MAHKHAPRÜ 6:23 - AMÜSÜH HÜM CL Bible (BSI)

²³ Judüki Atungpuhnü api ki tha, “Nü lung mungtsü laang; dütre, nü müshe.”

MAHKHAPRÜ 6:23 Iomraidhean Croise

THRÜNTAN 32:30

Jakobnü ju dangpung mung Peniel de ji: “Tümüde inü mironü miro Thrünpuh ngüdo, tüshe I rhangdung aninga lah.”

THRÜNTAN 32:31

Api Peniel hobah ani akhiuk, tüsho anihbuh mutsuro mütsükhinü api akheangde alakheah.

THRÜNTAN 43:23

Tüshe apinü tha, “Nüsa tümü müthsü, dütre. Nüsa le nüsa abuh Thrünpuhnü nüsa shungliu-qiuqiubo ching nüsa kilim rahpung yukjihdo; nüsa sho a le inü ludo.” Jushu apinü arü kilim Simeon bede akhiuk.

MUNGSHIKHÜN 85:8

Atungpuh Thrünpuhnü tümü asukbanü inü anibah, tümüde apinü api mihtsürü tüsho amüsührü ki mungtsü asukbah; tüshe arü makhakhi lim dürholoshih.

DANIEL 10:19

Apinü tha, “Dütre, tode muzhodakbuh, nü mungtsü laang. Reangzahang tüsho mulong toang!” Küyimki apinü I ki asukkhea, I reangzahde kam tüsho tha, “ I tungpuhnü asukang, tümüde nünü I reangzahde kamshihdo.”

JOHAN 14:27

Inü nüsa lung mungtsü zojihchoh, I yo mungtsü inü nüsa kilim jihchoh; alominü ajihkhi yung nangde inü nüsa kilim jihchoh. Nüsa mulong düthsümünim, yungsho dütre.

JOHAN 20:19

Ju nimung arelim, amu-khip akhuhbe nimung Jihudarübo trekhinü jingyanrübonü ripit rihbah alachoki, Jisu arübah arü bolung zhipbah tha, “Nüsa lung mungtsü laang!”

JOHAN 20:26

Tüsho nimung tizheah dunglim jingyanrübo kheaküshe alunglim lakheah; tüsho arü lung Thoma lakheah. Khimdopü rih-a lalashe arübah arü bolung zhip, tüsho tha, “Nüsa lung mungtsü lang!”

ROMRÜ KILIM PAULNÜ ATHRÜTKHI KIHÜM HUHTANYU 1:7

Thrünpuhnü muzhokhi, amüsührü thsüpü jikhi Rom ching larü alala kilim: Isa Abuh Thrünpuh tüsho Atungpuh Jisu Khrista kilimnü nüsa amüthsüm tüsho mungtsü lashang.

MAHKHAPRÜ 19:20

Tüsho ashinbuhnü tha, “Nü lung mungtsü lashang; nü yihnüpü alala I hahmülang thsübah; wungdo phulung ching lang azhing ching düyap.”

MAHKHAPRÜ 6:22

Kheakü api ju Atungpuh yunirü thsüa lah de Gideonnü anikhit. Jumonü Gideonnü tha, “ Aha, O I Tungpuh T HRÜNPU H ! Tümüde inü Atungpuh yunirü mironü miro ngüdo.”

MAHKHAPRÜ 6:24

Jumonü Gideonnü ju ching Atungpuh kilim kingaün sadam khülang thsü, tüsho ju ki, “Atungpuh ju mungtsü” de ji. Khihni khiungde ha Abiezerrü yo Ophra ching lah.