 300 zolo; tüsho Midiarü binkheampung ju abolim jindükhün ching lakheah.