MAHKHAPRÜ 6:27 - AMÜSÜH HÜM CL Bible (BSI)

²⁷ Jumonü Gideonnü api yamlarü bolungnü mihtsürü 10 bebah Atungpuhnü api ki thakhi nangde thsü. Tütüshe apinü animung rhimopü abuh yamkhün tüsho kiuto mihtsürü khide atremonü azhing ching rhimo.

MAHKHAPRÜ 6:27 Iomraidhean Croise

MUNGSHIKHÜN 112:5

Mihtsürü atsünü amüthsüm lade rhimochoh tüsho nipjihchoh; apinü anihbuh shothsümolo thiyuronü akhualochoh.

MATHI 16:24

Judüki Jisunü api jingyanrübo ki tha, “Khürünü I dunglim arünesho api küdah thsüde danyukang tüsho nihbuh sangkim shuhbah I yanang.

JOHAN 15:14

Inü nüsa ki thiyukhüm jihkhibo nüsanü rhimosho nüsa ju I müyamrübo ah.

JOHAN 2:5

Abenü yamlarübo ki tha, “Apinü nüsa ki tümüpürü thachonü, ju rhimoang.”

JOHAN 3:2

Ha mihtsürünü azhing ching Jisu ki arübah tha, “Rabbi, nü a Thrünpuh kilimnü arükhi thsangyurü ah de isanü mükheahlah; tümütüsho api lung Thrünpuh müladüa nünü arhimokhi harü khinthiyinbebo shenü mürhimokhuk.”

GALATIA 1:16

inü khiungkerü bolung api thsangyuthsangrapü api tsührü I kheak akhiukpü lakhea, inü mihtsürü ki keokhikeorapü müniokheam,

YUZÜNGTHALO 4:1

“O Israel, inü nüsa ki thsangyukhi yakzanbo tüsho thiyuzüngbo kheakü aniang, junangde nüsa rhangdung labah, tüsho Atungpuh nüsa bebuhrü Thrünpuhnü ajihkhi lo nüsanü yübah alubah.

1 TESALONIKA 2:4

tüshe isa kheak thiyusheakatsü reangkihjihpü Thrünpuhnü amulongkhi nangde mihtsürü asühshihpü yung tüshe isa mulong rükakheahbuh Thrünpuh asühshihpü isanü asukchoh.

MAHKHAPRÜ 6:26

tüsho ha lungto mi kheak tsüde tsanglungbah Atungpuh nü Thrünpuh kilim kingaün sadam khülang thsüang, tüsho mahnepü moshipung lubah nünü sangthsü kiukheamkhi sangnü Atungpuh kilim laksah-a taka kingaünkhi jihang.”

MAHKHAPRÜ 6:28

Tüsho küyimki kiuto mihtsürübo yapsu mükikde asürükhea, Baal kingaün sadam lukkheama lakheah; tüsho ju ki sangthsü she kiukheama lakheah, tüsho thsüa lakhi kingaün sadam kheak mahnepü moshipung kingaüna lakheah.