MAHKHAPRÜ 6:3 - AMÜSÜH HÜM CL Bible (BSI)

³ Küyimki Israelrü mükheande alakhea, Midiarü le Amalekrü tüsho aniakhiuklim mihtsürünü atubah arü yan;

MAHKHAPRÜ 6:3 Iomraidhean Croise

THRÜNTAN 25:6

Tüshe Abrahamnü api hanniubebo tsührübo kilim thsambahbo jih; tüsho api lade alachoki apinü arübo ju atsührü Isak kheaknü aniakhiuklim lomi lim thiyia yüabahshih.

THRÜNTAN 29:1

Jumonü Jakobnü hantsahde yü tüsho aniakhiuklim mihtsürü lomi ching arü.

1 KIULONG THSÜRÜ 20:27

Küyimki Israelrübo she jimukhungbah thsühnuk thsakhamkhea, arünü arübo shorupü wukhiuk; Israel mihtsürübo a mihnu boto anini mahne nangde arü mikhuh ching binkheam, Siriarü a lomi mi.

1 KIULONG THSÜRÜ 4:30

junangde Solomon lümlungnü aniakhiuklim mihtsürü alala lümlung, tüsho Ijip lümlung alala zhidoabah.

1 KIULONG THSÜRÜ 5:10

Jumonü cedar tüsho saipress sangthulung Solomon yihnüpü alala Hiramnü jih.

JOB HU H T ANYU 1:3

Api namfimihnu 7000, kemel 3000, sangkaplak kihkhi moshipung dudu 500, donki 500, tüsho yamlarü ahihdo lakheah; junangde ha mihtsürü aniakhiuklim mihtsürü alala lung aladreto lakheah.

JOB HU H T ANYU 31:8

dale tüsho inü yanganü, tüshe püpürü tsühshihanü; tüsho I thsungkheak tümü mukhuhchonü rukkhita bahang.

ABEKHIT 17:8

Kheakü Amalekrü arü tüsho Rephidim ching Israel bede keochih.

ISAIA 11:14

Tüshe anenü aniyüzahlim Filistiarü düthsün kheak phinde yükibah, anenü thsürubah aniakhiuklim mihtsürü yankhia lubah. Anenü ane khah Edom tüsho Moab azhihde achungbah, tüsho Amonrünü arü ki mihyu anibah.

ISAIA 62:8

Atungpuhnü api khah tsülim tüsho Wuto khahnü thiyuchihchimdo: Inü kheaküa nü hi nüsa riri jim thsüpü müjih, tüsho nü khisahkhi chingnü khiungkerünü yukhu muyung;

JEREMIA 49:28

Babilon kiulongthsüpuh Nebukednezarnü akukkhi Kedar tüsho Hazor kiulongthsübo dünkheak Atungpuhnü ha thachoh: Asürang, tüsho Kedar yanang; tüsho Aniakhiuklim mihtsürü dükheakshang!

EZEKIEL 25:3

Amonrü ki thaang, Atungpuh T H RÜ NPU H yu aniang: Atungpuh Thrünpuhnü ha thachoh, Tümütüsho I arüngyam müneana lachoki, tüsho Israel lomi thsümünima lachoki, tüsho Juda yamkhün ramtso ching yüchoki nüsanü “Aha!” de tha;

EZEKIEL 25:4

jumonü inü nüsa aniakhiuklim mihtsürü kilim yamalo thsüpü jihchoh. Arünü nüsa bolung binkheampung thsübah tüsho nüsa phulung ching arü khimyambo thsübah; arünü nüsa sangaso tsühbah, tüsho arünü nüsa niuhke yungbah.

LEVI 26:16

inü nüsa kheak ha rhimobah: Inü nüsa kheak zukleangnü atrebe handarübah; nüsa mük tukshihpü tüsho rhangdung dükheakshihpü thsüde amungube tukthsü tüsho phütsak arüshihbah. Nüsanü müjih akeangkeang ching hiubah, tümüde nüsa riribonü jurü tsühbah.

MIKA 6:15

Nünü ayangbah tüshe müyimlu; nünü olivbo nitbah tüshe nü kheak müdangke mumuju, nünü kurungaso thsünbah tüshe yukhu muyung.

YUZÜNGTHALO 28:51

Tüsho nüsa müsheshihyi khiungde arünü nüsa yo akam-shiwüh bukhi tüsho nüsa lo chingnü akhiukkhi tsühbah; arünü nüsa kilim hi yungsho yukhu aso yungsho oliv müdangke yungsho moshi yungsho mihnubo bukhi, nüsa müsheshihyi khiungde maningjih.

MAHKHAPRÜ 10:12

Kheaküshe Sidonrü, Amalekrü, tüsho Maonrünü nüsa juno; nüsanü I ki zhi tüsho inü arü khah chingnü nüsa bekhit.

MAHKHAPRÜ 3:13

Judüki apinü Amonrü le Amalekrü bebah Israelrü kuk, tüsho arünü ashisang lakhi kiuto luabah.

MAHKHAPRÜ 6:2

Tüsho Midiarünü Israel kuk; tüsho Midiarü dünkheaknü Israel mihtsürünü arü jikpung awungbo, lungkhünbo tüsho chipibo ching thsü.

MAHKHAPRÜ 6:33

Judüki Midiarü tüsho Amalekrü, aniakhiuklim mihtsürü alala trüngmukhung; tüsho arünü Jordan hode yübah Jezreel jindükhün ching binkheam.

MAHKHAPRÜ 6:4

arünü arü azhihde binde arü tüsho phünirü Gaza khiungde lomi chingnü akhiukkhi thsümünimjih, tüsho Israel ching rhangdung lakhi, namfimihnu, moshipung yungsho donki tümü she maningshih.

MAHKHAPRÜ 7:12

Tüsho Midiarü le Amalekrü tüsho aniakhiuklim mihtsürü alala tangkhobo nangde hihdakde jindükhün ching bin; arü kemelbo ju keyean loyi nangde mükhebinbe lakheah.

MAHKHAPRÜ 8:10

Kheakü Zeba tüsho Zalmunna, aniakhiuklim bonungrü aningkhi alala, mihtsürü 15,000 bande bebah Karkor ching lakheah; tümüde bonungrü 120,000 laksahdo.