MAHKHAPRÜ 6:31 - AMÜSÜH HÜM CL Bible (BSI)

³¹ Tüsho Joashnü api azhihde azhiprü alala ki tha, “Nüsanü Baal thsungkheak mürangba de? Nüsanü api khümkhitpü? Shepünü api thsungkheak mürangbanü yapsu sheshang! Api thrünpuh khülang a sho, anihbuh küdah thsüde tsungloshang, tümütüsho api kingaün sadam lukkheamdo!”

MAHKHAPRÜ 6:31 Iomraidhean Croise

1 KIULONG THSÜRÜ 18:27

Animuro Elijanü arü ki keangrümünede tha, “Achangnü zhiang! Tsükjide api thrünpuh khülang ah; api lümkhi hihlah, yungsho api zuknuklah, yungsho api hantsah yüa lah, yungsho khükia api yapshea lah tüsho ayihmusubeah.”

1 KIULONG THSÜRÜ 18:29

Animuro hobah, arelim taka kingaünpü khiungde arünü mutuklode kolahkochide dapdapruru. Tüshe düsheak müla, tümü she malojih.

1 KIULONG THSÜRÜ 18:40

Elijanü arü ki tha, “Baal wukihrübo ramang; arü khülang she dütsoshih.” Judüki arünü arübo ram; tüsho Elijanü arübo Kishon dükhün ching bede aki, tüsho arübo ju ching laksah.

ABEKHIT 23:2

Amütsü rhimopü nünü boto düyan; yungsho thiyumütsan jihchoki thiyuro bephülappü thsüde boto kilim dütsang.

ISAIA 41:23

Ha dunglim tümü arübanü isa ki thaang, junangde nüsa ju thrünpuhbo ah de isanü amükheahbah; atsü thsang, yungsho thsümünimang, junangde isanü atrebah tüsho müyinsahbah.

ISAIA 46:1

Belnü khukningchoh, Nebonü mükhümchoh, arü sangthsübo shiwüh tüsho moshibo kheak lah; nüsanü ahankhibo ha akeakpü lakhi shiwühbo kheak hahmülang lah.

ISAIA 46:7

Arünü ju dubuh kheak shuhkih-a hanchoh, arünü azopung ching zochoh, tüsho ju ching zhipchoh; ha ju chingnü matrütkhuk. Khürünü ju ki zhisho, malojih yungsho sheshe küpkhuk chingnü mükhümkhit.

JEREMIA 10:11

Nünü arü ki ha thaang: Thüningbo tüsho alomi müthrünkhi thrünpuhbo alomi chingnü tüsho thüningbo khüpnü adükheakbah.

JEREMIA 10:5

Arü sangthsübo ju liuheak lu ching wuhnu-dütrütbe nangde lah, tüsho arünü masukachihkhuk; arübo ahanbeah, tümüde arünü mütsahkhuk. Arü ki dütre, tümüde amütsü müthsükhuk, yungsho arü kheak atsü thsüpü müla.

WÜHKHE 14:6

Tüsho Nun tsührü Jihusua tüsho Jephunne tsührü Kaleb, lomi zütakheah lung benenü khimmih thorüp,

1 KORINT 8:4

Junangde sangthsübo ki kingaünkhi tsühyungbe tsühkhi ju, sangthsü khülang ju atsütsü rhangdung müla de isanü mükheahlah, tüsho Thrünpuh khülang lang lah.

EFISIA 5:11

Amiting rhimobo ching shihcham dülu, tüshe jurü yinde kamshang.

MAHKHAPRÜ 6:30

Judüki kiuto mihtsürübonü Joash ki tha, “Nü tsührü bede akhiukang, api ashebah, tümütüsho apinü Baal kingaün sadam lukkheam tüsho ju ki lakhi sangthsü kiumülün.”

MAHKHAPRÜ 6:32

Jumonü ju nimungnü Gideon ju Jerubbaal de ji, tümütüsho Joashnü tha, “Baalnü aküdah thsüde tsungloshang; api kingaün sadam lukkheamdo.”

1 SAMUEL 12:11

Tüsho Atungpuhnü Jerubbaal, Bedan, Jephtha, tüsho Samuel thiyibah nüsa mühi thiriribo khah chingnü nüsa khümkhit; tüsho nüsa akhümkhitkhi ching la.